John 10:36 - Sümi Tiqhelimi Bible

³⁶ Imaye Apù no pakütashi pa likhi paw shiqhive no ayeghi lo puwu keu ye kíshiveni kea? Tishiaye nongu ye kushiye I no, ‘Ni ye Alhou nu ke,’ ipikeu ghenguno ni ye Alhou pipütha ani kepi I nguku ani kea?

BAIBEL (BSI)

³⁶ Ino ‘Niye Alhou Nu ke’ ipi keghenguno Apu no kishepheno ayeghiqhalo puwukeu vilo nonguye, ‘Niye Alhou thaigha anie!’ ipini kesha?

Sumi Naga CL (Re-edited) Bible (BSI)

³⁶ I no, ‘Ni ye Alhou Nu’ ipike ghenguno nongu ye khuu Apu no kishekimthe no ayeghiqha lo puwu keno, pa vilo ‘No ye Alhou thaigha ani,’ ipilu nani keshea?

John 10:36 Mawu Ofanana

MATTHEW 27:43

Pa ye Alhou shou pükhü achenie. Alhou no pa xalunishi aghí aye, itehi no pa xaluve pelo, kughengu pa no ishi pi acheni, ‘Ni ye Alhou nu ke.’ ”

MATTHEW 27:54

Kughou aqhe shou zatsüu eno pa gholo Jisü khe akemiqo no ayeghi küghütha eno kiu shi akeno ti kümtsü ithulu keno, panongu ye kichi-mamaive no akichiqhi ghi ishi pi, “Pa ye kuchou no Alhou nue!”

Luke 1:35

Kungumi no khochile: “Aghungu Kimthe no O shou ikughi nani eno Alhou Akiqheu küká no O küzüluve nani. Eno akimthe ngá punú niye shi akeu ye Alhou Nu ipi ku nani.

John 10:35

Tsalá pa no Alhou tsa süghi kemiqo vilo ‘alhouqo,’ ipi ku cheni aye—Kuchoyesü ye akou qhivemlae—

John 17:18

Nono ayeghi lo I puwu keu toi, I no panongu pesü ayeghi lo puwuvae.

John 17:21

Apùo, nono I lolo ake toi eno I no O lolo ake toi, panongu kümtsü pelo lakhi shilu pelo. Panongu ghí nikujo lolo apelo tishianguno ayeghilomi pelo nono I puwu kepi pülülu penike.

John 17:8

Kughengu nono I tsü keu tsaqo panoqo tsüke eno panongu no tipaqo ikhilue. Panongu ye mütsüqhei no ni ye O lau no ighi kepi ithi ani, eno panongu ye nono I puwu kepi pülüluve ake.

John 19:7

Jewmi sakiphemiqo no ishi pikichichi, “Ningu ye ayeza lakhi anie, eno ayeza tipau kiqi lono pa ye thive moayesae, kughengu pa ye Alhou Nu kepi pa no pükha ke.”

John 20:28

Thomas no pa vilo pi, “I Mpeu eno I Lhou!”

John 20:31

Ikemu nongu pelo Jisü ye Messiah, Alhou Nu kepi pülülu peniye hipaqo yèpüani eno pülülu keu vechewo nongu pelo pa je lono aküxü ape niye ke.

John 3:17

Kughengu Alhou no pa Nu puwu keu ye ayeghilomi kiléqhi penike ghenguno kumoe, ikemu pa vechewo ayeghilomi xalu peniye ke.

John 3:34

Kughengu Alhou no khuu puwu keno pa ye Alhou tsa pi cheni, kughengu Alhou ye kihikütha küha no Aghungu tsü cheni.

John 5:30

I likhi I vechewo ni ye kiumu shimlae; Ni ye I no chilu keu likhi küghathabe cheni, eno iw küghakütha ye achipi ke, kughengu ni ye I likhi I pulou kumo püzü I puwu keu pulou shini keu phu chenie.

John 6:27

Shipüsave chekeu chuqu ghenguno müla kevilo, ikemu lhokta küxü kutólo ngolu chekeu chuqu ghenguno müla lo, tiye Timi Nu no nongu tsü nani ke. Kughengu Apù Alhou no pa shou pulobe mekhavae.”

John 6:38

Kughengu ni ye I pulou shini ke ghenguno kungugha lono iqighimoe ikemu I puwu keu pulou shini ke ighike.

John 6:57

Xü akeu Apù no I puwu eno Apù vechewo I no xü ake toi, khuu no I no lojí keu chuni keno pa ye I vechewo xülu nani.

John 6:69

No ye Alhou’w Akimtheu Lakhi kepi ningu no ithivea eno pülüluvae.”

John 8:42

Jisü no panongu vilo pi, “Tsalá Alhou no nongu papù shi aghí aye nongu ye I kimiyeni cheke, kughengu ni ye Alhou lau no hilehi ighike. Ni ye I likhi I kutoshi ighimoe; Alhou no I puwu ke.

Rommi 1:4

eno Alhou nu kepi pephe-piye nike ghenguno pa ye Aghungu Kimthe küká vechewo akithí lono xülethuve ke: tiye ningu Mpeu Jisü Khristo ke.

Rommi 8:3

Kughengu timi lhoaye no miqeve keu vechewo ayeza no kiu shilu kepu küká küha no ache keno, axinemi lhoaye jukimihi lono axiné kümlagho lakhi shipe niye Alhou no pa likhi pa Nu puwu keu vechewo ayeza no shimla no achekeu hu shive tsüae. Ikehu Alhou no timi lhoaye lono axiné kiléqhive ke,

Rommi 9:5

Abraham, Isaac, eno Jacob noqo ye panongu pù-asüqo ke, eno timi lhoaye kiqi lo phuwoju kelo Khristo ghí panongu lau no ighi kemi ke. Eno Khristo ye kümtsü shou Alhou eno pülhapuju lo sheqhe küzü ke! Amen.

Galatiami 4:4

Ikemu kughou ado pekithi pe püakeu kupukülai tove keno, Alhou no pa Nu puwu, pa ye totimi lakhi vechewo punú, pa ye ayeza qholo no punú,