John 12:1 - Sümi Tiqhelimi Bible

¹ Jisü ye Hechekulu ghulhu tonikeu atsala tsügho akelo pa no akithí lono xüputhuve keu Lazarus no ngo chekeu-a Bethany lo ighi.

BAIBEL (BSI)

¹ Hechekulu Ghulhu shinikeu atsala tsugho akelo Jisu ye Bethani lo Lazar no achekeulo ighi. Lazar ye Jisu no akithi lono xuputhukeu huke.

Sumi Naga CL (Re-edited) Bible (BSI)

¹ Hechekulu Ghulhu züu atsala tsügho akelo, Jisü ye Bethany lo pa no xüputhu keu Lazarus kilo ighi.

John 12:1 Mawu Ofanana

MATTHEW 21:17

Tisheno pa ye panongu qhive püzü mishighüna khalau Bethany lo wu no tipa jì tilau ngove.

Mark 11:11

Jisü no Jerusalem lo iloghi eno achineki khala lo wu. Eno pa no hokümxa kümtsü ju, ikemu tsüzüve kehu pa no akhopemi Chighikini sasü Bethany lo wuve.

Luke 24:50

Kughou Jisü no panongu sasü Bethany kupunú lo wu keno, pa no pa u peqhe püzü panongu kümgha tsü.

Luke 7:37

Mishiphu tipau lo axiné küxü lo xüache kemi totimi lakhi no Jisü ye Phariseemi ki lo chuqu-kusho shi ani ipi chilu kelo li no axokütsüngü thazü Alabaster abohu kichhi pesü ighi.

John 11:1

Ike timi lakhi Lazarus ipikeu ye sǜ ae. Pa ye Mary ngò pa tsünipu Martha pama phu Bethany lo ache kemi ke.

John 11:43

Kughou pa no hi pive keno, Jisü no asütsa kuloghi lono, “Lazarus! khalau ipeghi lo,” ipi.

John 11:44

Thive keu timi hu no phephei keu phì no pa phi-au küzü no chijepu sü aphì lakhi no pa gi vehomxa pesü khalau ipeghi. Jisü no panongu vilo pi, “Akumo phìqo xaqhive tsülo eno pa pelo wuve pelo.”

John 11:55

Kughou Jewmi Hechekulu ghulhu do kupunú ighive keno, timi kutomo no Hechekulu ghulhu züu no chine-chini kiqi lono shikimthe nike ghenguno hokümxaqo lono Jerusalem lo iqhoe.

John 12:12

Tishiwo thoghiu timi kutomo tiqhitini ghenguno ighi akemiqo no Jisü ye Jerusalem lo cheni ipikeu chiluve.

John 12:20

Ike tiqhitini lo mülá niye iqho kemiqo dolo Greekmi khami ghí ae.

John 12:9

Tishi akelo Jewmi timi kutomo no Jisü ye tile akeu ithive no ighi. Panongu ye Jisü ghengu likhi no kumo püzü Jisü no akithí lono xüputhuve keu Lazarus ghí ju niye ighike.