John 13:31 - Sümi Tiqhelimi Bible

³¹ Kughou Judas no wuve keno Jisü no pi, “Itehi ye Timi Nu juküvüpu shiva eno pa vechewo Alhou juküvüpu shivae.

BAIBEL (BSI)

³¹ Judas no wuve kethiu Jisu no pi, “Itehiye Timi Nu jekipipu, pephepiye anie; itehiye Alhou jekipipu pa vechewo pephepiye ani.

Sumi Naga CL (Re-edited) Bible (BSI)

³¹ Pa no ipeve kethiu, Jisü no pi, “Itehi ye Timi Nu jekipipu shivae, eno pa vecheo Alhou jekipipu shi ani.

John 13:31 Mawu Ofanana

MATTHEW 8:20

Jisü no khochile, “Aghalotsüqo ye ngo kepu tuki ani eno aghauqo ye apüsü anie, ikemu Timi Nu ye pa kütsü mükhü kepu-a ghí kühae.”

Luke 12:50

Ikemu ni ye baptiz shikepu ani eno hipau shiluve moke kutólo ni ye kütakihi ani.

John 11:4

Jisü no hipau chilu kelo ishi pi, “Aküsǜ hipau ye akithí shivemo nani. Moe! Hiye Alhou juküvüpu ghenguno ke, tishianguno hipau vechewo Alhou Nu juküvü shilu peniye ke.”

John 12:23

Ikelo Jisü no khochile, “Timi nu juküvüpu shini keu tüqhüdo ighivae.

John 12:28

Apùo, O jekipipu shipelo!” Ikelo kungugha lono asütsa lakhi ighi, “Ni ye tipau juküvüpu shivae, eno itaghi tipau juküvü shitsü nanie.”

John 14:13

Eno nongu no I je lono kiu-kiumu khu keu I no shitsü nani, tishi keu hu no Anu vechewo Apù juküvüpu shipe niye ke.

John 16:14

Pa no I juküvü shitsü nani kughengu pa no kiu I lau no ithulu keno tipau pa no nongu lau pephe-piye nani.

John 7:39

Pa no hipau pikeu kiqi ye kutou pa pülü kemiqo no Aghungu ithulu niye shi akeu tsa ke. Jisü ye ajuküvü lono xüputhumo no ake ghenguno tipau do kutólo ye Aghungu tsümo no ae.

Apostolmi 2:36

“Tighenguno Israelmi kümtsü no hipau mütsüqheilu lo: Jisü khuu nongu no yedave keno, Alhou no pa pesü Ampeu eno Messiah kinikujo shive tsüae.”

Apostolmi 3:13

Abraham, Isaac eno Jacob Lhou, nipù-asü Lhou no pa qeu Jisü jekipipu shive tsüae. Nongu no pa heqhipithíve penike ikhiphe pe tsüve, eno Pilate no pa phe puwuve nike xathave kemu, nongu no Pilate zülo no pa milive ke.

2 Kor. 3:18

Eno ningu khunoqo agi küzümo no Ampeu juküvü kümsükütü acheni keno, ningu pesü alhokuthu thuwu chekeu juküvü lono pa jukimihi shive tsü ani, eno tiye Ampeu khuu Aghungu keno pa lau no ighike.

Ephesiami 1:12

Tishi keu vechewo ningu khunoqo no atüghimi shi Khristo shou ninguw lajupu qhilu keno, ningu pelo ajuküvü eno akishé pa tsüpe niye ke.

Ephesiami 2:7

tishi keu vechewo ighi nikeu tiqheli lo pa no paw kimghi müla keu küpükini kiní khikhi Khristo Jisü vechewo paw küpüqhiyi keu ningu lau pephe-piyevea keno tipau pìye niye ke.

Ephesiami 3:10

Pa kupulo ye itehi akukuhou vechewo kungugha kükaqhaqo lo ayekipemi eno kükagha lo akemiqo lau Alhou lokütsü jeli kümtsü ithi peniye ke,

FILIPIAMI 2:11

eno Apù Alhou juküvü shi ghi timi kümtsü no Jisü Khristo ye Ampeu kepi ikhilu no asheshu nani.

1 Peter 1:21

Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.

1 Peter 2:12

Jewkumomiqo gholo akivishi xülo. Panongu no nongu ye achipikumo kümlà shi ani kepi nguku aghí namu Alhou no ningu xuju ighi keu tsalà lo panongu pelo nongu kümlà kivi ithulu no ajuküvü pesü Alhou tsü pelo.

1 Peter 4:11

Tsalá khuala no kütsü cheghi aye, panongu ye Alhou tsa piche kemi toi shi moayesae. Tsalá khuala no hukuthu kümlà shi cheghi aye, panongu ye Alhou no akumto panongu tsü keu pesü huthu moayesae, tishi keu vechewo thime kümtsü lo Jisü Khristo vechewo Alhou sheqhe peniye ke. Alhokupuju lono alhokupuju kutólo ajuküvü eno aküka ye paw ke. Amen.