John 14:20 - Sümi Tiqhelimi Bible

²⁰ Tipau tsalà lo nongu no ni ye I pù lolo ani, eno nongu ye I lolo ani eno ni ye nongu lolo ani kepi vethalu nani.

BAIBEL (BSI)

²⁰ Tipa tsalanino, niye iPuh lolo akeu eno nonguno ilolo akeu eno niye nongu lolo akeu nonguno ithi nani.

Sumi Naga CL (Re-edited) Bible (BSI)

²⁰ Tipa tsalani I no I Pu lolo akeu, nongu no I lolo akeu eno I no nongu lolo akeu nongu no ithi nani.

John 14:20 Mawu Ofanana

John 10:38

Ikemu tsalá I no tipaqo shi aye nongu no I pülümo namu akümlàqo pülülo, tishianguno nongu no Apù no I lolo akeu eno I no Apù lolo akeu ithi no vethalu nani ke.”

John 14:10

Ni ye Apù lolo ani eno Apù ye I lolo ani kepi no ye pülü chemo keshea? I no nongu vilo pichekeqo tsa ye I likhi iw kükagha lono pichemoe. Ikemu tiye Apù I lolo xü akeu hu no pa kümlà shi anike.

John 14:11

Kughou I no ni ye Apù lolo ani eno Apù ye I lolo ani ipini keno I pülülo; tikumo aye akümlà shipe pìye keqo vechewomu kuchou kepi pülülo.

John 16:23

Tipau tsalà lo nongu ye I vilo kiumu injumove nani. Kuchou no I no nongu vilo pìní, nongu no I je lono kiu-kiumu khu aye I pù no nongu tsü nani.

John 16:26

Tipau tsalà lo nongu no I je lono khu nani. Tiye I no Apù vilo nongu züqhu shi khu nani ipi anike kumoe.

John 17:11

Ni ye ayeghi lo ngo ani chemoe, ikemu panongu ye ayeghi lo aphie, eno ni ye O lau chenie. Apù Akimtheu, O je küká vechewo panongu süsho tsülo, aje tiye nono I tsü keu ke, tishianguno nikujo no lakhi shi ake toi panongu ghí lakhi shilu peniye ke.

John 17:26

I no panongu pelo O je ithivepe ae, eno tamo no no ithi ape nani tishianguno nono kikimiye I ghenguno akeu toi panongu lolo apenike, eno ni ampi no panongu lolo ape niye ke.”

John 17:7

Itehi panongu ye no no I tsü keu kümtsü O lau no ighi keu ke ipi ithivae.

John 6:56

Khukhumu I shi chu eno I jì ye keu ye I gholo kimepe ani eno I no panongu lolo ani.

Rommi 16:7

Andronicus ngò Junia pama lau petha tsülo. Pama ye I küsàmi Jewmi eno I gholo kümtsa akughu lo acheke. Pama ye apostolmiqo dolo akiqheu shi ikhilu chekemi, eno pama ye I züu no Khristo pülüluve ke.

Rommi 8:1

Tighenguno Khristo Jisü’w shiluve kemi shou ye küghathabemo nani,

1 Kor. 1:30

Alhou ghenguno nongu ye Jisü Khristo gholo anike, eno Khristo Jisü vechewo Alhou lau no ighi keu lokütsü ningu tsüke—tiye ninguw achipiumikucho, akimthe eno xachilekulu ke.

2 Kor. 12:2

I no Khristo lono timi lakhi ithi ani; ike tiye Ampe chighibidi züu ni ye kunguu kungugha aküthüu lo saikuve ke. Tiye aphimpi lono keo aphimpi qhive no iku keno ni ye mthae. Alhou no ithi ani.

2 Kor. 13:5

Nongu ye nongu küpülü mutupe ani keo mokeno nongu likhi nongu phukideküdai ju moayesa ke. Jisü Khristo ye nongu lolo ani ipi nongu ye mtha keshea? Nongu no pekuju lo tomlave ke kumo aye Khristo Jisü ye nongu lolo anike.

2 Kor. 5:17

Tighenguno, timi khukhumu Khristo gholo xükimeluve aye pa ye lhoxü kithé shiluvae: Aqau ye wovae eno akitheu ighivae!

2 Kor. 5:19

Ike tiye hike, Alhou no timiqo ghimeqhi nike ghenguno axiné kihikülai tsü keu shimo no Khristo vechewo ayeghilomi sasü külashilu ke. Eno pa no külashilu keu kükütsü sütsa pesü ningu lau pichetsüke.

Galatiami 2:20

Ni ye Khristo gholo yedaküqhavae eno ni ye I ghò shi xü anike kumovae, ikemu Khristo no I lolo xü anie. Itehi I phimpi lo xü akeu küxü ye Alhou Nu khuu no I kimiye eno I ghenguno pa küxü tsüve keno pa shou aküpülü qhi no xüani.

Ephesiami 2:10

Kughengu ningu ye Alhou no azüu no ningu ghenguno akümlà kivi kutò pe qhipüakeqo mülà peniye Khristo Jisü vechewo lhophe ke. Eno ningu ye Alhou’w au no mülà keqo ke.

Kolosiami 1:19

Kughengu Alhou ye pa lhoaye kuchopu pesü Khristo lolo ngo nikeu lo amlokiqi shike.

Kolosiami 1:27

Kughengu Alhou no timiqo pelo tuqhou hipau juküvüw küakini Jewkumomiqo ghenguno ghí ani kepi ithi peniye nongu kishelu ke. Eno Alhou’w tuqhou ye hipau ke: tiye, nongu lolo Khristo akeu, ajuküvü lajupu hu ke.

Kolosiami 2:9

Kughengu Alhou lhoaye kuchopu kupukülai shi Khristo phimpi lo anike,

1 John 4:12

Timi khuu nomu khilemu Alhou ithumla aphie; ikemu ningu no lakhi no lakhi kimiye aye, Alhou no nilo lo xüani eno paw kikimiye ye ningu vechewo kupukülai shilu anike.