John 10:16 - Sümi Tiqhelimi Bible

¹⁶ Ni ye khaküthabo hilehi küha keu ambe kütauqo anie. Ni ye panongu ghí süghi moayesa ani. Panongu ghí I sütsa ini nani, eno tilehi ye ambe loji lakhi ngò ambe kheu lakhi anani.

BAIBEL (BSI)

¹⁶ Hipau bheri bokuthalo kuhakeu iwu bheri kutau ghi ani; niye tipaqo ghi saghi masae; panonguno isutsa chilu nani, tilehino aqo lakhi eno akheu lakhi shive nani.

Sumi Naga CL (Re-edited) Bible (BSI)

¹⁶ Hipa loji lo kühakeu ni ye ambe kütau aphi. Ni ye tipaqo ghi saghi masae, panongu no I sütsa ini nani. Tileno aloji lakhi, akheu lakhi shive nani.

John 10:16 Mawu Ofanana

MATTHEW 17:5

Peter no piaphi lono, khüngküsü vüqai keu no panongu küzüpholuve, eno khüngküsü lono asütsa lakhi no ishi pi, “Hiye I Nu, I no kimiye chekeu ke; pa lau I lokiqi acheni. Pa no pikeu inilo!”

Luke 15:8

“Momu kümsüju kelo totimi lakhi no ghükayi chighí akelo lakhi pühave aye. Li ye akulu küqü püzü aki khule no tipau phulumo ke kutólo tsaqütsalei phumoni keshea?

John 10:11

“Ni ye ambe kheu kiviu ke. Ambe kheu kiviu ye ambeqo ghenguno pa küxü tsüve cheni.

John 10:2

Khuu no khagho lono iloghini keno pa ye ambeu kheu ke.

John 10:27

iw ambeqo no I sütsa ini cheni; I no panongu ithi ani, eno panongu no I pape cheni.

John 10:3

Khagho kheu no pa ghenguno khagho khaqhi tsü cheni, eno ambe no pa sütsa ini cheni. Pa no ajeku ghí pa mbeqo ku püzü panoqo sasü khalau ipe cheni.

John 10:4

Kughou pa no paw ambeqo kümtsü khalau sasü ipeghiveni keno, pa no panoqo züu shi no wucheni, eno paw ambeqo no pa pape cheni kughengu panoqo no pa sütsa ithi anike.

John 10:5

Ikemu panongu ye khilemu tüsümi papemo nani ikemu panongu ye tüsümi lau no pove nani, kughengu panongu ye tüsümi lakhi sütsa kimchilu chemo ke.”

John 11:52

eno tiye shiye tipau ghengu likhi no kumoe ikemu Alhou nuli apanaghave no akeqo ghenguno ghí ke, tishi keu vechewo panongu kümtsa süghi no lakhi shitsü niye ke.

John 17:20

“Ni ye panongu ghengu likhi no inikhu anike kumoe. I no inikhu akeu ye khuno no panongu kükütsü sütsa vechewo I pülüni keno tipaqo ghengu ghí inikhu anie,

John 6:37

I pù no I tsüke miqo kümtsü I lau ighi nani, eno ni ye I lau ighi kemiqo ye khilemu hapuwuvemo nani.

Apostolmi 15:14

Simon no ningu vilo Alhou no atüghi lono chhosü püzü Jewkumomiqo gholo pa je ghenguno no timi amqo lakhi kíshi kishelu keno kishékulu pivae.

Apostolmi 18:10

Kughengu I no O gholo ani, eno khunomu O ghüzamo nani, kughengu mishighüna hipau lo iw timi kutomo anike.”

Apostolmi 22:14

“Tishi no pa no pi: ‘Ningu pù-asüqo Lhou no O kishelu keu ye pa pulou ithilu eno Amikuchou hu ithulu eno pa kichí lono pikeu tsaqo chilu peniye ke.

Rommi 11:25

Athiküzümi eno achelimiqo, ni ye nongu pelo Alhou’w tuqhou hipau ghili ithi penishi anie, tishianguno nongu pelo nongu likhi nongu pülüpivi apemo niye ke: tiye hike, Israelmi shou amlo hekike keu ikughi akeu ye Jewkumomiqo khije Alhou lau ighi kepu shi ani keno tipaqo ighikupu mphi kutólo likhi ke,

2 Thes. 2:13

Ampeu no kimiye chekemi athiküzümi eno achelimiqo, ningu ye nongu ghenguno alhokuthu Alhou shikimthi acheni pütsá ke, kughengu Alhou no Aghungu vechewo kishekimthe keu kümlà eno kuchou lo aküpülü akeu vechewo amsüu xathi toi nongu pelo xaluve peniye kishelu ke.

IBRIMI 13:20

Itehi ye alokughuno tsü chekeu Lhou, ambeqo Kheu akijeu, khuu lhokta puloshoqhi jì vechewo akithí lono Jisü xüchile saighi keno,

1 Peter 2:10

Ghuthu lakhi lo nongu ye Alhou’w timiqo kumo ke, ikemu itehi nongu ye Alhou’w timiqo shivea; ghuthu lakhi lo ye nongu ye kimiyekini ithumla no ake, ikemu itehi nongu ye kimiyekini ithuluvae.

1 Peter 2:25

Kughengu “nongu ye ambe no kawuve ake toi ke,” ikemu itehi nongu ye Ambe Kheu eno nongu ngulhoqo Jukükütsüu lau ideghivae.

1 Peter 5:4

Eno kughou Ambe khemi shou Atou no ipeghini keno, nongu ye khilemu ighüyive chemo keu juküvü kütsükuqho ithulu nani.

Piyeküsü 3:20

Julo! I no ahukikha lo puthugho no kukhu cheni. Khukhumu I sütsa chilu no ahukikha khaqhi aye, I no iloghi no timi tipau gholo chu nani, eno panongu no I gholo chu nani.