John 1:51 - Sümi Tiqhelimi Bible

⁵¹ Tisheno pa no pikibe ghi pi, “Kuchou no I no O vilo pìní, nono ‘kungugha khaqhive no Alhou’w kungumiqo no Timi Nu shou iku iqi,’ akeu ithulu nanie.”

BAIBEL (BSI)

⁵¹ Pano pa vilo pi, “Ino kuchouno nongu vilo pini, kungugha khaqhive puzu Alhou wu kungumino Timi Nu shou ikuju eno iqiju akeu nonguno ithulu nani.”

Sumi Naga CL (Re-edited) Bible (BSI)

⁵¹ Pa no itaghi pi, “Kuchou no I no nongu vilo pini, kungugha khaqhi püzü Alhouw kungumi no Timi Nu shou iku-iqiju akeu nongu no ithulu nani.”

John 1:51 Mawu Ofanana

MATTHEW 25:31

“Kughou Timi nu no pa juküvü lono ighini eno kungumi kümtsü pa gholo ighini keno, pa ye pa juküvü küká lakhü lo iqa nani.

MATTHEW 26:24

Timi Nu ye Kuchoyesü lo yèpüa ketoi thive nani. Ikemu Timi Nu küghape thechu shive keu ghengu ye ahaküsapue! Pa ghengu ye punúmove keumu pavini cheke.”

MATTHEW 3:16

Jisü ye baptiz shive kemtsa, pa ye azü lono khalau ipeghive. Tipa mtsa no kungugha khaqhive, eno Alhou Ghungu no miqhedu lakhi toi pa shou ikughi akeu pa no ithulu.

MATTHEW 4:11

Tipathiu tüghami ye Jisü qhive no wuve, eno kungumiqo no ighino pa tucho-hiju luve.

MATTHEW 8:20

Jisü no khochile, “Aghalotsüqo ye ngo kepu tuki ani eno aghauqo ye apüsü anie, ikemu Timi Nu ye pa kütsü mükhü kepu-a ghí kühae.”

MATTHEW 9:6

Ikemu I no nongu pelo ithi penishi akeu ye Timi Nu ye ayeghi lo axinéqo qhivetsülu kepu kükagha anie.” Ike pa no aphimpi ithamlave keu vilo pi, “I no O vilo piani, ithulo, O züa ikhipesü aki lo wovelo.”

Mark 1:10

Kughou Jisü no azü lono khalau ipeghi keno, kungugha khaqhive no Aghungu no miqhedu lakhi toi pa shou iqi chekeu pa no ithulu.

Mark 14:62

Ikelo Jisü no pi, “Tihu Ni ke! Eno nongu no Timi Nu hu ye Akughushu Lhou u ajeu iqave no atsütsǘ lo khüngküsü lono ighi keu ithulu nani.”

Luke 2:13

Paikhavi lono kungumi aqokitikhi mqo kijè lakhi kungumi lakhiu gholo ipeghino Alhou sheqhe ghi pi,

Luke 2:9

Tile Ampeu’w kungumi lakhi panongu lau ipeghi, eno Ampeu juküvü no panongu homüxa yepüvüluve, eno panongu ye shishe akichiqhive.

Luke 22:43

Kungugha lono kungumi lakhi pa lau ipeghino pa shikumto tsüe.

Luke 22:69

Ikemu hinguno hilau ye Timi Nu ye Alhou akughushuu u ajeu küdau küghüqave nani.”

Luke 24:4

Panongu no hipau ghenguno avehu izüqhiyi akelo paikhavi lono timi kini tsütsüpha toi yevüqai keu phimini pepu püzü panongu phivilo puthugho aghíe.

Luke 3:21

Kughou timi kümtsü baptiz shive keno, Jisü ghí baptiz shilue. Pa no akighini shi akelo, kungugha khaqhie,

John 1:50

Jisü no pi, “No ye I no O vilo mububo qholo no ithulu ipikeu ghenguno pülü anie. Ikemu no ye thime tipau nguno akijeu ithuluni aphie.”

John 10:1

“Phariseemiqo! Kuchou no I no nongu vilo pìní, khukhumu ambe khagho lono ambe khaküthabo lo ilomo püzü alaghi kütau lono milisü iloghini keno, pa ye küpkami eno süxakulumi lakhi ke.

John 10:7

Tighenguno Jisü no itaghi pi, “Kuchou no I no nongu vilo pìní, ni ye ambeqow khagho ke.

John 13:16

Kuchou no I no nongu vilo pìní, aqemi lakhi ye pa mpeu nguno akijeu kumoe, momu aghinikishiu lakhi ye pa puwu keu nguno akijeu kumoe.

John 13:38

Ikelo Jisü no khochile, “No ye kuchou no O küxü pesü I ghenguno tsüve nani keshea? Kuchou no I no O vilo pìní, awudu no igha mphi züu, no ye ghuthu küthü I milive nani!

John 14:12

Kuchou no I no nongu vilo pìní, khukhumu I shou pülü kemi ye I no shi chekeu kümlàqo shi nani, eno panongu ye hipaqo nguno akijeu kümlà ghí shi nani, kughengu ni ye Apù lau wucheni ke.

John 16:20

Kuchou no I no nongu vilo pìní, ayeghiqha no alovishe akelo nongu ye qanimlo nani. Nongu ye amlokighishi shi nani, ikemu nongu mlokighishi ye alokiqipu shive nani.

John 16:23

Tipau tsalà lo nongu ye I vilo kiumu injumove nani. Kuchou no I no nongu vilo pìní, nongu no I je lono kiu-kiumu khu aye I pù no nongu tsü nani.

John 21:18

Kuchou no I no nongu vilo pìní, kughou nongu no alhothe shiche keno nongu ye nongu kutoshi tiphimini pepu no nongu no wu nishi keu-a lo wuche; ikemu kughou nongu no kitemi shiveni keno nongu ye nongu u chhope ngo püzü kütami no nongu ghili kutotsü nani eno nongu no wuni shimo keu-a lo sawu nani.”

John 3:3

Jisü no khochile, “Kuchou no I no O vilo pìní, punú kithemo kelo ye khunomu Alhou kükaphu ithumla nani.”

John 3:5

Jisü no khochile, “Kuchou no I no O vilo pìní, azü eno Aghungu lono punú kithemo kelo ye khunomu Alhou kükaphu lo ilo müla nani.

John 5:19

Jisü no hitoi khokichile panongu tsü: “Kuchou no I no nongu vilo pìní, Anu ye pa likhi pa kutoshi kiumu shimlae; pa ye Papù no mülà keu kiu ithulu keno tilikhi shilu nani, kughengu Apù no kiu shi keno Anu ghí tipau shi cheni.

John 5:27

Eno Apù no küghathalu penike kükagha pa tsüvea kughengu pa ye Timi Nu hu ke.

John 6:26

Jisü no khochile, “Kuchou no I no nongu vilo pìní, nongu ye I no amichipu kümlàqo shikeu ithulu keu ghenguno kumo püzü nongu no asho chu no nongu kive pichhilu keu ghenguno I phu chenie.

John 6:32

Jisü no panongu vilo pi, “Kuchou no I no nongu vilo pìní, kungugha lono asho tsü keu ye Moses no kumo ke, ikemu I pù no kungugha lono kuchou sho pesü nongu tsü cheni.

John 6:47

Kuchou no I no nongu vilo piani, timi khuu no pülüni keno pa ye lhokta küxü anie.

John 6:53

Jisü no panongu vilo pi, “Kuchou no I no nongu vilo pìní, Timi Nu shi chumo eno pa jì yemo ke thaqhülo nongu ye lhokta küxü ithumla nani.

John 8:34

Jisü no khochile, “Kuchou no I no nongu vilo pìní, axiné shi chekemiqo kümtsü axiné qüaxemi ke.

John 8:51

Kuchou no I no nongu vilo pìní, khukhumu I tsa gholu keu ye khilemu akithí ithulumo nanie.”

John 8:58

Jisü no khochile, “Kuchou no I no nongu vilo pìní, ni ye Abraham punú mphi züu no acheghivae.”

Apostolmi 10:11

Atsütsǘ kijeve no kiu kela lakhi apa kijè toi keu tipau ako bidí shi no ayeghi küdau kughujupiqi keu pa no ithulu.

Apostolmi 7:56

Stephen no pi, “Julo, ni ye atsütsǘ khaqhi akeu eno Timi Nu no Alhou u ajeu puthugho akeu ithulu ani.”

2 Thes. 1:7

eno nongu ghimeqhi akemi lau no nongu likhi kumo no ningu ghí ghulu tsü nani. Hiye kughou kungugha lono vüqalei keu ami eno Ampeu’w kungumiqo kumto gholo no Ampeu Jisü pephe-piye nike no tipau tsalà lono shi nani.

2 Thes. 1:9

Panongu ye alhokupuju kütsakungoi nikeu pesü ghimeqhi nani eno Ampeu gizü lono eno pa juküvü kumto lono khathapheve nani.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

IBRIMI 1:14

Kungumi kümtsü pichebekümlà ghunguqo püzü panongu ye xakulu mheghi ighílu niye shi akemiqo huthu pe nikeu ghenguno puwu ke kumo keshea?

Jude 1:14

Enoch khuu Adam lono tiqheli akütsüniu keno, pa no panongu ghili tungkupu tsa kütüghü pe püake: “Julo, Ampeu ye pa gholo paw akimthemi qhethonhe no qhethonhe küghüsü sasü

Piyeküsü 19:11

Tile I no kungugha hukikha khaqhipüa keu ithulu eno I zülo khurshi miyetsüghoi keu lakhi ae, tipau küsáu vilo Pükhübekulu eno Kuchou ipi kue. Amikucho pesü pa no küghathabe eno aghüshi ke.

Piyeküsü 4:1

Hipathiu I no ju kelo kungunhetsü kütau lakhi ithulu, ike tiye kungugha lo ahukikha lakhi khaqhi pesü I zülo akeu ithulu. Eno atüghi lo asütsa lakhi no afuko ghügha toi I pütsa keu I no chilu keu hu no ishi pi, “Hilau ikughilo eno hipathiu kiu shi moayesa nani keno I no O pìyenie.”