James 4:7 - Sümi Tiqhelimi Bible

⁷ Tishiaye O likhi O pesü Alhou qhoqhü lu lo. Tüghami mjochile lo, eno pa ye O lau no pove nani.

BAIBEL (BSI)

⁷ Tighenguno nonguye Alhou qhoqhululo. Tughami mujochilelo eno paye nongu launo pove nani.

Sumi Naga CL (Re-edited) Bible (BSI)

⁷ Tighenguno nongu ampi pesü Alhou qhoqhülo. Tüghami mjochile lo eno pa ye nongu lau no pove nani.

James 4:7 Mawu Ofanana

MATTHEW 11:29

Iw kuokhasü ikhilu no pepulo eno I lau no shikalulo, kughengu ni ye amlo kümtshami eno aqhokighemi ke, eno nongu ngulho ghenguno akulhokiqhi phulu nani.

Apostolmi 26:19

“Ike tishikehu, Akükau Agrippa, ni ye kungu lono ighi keu nhetsü hebidevemoe.

Apostolmi 9:6

Itehi ithuvelo eno mishighüna lo ilolo, eno no ye kiu shi moayesa keno O vilo pitsü nani.”

Rommi 10:3

Panongu no Alhou chipiumikucho mtha no pano likhi pano ghola lono achipiu shini keu phu ke ghenguno panongu ye Alhou chipiumikucho lau ikhiphe pesü tsümo ke.

Rommi 14:11

Kuchoyesü lo ishi yèpüani: “Ampeu no pi, ‘Ni ye xüani keke timi kümtsü no I zülo qhoqhünhe nani; eno timi kümtsü no ni ye Alhou kepi shuphe nani.’ ”

Ephesiami 4:27

Eno adokivi pesü tüghami tsü kevilo.

Ephesiami 5:21

Khristo gihu akeu ghenguno lakhi no lakhi qhoqhü lo.

Ephesiami 6:13

Tishiaye Alhou ghünanu kümtsü pepulo, tishianguno kughou küsakügha tsalà ighini keno nongu pelo ithamo no puthugholu peniye ke, eno nongu ye küpüghǘ keu ashekha shive kethiu ghí akumto shi puthugho aghílu peniye ke.

IBRIMI 12:9

Tinguno alau, ningu kümtsü ghasü chekeu ayeghi lo apù acheni, eno ghaküsü ghenguno ningu no panongu gihu cheni. Tishiaye ningu ye hinguno alau khijehi ninguw aghungu lo Apù lau aghokulu shi xü moayesa kea!

1 Peter 2:13

Ampeu je ghenguno timiw kükagha kümtsü lau nongu likhi nongu ikhiphe pe tsülo: tiye akiqheu kükagha akeu qhasükükau lau shi aghina,

1 Peter 5:6

Tighenguno, nongu ye Alhou kumto u qholo nolikhi nongu pesü akuchunumi shilo, tishianguno pa no pa dokivi lono nongu sünheqhe nani ke.