John 1:45 - Sümi Tiqhelimi Bible

⁴⁵ Philip no Nathanael ithulu püzü pa vilo ishi pi, “Ningu ye Moses no Ayeza lo timi lakhi ghili yèpüa keu eno khuu tungkupumiqo ghí pa ghili yèpüa keno pa ithuluvae—pa ye Nazareth nó ghami Joseph nopu Jisü ke.”

BAIBEL (BSI)

⁴⁵ Filip no Nathana-el sasu kusho eno pa vilo ishipi, “Muse no Ayezah kakulo khuu ghili yepuakeno eno tungkupumino khuu ghili yeh ishikeno timi tipau ninguno phuluvae. Paye Nazaret noghami Josef nu Jisu ke.”

Sumi Naga CL (Re-edited) Bible (BSI)

⁴⁵ Philip no Nathanael sholu no pa vilo pi, “Timi khuu vehu Moses no Ayezah kaku lo yepüani eno tungkupmi no yepüani keno, ningu no phuluvae, pa ye Nazarethmi, Joseph nu Jisü.”

John 1:45 Mawu Ofanana

MATTHEW 10:3

Philip eno Bartholomew; Thomas eno Matthew zame küqhau; Alphaeus nu James, eno Thaddaeus;

MATTHEW 13:55

Hipau ye asǜ kümlàu nopu ke kumo kea? Pazá je ye Mary, eno James, Joseph, Simon ngò Judas noqo ye pa thiküzümiqo ke kumo kea?

MATTHEW 2:23

eno pa ye wu no mishiphu lakhi Nazareth ipikeu lo xüacheuve. Tihu no Jisü ye Nazarene ipi ku nani kepi tungkupumiqo vechewo piqhipüa keu shikupuve ke.

MATTHEW 21:11

Tile timi chekeqo no ishi khochile, “Hiye Galilee lo Nazareth nó ghami tungkupuu Jisü ke.”

Mark 14:67

Kughou li no Peter no ami pügha akeu ithulu keno, li no aphivi lono pa ju. Li no pi, “No ghi Nazareth nó ghami Jisü hupau gholo cheke.”

Mark 6:3

Hiye asǜ kümlàu ke kumo keshea? Hiye Mary nopu eno James, Joseph, Judas, eno Simon noqo thiküzüu ke kumo? Eno pa chelimiqo ye hilau ningu gholo anike kumo keshea?” Tisheno panongu ye Jisü jupe anheshuve.

Luke 18:37

Timiqo no pa vilo pi, “Nazareth nó ghami Jisü no hechesü wu chenie.”

Luke 2:4

Kughengu Joseph ye David laghami kehu pa ghí Galilee yeghi lo Nazareth mishiphu lono Judea lo David’w mishiphu Bethlehem lo wuke.

Luke 2:48

Kughou pa pù-aza no pa ithulu keno, pama ye akichiqhive. Pazá no pa vilo pi, “Anu, no ye kushiye hitoi ningu peitha kea? O pù nikujo ye amlosüsü shi O phu chenie.”

Luke 24:27

Tisheno pa no Moses lono huthu no tungkupumiqo no Kuchoyesü lo pa ghili kiu pipüani keno pesü chixechilei pama vilo pitsü.

Luke 24:44

Pa no panoqo vilo pi, “I no nongu gholo aphi lono hipau nongu vilo pivae: Moses Yeza, Tungkupumi eno Lesheleqo lo I ghili yèpüa keu kümtsü shikupu moayesae.”

Luke 3:23

Kughou Jisü no pa kümlà huthu keno, pa ye apunu mpe shighi qhalo shi ake. Timiqo ye ishi kümsü ae, pa ye Joseph nu, Heli nu,

Luke 4:22

Timi kümtsü no akishé pa tsü eno panongu ye pa kichí lono kimiyekini tsa pikeqo chilu no akichiqhive. Panongu no ishi iniju: “Hiye Joseph nopu ke kumo keshea?”

John 1:44

Andrew ngò Peter toi Philip ye Bethsaida mishiphu lono ighi kemi ke.

John 12:21

Panongu no Bethsaida nó ghami Galilee lono ighi keu Philip lau qhüiniju keu lakhi pesü ighi. Panongu no qhüiniju ghi pi, “Akijeu, ningu ye Jisü ju nishi anie.”

John 14:8

Philip no pi, “Ampeu, Apù ningu pìyelo, tino ningu ghenguno lukümkha ke.”

John 18:5

Panongu no khochile, “Nazareth nó ghami Jisü.” Jisü no khochile, “Tihu ni ke.” (Eno thechu kishiu Judas ghí tilehi panongu gholo puthugho ae.)

John 18:7

Itaghi Jisü no panongu vilo iniju, “Nongu ye khuu avehupu shi ani kea?” Panongu no khochile, “Nazareth nó ghami Jisü.”

John 19:19

Pilate no yepìthi lakhi ye pesü kros lo tsüghape qhive. Ishi yèpüa: Nazareth no Ghami Jisü, Jewmiqo Kükau.

John 21:2

Simon Peter, Thomas (Didymus ipi chekeu), Galilee lo Cana lono ighi keu Nathanael, Zebedee nu James ngò John, eno akhopemi kütami kini panongu kümtsa ngo ae.

John 6:42

Panongu no ishi pi, “Hiye Joseph nopu Jisü ke kumo keshea, ningu ye papù eno pazá ithi anike kumo? Kíshi no pa ye itehi ye, ‘Ni ye kungugha lono iqighi ke,’ ipini kea?”

John 6:5

Kughou Jisü no timi kutomo pa küdau chekeu pishipuwo ithulu keno, pa no Philip vilo pi, “Ningu ye timi hipaqo ghenguno khile no achuqupu qhüni kea?”

John 6:7

Philip no pa khochile, “Kümtsü pelo asho kimiki lakhi chulu penike qhü kepu shi namu ampe tüxa jume nguno akichiù avehupu shi nanie.”

Apostolmi 10:38

Nongu ye Alhou no kíshi Nazareth nó ghami Jisü shou Aghungu Kimthe eno aküka vechewo nukishelu keno ithi ani. Jisü no akümlà kivi shisü iqho-iqi eno tüghami küká lo qhasü pe akemi kümtsü shipivi ke, kughengu Alhou no pa gholo ae.

Apostolmi 2:22

“Aküsàmi Israelmiqo, hi inilo: Nazareth nó ghami Jisü ye Alhou no akümzapu, akichiqhipu eno amichipuqo vechewo nongu lau kishe pesü tsüke, tiye nongu no ithi ake toi Alhou no pa vechewo nongu gholo mülà keu ke.

Apostolmi 22:8

“ ‘Ampeu no ye khuu kea?’ ipi I no iniju. “Pa no khochile, ‘Ni ye nono pishi-puju akeu Nazareth nó ghami Jisü ke.’

Apostolmi 26:9

“Ni ampi ghí Jisü ipikeu Nazareth nó ghami lachile nike ghenguno tokulupu laghi kümtsü shiju ke.

Apostolmi 3:6

Tisheno Peter no pi, “Ni ye ghükayi momu ameshoyi kiumu kühae, ikemu I no kiu ani keno ti O tsüní. Nazareth nó ghami Jisü Khristo je lono alà chelo.”