John 14:26 - Sümi Tiqhelimi Bible

²⁶ Ikemu Shikumtokütsüu, Aghungu Kimthe, khikhi Apù no I je lono puwu nani keno, pa no thowkha kümtsü nongu kütsü nani eno I no nongu vilo pive keu kümtsü pesü nongu ghutu nani.

BAIBEL (BSI)

²⁶ Ikemu Shikumtokutsuu, Aghungu Kimthe hu Apu no ije lono puwunikeu huno thwokha nongu shika nani, ino nongu vilo pivekeu kumtsu pano nongu pelo kumsuchilelu pe nani.

Sumi Naga CL (Re-edited) Bible (BSI)

²⁶ Ikemu Akukuphuu, Aghungu Kimthe, khuu Apu no I je lono puwu nani keno, pa no thokha nongu shika nani, I no nongu vilo pive keu kümtsü pa no nongu pelo kümsüchilelu penani.

John 14:26 Mawu Ofanana

MATTHEW 1:18

Jisü Messiah ye hitoi punúlu: Pazá Mary ye Joseph sasü külakupu shini ke tushoqhive, ikemu pama külakupu shimphi züu no Mary ye Aghungu Kimthe vechewo mishiwuve aghí.

MATTHEW 1:20

Ikemu pa no hipau kümsüluve kethiu, Ampeu’w kungumi lakhi no asamou no pa lau ipeghino pi, “David nu Joseph, Mary pesü O nipu shini keu lo msà kevilo, kughengu li no mishí chekeu ye Aghungu Kimthe lono ke.

MATTHEW 28:19

Tighenguno shiye kümtsü lau wulo eno I khopemiqo shilu pelo; Apù jeku, Anu jeku eno Aghungu Kimthe jeku no baptiz shitsülo,

MATTHEW 3:11

“Nongu mlo pebide penike ghenguno ni ye azü pesü nongu baptiz shitsü ani. Ikemu khuu I shelo cheni keno pa ye I nguno akumtou ke, ni ye pa pukhukuqhomu pe küzü kumoe. Pa no Aghungu Kimthe eno ami pesü nongu baptiz shitsü nani.

Mark 12:36

David ampi no Aghungu Kimthe vechewo no ishi shuphe ke: “Ampeu no I mpeu vilo pi: I no O ghümiqo pesü O pukhu qholo qhitsümo ke kutólo I u ajeu iqalo.

Mark 13:11

Kugho-kughomu nongu küghaluve no atsa kükügha-a lo süghi kelo, kiu pi nani keno azüu no amlosa kevilo. Ado tipau lo O lolo müzüsütsü keu likhi pilo, kughengu tiye nono pi anike kumoe, ikemu Aghungu Kimthe no pi anike.

Luke 1:15

kughengu pa ye Ampeu zülo kijè shi nani. Pa ye khilemu atsaizü jeli momu atsaizü kümkaqo peithamo nani, eno pa ye punú mphi züu no Aghungu Kimthe no chhitoive nani.

Luke 1:35

Kungumi no khochile: “Aghungu Kimthe no O shou ikughi nani eno Alhou Akiqheu küká no O küzüluve nani. Eno akimthe ngá punú niye shi akeu ye Alhou Nu ipi ku nani.

Luke 1:41

Kughou Elizabeth no Mary sasü petha shi keno li po lo angá no pakütashi ithae, eno Elizabeth ye Aghungu Kimthe no chhitoive.

Luke 1:67

John papù Zechariah ye Aghungu Kimthe no chhitoive no tungkupu tsa hitoi pi:

Luke 11:13

Tishiaye, nongu küsaküghami thotsü thime kivi pesü nongu tianuli tsüke ye ithi aghí aye, nongu Papù kungugha lo akeu ye kíshi tinguno alau Aghungu Kimthe pesü pa vilo khukemiqo tsü nani kea?”

Luke 2:25

Jerusalem lo timi amikuchomi eno Alhou sükümsami lakhi Simeon ipikeu ache. Aghungu Kimthe no pa shou ache eno pa ye Alhou no Israel lokughuno tsü nikeu khekulhoshi acheke.

Luke 24:49

I pù no kiu piqhipüani keno I no nongu lau puwu nani. Ikemu nongu ye kunguu no aküka nongu shou ikughi moke kutólo mishighüna lo ngo aghílo.”

Luke 3:22

eno Aghungu Kimthe ampi no miqhedu lakhi toi ighino pa shou iku ngove. Eno kungugha lono asütsa lakhi ighi: “No ye I no qhuivü chekeu, I nu ke; O shou I mlokiqi achenie.”

John 1:33

Eno I likhi ni ghí pa mtha ke, ikemu I pelo azü lono baptiz shipe nike I puwu keu no I vilo pi, ‘Timi khuu shou Aghungu ikighi no ngo keu no no ithuluni keno pa no Aghungu Kimthe lono baptiz shitsü nani.’

John 12:16

Atüghi lo pa khopemiqo ye hipaqo lakhimu vethamla no ake. Jisü no ajuküvü shive kethiu likhi no hipaqo kümtsü pa ghili yèpüa keu eno pa lau shive keu kepi panongu no kümsüchilelu ke.

John 14:16

I no Apù vilo khu nani, eno pa no shikumtokütsüu kütau lakhi nongu kuphu penike eno nongu gholo pülhapuju apenike tsü nani—

John 14:25

“I no nongu gholo aphi lono hipaqo kümtsü pive ani.

John 15:26

“Kughou I no Apù lau no puwu keu Shikumtokütsüu—Apù lau no ighi keu kuchou Ghungu—ighini keno pa no I shepe shi nani.

John 16:7

Ikemu kuchou no I no nongu vilo piani, I no wuve keu no nongu kivipu ke. I no wuvemo ke thaqhülo Shikumtokütsüu hu ye nongu lau ighimo nani; ikemu I no wu anguno, I no nongu lau pa puwu nani.

John 2:22

Akithí lono pa xüputhuve kethiu, pa khopemiqo ye pa no kiu pi akeno kümsüchilelu. Tisheno panongu no Kuchoyesü ngò Jisü no piakeu tsaqo shou pülübelue.

John 20:22

Tisheno pa no panongu shou atuthu fupuku no pi, “Aghungu Kimthe sasülulo.

John 6:45

Tungkupu kakuqo lo ishi yèpüani: ‘Panongu kümtsü Alhou no shika nani.’ Apù tsa chilu kemi eno pa lau no shikalu kemi kümtsü I lau ighi cheni.

John 7:39

Pa no hipau pikeu kiqi ye kutou pa pülü kemiqo no Aghungu ithulu niye shi akeu tsa ke. Jisü ye ajuküvü lono xüputhumo no ake ghenguno tipau do kutólo ye Aghungu tsümo no ae.

Apostolmi 1:2

tiye Aghungu Kimthe vechewo pa no apostolmi shipe niye kisheluve kemiqo lau mijeve tsü kethiu kungugha lo saikuve keu tsalà tomo ke kutólo ke.

Apostolmi 1:4

Ghulo lakhi pa no panongu gholo chuqu-kusho shi akelo pa no azah hipau panongu tsü: “Jerusalem qhi kevilo, ikemu I pù no aghò tsüní ipi piqhipüa keu ngokhe lo. I no aghò tipau ghili piche keu nongu no chiluvea.”

Apostolmi 1:8

Ikemu kughou Aghungu Kimthe nongu shou ikughini keno nongu no aküka ithulu nani; eno nongu ye Jerusalem lo Judea qha kümtsü lo, Samaria lo eno ayeghi shekichi kutólo iw thopimiqo shi nani.”

Apostolmi 11:16

Tile no I no Ampeu no pikeu tsa hipau kümsüchilelu: ‘John ye azü pesü baptiz shitsüe, ikemu nongu ye Aghungu Kimthe lono baptiz shitsü nani.’

Apostolmi 13:2

Panongu no Ampeu sheqhe mülá eno kümvü akelo Aghungu Kimthe no pi, “Barnabas ngò Saul pama ye I no ku pe püakeu kümlà shipe nike ghenguno pama kütashi qhilo.”

Apostolmi 13:4

Pama ye Aghungu Kimthe no pama puwu püzü Seleucia lo iqi eno tilau no zükilu lono Cyprus lo wuve.

Apostolmi 15:28

Aghungu Kimthe ghengu ghí eno ningu ghengu ghí aloke ipi kümsü akeu ye hi aqhou avehupu shi akeu nguno alau ye kiumu nongu pünamoni keu shivae:

Apostolmi 15:8

Alhou, khuu timi mlo ithikicheu keno, pa no ningu lau shikeu toi Jewkumomiqo ikhilu ani kepi pephe-piye keu michi shi Aghungu Kimthe panongu tsüke.

Apostolmi 16:6

Asia bocho lo atsakiviu kütsü pemo nike Aghungu Kimthe vechewo lakhave kehu Paul ngò pa küsàmiqo ye kicheghüzü shisü Phrygia eno Galatia ko-aqha kümtsü lo wue.

Apostolmi 2:33

Pa süqhe pesü Alhou u ajeu qhi eno Apù lau no tushoqhi püakeu toi Aghungu Kimthe ithulu püzü nongu no itehi ithulu eno chilu akeu toi lepuku tsüke.

Apostolmi 2:4

Panongu kümtsü Aghungu Kimthe no chhitoive eno Aghungu no panongu pelo pilu pe kehu amili kütau no atsa pithuve.

Apostolmi 20:28

Nongu likhi nongu jukuto lo eno Aghungu Kimthe no nongu pelo jukükütsüu shipe nike qhipüa kemiqo kümtsü jukuto lo. Alhou’w akukuhou khemiqo shilo, tiye pa likhi pa jì no qhüpe püani ke.

Apostolmi 20:35

I no shikeu kümtsü lo shishe aghime shi mülà püzü miqemilei kemi kuphu moayesae ipi nongu pìye ke, eno Ampeu Jisü ampi no hitoi pipüa keu tsa kümsülu akepue, ‘Tsü keu no lu keu nguno akümghapue.’ ”

Apostolmi 28:25

Panongu likhi panongu dolo no pulokile mülave püzü Paul no ashekhau tsa hi pive kethiu, panongu lakhi-khi no wove: “Aghungu Kimthe no Isaiah tungkupuu vechewo nongu pù-asüqo vilo pikeu ye kuchou ke:

Apostolmi 5:3

Ikelo Peter no pi, “Ananias, no ye kíshi püzü Satan pelo O mlo lo ilove pe no Aghungu Kimthe pishiqhi ghi nono alu jelu keu lono pisa hami ikhithape O sala qhiluve kea?

Apostolmi 7:51

“Nongu amlo kuthovi kemiqo! Nongu mlo eno kìníqo ye kili mphie. Nongu ye nongu pù-asüqo toi pülhapuju Aghungu Kimthe mjochile cheni!

Apostolmi 7:55

Ikemu Stephen ye Aghungu Kimthe no chhitoi shi püzü atsütsǘ lo jupuku no Alhou juküvü ngò Jisü no Alhou u ajeu puthugho akeu ithulu.

Rommi 14:17

Kughengu Alhou kükaphu ye kuchu-kusho vehu kumoe, ikemu tiye achipiumikucho, aloino keu, eno Aghungu Kimthe vechewo alokivi ke.

Rommi 15:13

Nongu no pa shou pükhübe ake toi, lajupu tsü chekeu Lhou pelo alokiqi eno alokughuno chhitoi nongu shepichhi tsü peniu, tishi keu lono nongu pelo Aghungu Kimthe küká vechewo lajupu qochililu apeniu.

Rommi 15:16

ni ye Jewkumomiqo lau Khristo Jisü qeu lakhi ke. Pa no Alhou tsakiviu pe asheshu pe nikeu chine kümlà I pichhe tsüke, tishianguno Jewkumomiqo pelo Aghungu Kimthe no shikimtheve no Alhou no ikhikulupu kümlagho shilu peniye ke.

Rommi 5:5

Eno lajupu hipau ye ningu pelo kujove pe chemo, kughengu Aghungu Kimthe ningu tsüpüa keu vechewo Alhou’w kikimiye ningu mlo lo lesüve tsüae.

1 Kor. 12:3

Tighenguno I no nongu pelo ithi penishi akeu ye khukhumu Alhou Ghungu vechewo piche kemi ye, “Jisü ye müsüinivea,” kepi pimo nani, eno Aghungu Kimthe vechewo likhi no kumo aye khunomu, “Jisü ye Ampeu,” kepi pimla nani.

1 Kor. 6:19

Nongu phimpi ye Aghungu Kimthe chineki ke, pa ye nongu lolo akeu eno Alhou no nongu tsü keu kepi nongu ye mtha keshea? Nongu ye nolikhi nonguw kumovae;

2 Kor. 13:14

Ampeu Jisü Khristo’w küpükini, Alhou’w kikimiye, eno Aghungu Kimthe kuposhukulu nongu kümtsü gholo apeniu.

2 Kor. 6:6

Ningu ye amikucho, vethakulu, kheakulu eno küpüqhiyi keu, Aghungu Kimthe eno amikucho kikimiye vechewo nilikhi ni kimchitsü cheni.

Ephesiami 1:13

Eno kughou nongu no kuchou kükütsü sütsa, nonguw xakulu tsakiviu chilu keno, nongu ghí Khristo gholo küqhaluvea ke. Kughou nongu no pülüluve keno, nongu ye chishida keu pesü pa gholo amichi shive ke. Pikiqhi Ghungu Kimthe

Ephesiami 1:17

Ni ye ningu Mpeu Jisü Khristo Lhou, ajuküvü Apù pelo alokütsü ngò piyeküsü Ghungu nongu tsü penike inikhu acheni, tishianguno nongu pelo akivishi pa ithi peniye ke.

Ephesiami 4:30

Eno Alhou Ghungu Kimthe shikulosü kevilo, nongu ye xachilekulu tsalá ghenguno pa gholo mekha küqhavea ke.

1 Thes. 4:8

Tighenguno, khukhumu hipau shikakütsü milive keu ye timi milive anike kumoe ikemu Alhou khuu no pa Ghungu Kimthe pesü nongu tsü keno pa milive anie.

2 Tim. 1:14

O pichetsü keu toi kuchou vehu khekuto lo. Aghungu Kimtheu khuu ningu lolo acheni keno tipau kukuphu vechewo khekuto lo.

Titus 3:5

pa no ningu xaluve ke, tiye ningu no amikucho kümlà shikeu ghenguno kumoe ikemu paw kimiyekini ghenguno ke. Qhukimthe keu lono punú kithe keu eno Aghungu Kimthe lono shikithe keu vechewo pa no ningu xalu ke,

IBRIMI 10:15

Hipau ghili ye Aghungu Kimthe ghí ningu lau thopi shike. Atüghishi pa no ishi pi:

IBRIMI 2:4

Alhou ghí xakulu hu ye amichipu, akichiqhipu, eno akümzapu kümlà jeliqo eno pa pulou kiqi lono kijé tsü keu Aghungu Kimthe ghòqo vechewo thopi shitsü ke.

IBRIMI 3:7

Ike, Aghungu Kimthe no pikeu toi: “Ishí nongu no pa sütsa ini aye,

IBRIMI 9:8

Hipau vechewo Aghungu Kimthe ye Akimthe Nguno Akimtheu-a lo ilo nikeu laghi ye puloshoqhi-chebo atüghiu peitha ake kutólo pephe-piye mphi kepi pìye anike.

1 Peter 1:12

Alhou no tungkupmi lau piyesü keu no panongu no mülà akeu ye pano likhi pano ghenguno kumo no hi nongu ghenguno ke; tihu itehi ye nongu lau kungugha lono ighi keu Aghungu Kimthe vechewo atsakiviu pikülhave keu vehu ke. Kungumiqo ghí thime hipaqo lo jusünishikütü cheke.

2 Peter 1:21

Kughengu tungkuptsa ye khilemu timi pulou lono hukuthu shi ighi püamoe, ikemu tungkupumiqo ghí timi shi anamu Aghungu Kimthe no mijetsü keu vechewo Alhou lau no ighi keu tsape pi cheni ke.

1 John 2:20

Ikemu nongu ye Akimtheu Lakhi hu no nukishe püani, eno nongu kümtsü no kuchou ithi ani.

1 John 2:27

Nongu ghengu ye, nongu no pa lau no nukishe keu ithulu keu nongu lolo anike, eno nongu ye nongu shika penike khumu avehupu shi amoe. Ikemu pa no nukishe keu no thime kümtsü nongu shika cheni eno nukishe keu tipau ye kuchou ke, kichileu kumoe—nongu shikave keu toi, pa gholo achelo.

1 John 5:7

Kughengu thopi shi chekeu küthü ani:

Jude 1:20

Ikemu nongu I no kimiye chekemi shompamiqo, nongu ye nongu küpülü shishe akimtheu shou qhi keu eno Aghungu Kimthe lono inikhu keu vechewo nongu küxü shiqhepuku lo,

Piyeküsü 2:11

Aghungu no akukuhouqo vilo kiu piani keno chilu nishi kemiqo pelo chilu pelo. Khunoqo no toluvea keno akithí akiniù ye khilemu pa ghüza müla nani.