John 14:16 - Sümi Tiqhelimi Bible

¹⁶ I no Apù vilo khu nani, eno pa no shikumtokütsüu kütau lakhi nongu kuphu penike eno nongu gholo pülhapuju apenike tsü nani—

BAIBEL (BSI)

¹⁶ Ino Apu vilo khutsuni eno pano Shikumtokutsuu kutau lakhi nongu tsu nani, pa pelo pulhapuju ghenguno nongu sasu achepenike, tiye kuchou Ghungu ke.

Sumi Naga CL (Re-edited) Bible (BSI)

¹⁶ I no Apu vilo khutsü nani, eno pülhapuju nongu sasü apenike Pa no Akukuphuu nongu tsü nani,

John 14:16 Mawu Ofanana

MATTHEW 28:20

eno I no azah nongu tsüve keu kümtsü papelu penike panongu kütsü tsülo. Eno ni ye kuchou no, ashekha ghuloki kutólo pülhapuju nongu sasü ache nani.”

John 14:14

Nongu no I je lono kiu-kiu ghengumu khulu nani, eno I no tipau shitsü nani.

John 14:18

Niye mighimi toi nongu qhivemo nani; I no nongu lau ighi nani.

John 14:26

Ikemu Shikumtokütsüu, Aghungu Kimthe, khikhi Apù no I je lono puwu nani keno, pa no thowkha kümtsü nongu kütsü nani eno I no nongu vilo pive keu kümtsü pesü nongu ghutu nani.

John 15:26

“Kughou I no Apù lau no puwu keu Shikumtokütsüu—Apù lau no ighi keu kuchou Ghungu—ighini keno pa no I shepe shi nani.

John 16:22

Ikehu nongu ghí itehi ye nongu mloghuju shikeu do ke, ikemu itaghi I no nongu sasü kusho nani eno nongu no alovishe nani, eno timi khunomu nongu lokiqi ikhisüwuvemo nani.

John 17:15

I no inikhu akeu ye O pelo panongu pesü ayeghi lono ikhisüwuve penike ghenguno kumoe ikemu küsakügha lau no panongu süsho tsü penike ghenguno ke.

John 17:20

“Ni ye panongu ghengu likhi no inikhu anike kumoe. I no inikhu akeu ye khuno no panongu kükütsü sütsa vechewo I pülüni keno tipaqo ghengu ghí inikhu anie,

John 4:14

ikemu khukhumu I no tsü keu zü ye kemi ye tüghüthi kithemo nani. I no azü panongu tsü keu hu no panongu lolo lhokta küxü zü qò ipeghi anani.”

John 7:39

Pa no hipau pikeu kiqi ye kutou pa pülü kemiqo no Aghungu ithulu niye shi akeu tsa ke. Jisü ye ajuküvü lono xüputhumo no ake ghenguno tipau do kutólo ye Aghungu tsümo no ae.

Apostolmi 1:4

Ghulo lakhi pa no panongu gholo chuqu-kusho shi akelo pa no azah hipau panongu tsü: “Jerusalem qhi kevilo, ikemu I pù no aghò tsüní ipi piqhipüa keu ngokhe lo. I no aghò tipau ghili piche keu nongu no chiluvea.”

Apostolmi 13:52

Eno akhopemiqo ye alokivi ngò Aghungu Kimthe no chhitoive.

Apostolmi 9:31

Tipathiu Judea, Galilee eno Samaria qha kümtsü lo akukuhouqo ye alokughuno tüqhüdo ithulu eno panongu ye mtokitheluve. Ampeu sükümsa lono xü keu eno Aghungu Kimthe no shikumto keu vechewo panongu ye akikihi alau iko wove.

Rommi 14:17

Kughengu Alhou kükaphu ye kuchu-kusho vehu kumoe, ikemu tiye achipiumikucho, aloino keu, eno Aghungu Kimthe vechewo alokivi ke.

Rommi 15:13

Nongu no pa shou pükhübe ake toi, lajupu tsü chekeu Lhou pelo alokiqi eno alokughuno chhitoi nongu shepichhi tsü peniu, tishi keu lono nongu pelo Aghungu Kimthe küká vechewo lajupu qochililu apeniu.

Rommi 5:5

Eno lajupu hipau ye ningu pelo kujove pe chemo, kughengu Aghungu Kimthe ningu tsüpüa keu vechewo Alhou’w kikimiye ningu mlo lo lesüve tsüae.

Rommi 8:34

Tishiaye khuu no ningu kiléqhive kulupu kea? Khuu nomu kumoe. Khristo Jisü khuu thive keno—eno tilikhi kumo no khuu akithí lono xüputhuve keno—pa ye Alhou u ajeu küdau iqa no ningu ghenguno alakipiu shi ghi inikhu tsü acheni.

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

FILIPIAMI 2:1

Tighenguno nongu no Khristo gholo küqha pe akeu vechewo kiuala shikumtolu aghí, paw kikimiye vechewo alokughuno kiuala ithulu aghí, Aghungu lono kiuala aqǘ shi küsajelu aghí, kuloniküghüvüi keu eno kimiyeqhiyi keu aghí aye,

2 Thes. 2:16

Ningu Mpeu Jisü Khristo ampi no eno ningu Papù Alhou khuu ningu kimiye eno paw küpükini vechewo lhokta shikumtokütsü eno lajupu kivi ningu tsü keno,

IBRIMI 7:25

Tighenguno pa ye khunoqo no Alhou vechewo pa lau ighini keno panoqo kümtsü xaluve cheni ke, kughengu pa ye alhokuthu panongu ghenguno alakipi shitsü nike ghenguno xü acheni ke.

1 John 2:1

I no kimiye chekemi anuliqo, I no nongu lau hipau yè akeu ye nongu pelo axiné shipemo niye ke. Ikemu tsalá khukhumu axiné shi aye, ningu ye Apù gholo Shikumtokütsüu lakhi ani—tiye Jisü Khristo, Amikuchou Lakhi hu ke.

1 John 2:27

Nongu ghengu ye, nongu no pa lau no nukishe keu ithulu keu nongu lolo anike, eno nongu ye nongu shika penike khumu avehupu shi amoe. Ikemu pa no nukishe keu no thime kümtsü nongu shika cheni eno nukishe keu tipau ye kuchou ke, kichileu kumoe—nongu shikave keu toi, pa gholo achelo.

2 John 1:2

kuchou khikhi ningu lolo xü acheni eno alhokuthu ningu gholo anani keno tipau ghenguno: