John 11:4 - Sümi Tiqhelimi Bible

⁴ Jisü no hipau chilu kelo ishi pi, “Aküsǜ hipau ye akithí shivemo nani. Moe! Hiye Alhou juküvüpu ghenguno ke, tishianguno hipau vechewo Alhou Nu juküvü shilu peniye ke.”

BAIBEL (BSI)

⁴ Ikemu hipatsa chilu kelo Jisu no pi, “Akusu hipauye akithi kusu kumoe; hiye Alhou lau akimthe jekipipu ghenguno ke, eno hipau vechewono Alhou no pa Nu jekipipu shitsuniye ke.”

Sumi Naga CL (Re-edited) Bible (BSI)

⁴ Ikemu ti chilu kelo Jisü no pi, “Aküsü hi ye akithipu kumoe. Hi ye Alhou jekipipu ghenguno ke, eno hipau vecheo Alhou Nu jekipipu shiniye ke.”

John 11:4 Mawu Ofanana

John 10:38

Ikemu tsalá I no tipaqo shi aye nongu no I pülümo namu akümlàqo pülülo, tishianguno nongu no Apù no I lolo akeu eno I no Apù lolo akeu ithi no vethalu nani ke.”

John 11:40

Ike Jisü no ishi pi, “Tsalá nono pülü aye, no ye Alhou juküvü ithulu nani ke ipi ni ye O vilo pike kumo keshea?”

John 12:28

Apùo, O jekipipu shipelo!” Ikelo kungugha lono asütsa lakhi ighi, “Ni ye tipau juküvüpu shivae, eno itaghi tipau juküvü shitsü nanie.”

John 17:1

Jisü no hipau pive kethiu pa no kungugha küdau jupuku no inikhu: “Apùo, ado hu ye ighivae. O Nu juküvü shitsülo, tishianguno O Nu pelo O juküvü shi tsülu pe kepu shi.

John 17:10

I no akeu kümtsü ow ke, eno nono akeu kümtsü iw ke. Eno panongu vechewo ajuküvü I lau ighike.

John 17:5

Ike itehi ye, Apùo, ayeghi lho mphi züu O gholo I juküvü achekeu pe O zülo no I juküvü shitsülo.

John 2:11

Jisü no hile Galilee qhalo mishiphu Cana lo kiu shi keno tiye pa juküvü pephe-piye keu michipuqo gholo atüghiu ke; ikelo pa khopemiqo no pa shou pülüluve.

John 5:23

tishianguno kümtsü no Apù gihu cheke toi Anu gihu peniye ke. Khukhumu Anu gihumo keu ye Apù khuu pa puwu keno pa ghí gihu chemoe.

John 8:54

Jisü no khochile, “Tsalá I no I likhi I juküvü shi aye, I juküvü ye kiumu akiqi kühae. I pù khikhi nongu no nongu Lhou kepi pükha cheni keno pa no I juküvü shitsü chenie.

John 9:24

Panongu no ghuthu akiniù anhethi iche no achekeu hu kusü püzü pa vilo ishi pi, “Amikucho tsa pikeu vechewo Alhou juküvü shitsülo. Ningu no ithi akeu no timi hipau ye axinemi ke.”

John 9:3

Jisü no khochile, “Timi hipau xiné momu pa pù-aza xiné ghenguno kumoe! Ikemu hi shive keu ye pa vechewo akughushu Lhou kümlà pephe-piye niye ke.

Rommi 11:11

Itaghi I no iniju: Israelmiqo ye athoputho müla kepu shi veqhive keshea? Khilemu tishimoe! Ikemu panonguw hekibide ghenguno Israel pelo anheshu peniye xakulu ye Jewkumomiqo lau ighivae.

FILIPIAMI 1:11

Jisü Khristo lau no ighi keu achipiumikucho xathi no shepichhilu peniye ke—kughengu hino Alhou jekipipu eno shekiqhepu shilu nani.

FILIPIAMI 1:20

I no khekulhoshi laju eno huqhe akeu ye ni ye khilemu kujovemo nani, ikemu pülhapuju shiche ketoi eno itehi ghí amlo kumto no chhitoi shi ani, tishianguno, xü kepu shina thikepu shi namu I phimpi lono Khristo süqhelu pe nani.

1 Peter 1:21

Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.

1 Peter 4:11

Tsalá khuala no kütsü cheghi aye, panongu ye Alhou tsa piche kemi toi shi moayesae. Tsalá khuala no hukuthu kümlà shi cheghi aye, panongu ye Alhou no akumto panongu tsü keu pesü huthu moayesae, tishi keu vechewo thime kümtsü lo Jisü Khristo vechewo Alhou sheqhe peniye ke. Alhokupuju lono alhokupuju kutólo ajuküvü eno aküka ye paw ke. Amen.

1 Peter 4:14

Tsalá Khristo je ghenguno nongu shikukujo aye, nongu ye müghae, kughengu ajuküvü Ghungu eno Alhou Ghungu no nongu shou anie.