John 1:49 - Sümi Tiqhelimi Bible

⁴⁹ Ikelo Nathanael no asheshu ghi ishi pi, “Rabbi, no ye Alhou Nu ke; no ye Israel kükau ke.”

BAIBEL (BSI)

⁴⁹ “Kutsuchekeu, noye Alhou Nue! Nono Israilmi kukaue!” ipi Nathana-el no Jisu khochile.

Sumi Naga CL (Re-edited) Bible (BSI)

⁴⁹ Nathanael no pa khochile, “Rabbi, no ye Alhou Nu! No ye Israel Kükaue!”

John 1:49 Mawu Ofanana

MATTHEW 14:33

Ikelo akhopemi ashuka lo akeqo no pa sheqhe ghi ishi pi, “Kuchou no no ye Alhou Nue.”

MATTHEW 2:2

ishi iniju, “Jewmiqo kükau punú pe püakeu hu ye khile ani kea? Ningu ye pa yepu ipeghi keu ithulu kehu, pa mülá nike ighi ani.”

MATTHEW 21:5

“Zion Ngá vilo pilo, ‘Julo, O kükau O lau chenie, akümtsha shi khurha lakhi sasü chenie, pa ye khurhati shou iqa püzü chenie.’ ”

MATTHEW 23:7

Kütamiqo pelo alhikishi-a lo gihu ghi petha panongu tsüpe nishi eno ‘Rabbi,’ ipi panongu ku penishi cheni.

MATTHEW 23:8

“Ikemu nongu ye ‘Rabbi,’ ipi ku kepu kumoe, kughengu nongu ye akükütsüu lakhi likhi ani, eno nongu kümtsü athiküzümi ke.

MATTHEW 27:11

Tishi akelo Jisü ye angh zülo puthughoe, eno angh no pa vilo iniju, “No ye Jewmiqo kükau keshea?” Jisü no khochile, “Nono ti pivae.”

MATTHEW 27:42

Panongu no ishi pi, “Pa ye kütami xalu kemu pa likhi pa xalu amoe. Pa ye Israelmi kükau ke! Pa pelo itehi no kros lono iqighive pelo eno ningu no pa pülünie.

MATTHEW 4:3

Tüghami hu no pa lau ighino pi, “Nono Alhou Nu shi aghí aye, atu hipaqo vilo asho ilhovelo pilo.”

Mark 15:32

Israel kükau Messiah hipau pelo kros lono iqighive pelo, tishianguno ningu no ithulu püzü pülü nike.” Pa gholo yedapüa keu pama ghí pa pipütha.

Luke 1:35

Kungumi no khochile: “Aghungu Kimthe no O shou ikughi nani eno Alhou Akiqheu küká no O küzüluve nani. Eno akimthe ngá punú niye shi akeu ye Alhou Nu ipi ku nani.

Luke 19:38

“Akükau khuu Ampeu je lono cheni keno pa ye akümghau ke!” “Kungugha lo aloino keu alo eno akiqheu Lhou sheqhelo!”

John 1:18

Khunomu Alhou ithumla aphie, ikemu Apù ye Anu lakhi likhi akeu lau pa pephe-piyevae, Anu ye Alhou ke eno pa ye Apù sasü kupunukhoi kütshükime pe acheni.

John 1:34

I no ithuluvea eno thopi shi anike hiye Alhou Nu ke.”

John 1:38

Jisü no tsüghǜ idewo pama no pape chekeu ithulu no iniju, “Nokujo ye kiu avehupu shi ani kea?” Pama no pi, “Rabbi” (hipau kiqi ye “Akükütsüu”), “no ye khile ngo niye ani kea?”

John 1:50

Jisü no pi, “No ye I no O vilo mububo qholo no ithulu ipikeu ghenguno pülü anie. Ikemu no ye thime tipau nguno akijeu ithuluni aphie.”

John 18:37

Pilate no pi, “Tishiaye no ye akükau lakhi keshea?” Jisü no khochile, “Nono ni ye akükau lakhi kepi pi anie. Kuchou lo ye, I punú keu eno ayeghi hipau lo ighi keu kimiji ye kuchou thopi shipe niye ke. Kuchou küdau akemi kümtsü no I tsa chilu cheni.”

John 4:31

Tishi akelo Jisü khopemiqo no pa vilo, “Rabbi, kiula chulo,” ipi qhüiniju ke.