James 3:6 - Sümi Tiqhelimi Bible

⁶ Amili ghí ami lakhi ke, amili ye aphimpi dolo küsakügha yeghiqha lakhi ke. Amili no aphimpi kuchopu shikuchubeve cheni ke, timi lakhi küxü kupuju lo ami sǘvetsü cheni, eno amili ghí amiyizü mi no pitive cheni ke.

BAIBEL (BSI)

⁶ Amiliye ami lakhi toike. Amiliye niphimpi gholo achipikumo keu yeghiqha lakhike eno aphimpi kuchopu shipsa vetsu cheni. Amiyizu lono ighikeumi pesu nilhoaye kupujulo ami suvetsu cheni.

Sumi Naga CL (Re-edited) Bible (BSI)

⁶ Amili ye ami toi, ni phimpi lo achipikumo yeghiqha hutoi ke. Tino aphimpi kuchopu shipüsave tsüno amiyizü mi pesü aküxü kupuju lo pitiqhi cheni

James 3:6 Mawu Ofanana

MATTHEW 12:24

Ikemu kughou Phariseemiqo no hipau chilu keno, panongu no pi, “Timi hipau ye Beelzebul kükapuu tüghaküsaqo küká vechewo tüghaküsaqo haphe anie.”

MATTHEW 5:22

Ikemu I no nongu vilo pìní, khuu no pa thiküzüu momu pa chepu shou amloide nike no pa shou küghathabe nani. Itaghi khuu no pa thiküzüu momu pa chepu ‘thaigha,’ keu tsa pìní keno pa ye atsa küghaki lono khochile moayesa nani. Eno khuu no, ‘O aghüzüù!’ ipi kütami vilo pìní keno pa ye amiyizü kümsapu lo sǘve kepu shi nani.

Mark 7:15

Ashou thime kiunomu timi lakhi lolo ilo no shikuchube mülae. Ikemu timi lakhi lolo no ipeghi keu no pa shikuchubeve chenie.

Luke 16:24

Ike pa no Abraham ku no pi, ‘Apù Abraham, I kimiye tsülo eno Lazarus pelo pa u loti azü lo chosü no I mili dikumko tsü pelo, kughengu ni ye ami hipau lo shishe ime anie.’

Apostolmi 20:30

Nongu likhi nongu gholo no kuchou tuchighiveni kemi ghí ipeghive no küpülümiqo müsü sasü panoqo pape wuve pe nikeu shi nani.

Apostolmi 5:3

Ikelo Peter no pi, “Ananias, no ye kíshi püzü Satan pelo O mlo lo ilove pe no Aghungu Kimthe pishiqhi ghi nono alu jelu keu lono pisa hami ikhithape O sala qhiluve kea?

Apostolmi 6:13

Panongu no kichileu thopimi sasü ighi, eno ishi pipe, “Timi hipau ye tamo no akimthe-a hipau pipüsa keu eno ayeza lachile keu tsa khilemu tavemo no pi achenie.

Titus 1:11

Panongu ghasüve moayesa ani, kughengu panongu no akibo kümtsü lo ilo no shikamo kepu thimeqo pesü shika no kübangüve tsü ani—eno ti ghí amikucho kumo lono alá shini keu ghenguno ke.

James 2:7

Nongu no pülü chekeu akivimi je pipütha akeu ye panongu ke kumo keshea?

James 3:7

Lhoxü, aghau, itikiche, eno azüghi lo lhoxü jeli kümtsü chhikughuvü ghi acheni eno timiqo no chhikughuvü keu shijuvae,

2 Peter 3:3

Kümtsü nguno akhotoshi, ashekha tsalaqo lo jukünatha chekemiqo no jukünatha ghi pano likhi panow küsakügha kükümsüqo pape ghi ighi nani kepi nongu ye ithi moayesae.

3 John 1:10

Ike kughou I no ighini keno, pa no kiu shi ani keno I no tipau pephe nani, tiye pa no tixe eno akükümsü küküha tsa pesü ningu ghili külha akeu ke. Tipau lo aghaqi müla no, pa ye küpülümi kütamiqo sasǘ pe nikeu kutólo ghí milive ke. Khunoqo no sasǘ nishi ani keno tipaqo pa no lakhave ke eno akukuhou lono hapheve ke.

Piyeküsü 12:9

Tüghaküsa kijè hu ye aqhou vepiqive. Tüghaküsa hu ye khaghi apighi khikhi tüghami momu Satan ipi ku chekeu hu ke. Pa ye ayeghilomi kümtsü pishikiqhiu hu ke. Paw kungumiqo gholo no pa ye ayeghi lo vepiqive ke.

Piyeküsü 13:14

Tüghashi atüghiu züqhu shi amchipu kümlàqo shipe nike aküka tüghashi akiniù tsü keu vechewo ayeghi lo xüküamiqo pishiqhive. Tüghashi akiniù no tüghashi khuu akihizüta no ghüzave kemu xüluve keno pa gihu keu michi shi ajulho lakhi mülà puku lo ipi ayeghilomiqo azah tsü.

Piyeküsü 18:23

Akulu küvü hu ye O lolo khilemu vüipeghi kithemove nani. Külapuu ngò külaliu sütsa hu ye O lau no khilemu chilu kithemove nani. Ow alhikishimiqo ye ayeghiqha lo ighono akhotomi shi acheke. Nono saqhi-sali kichileu shikeu vechewo shiyeqo kümtsü pishiqhi khave ke.

Piyeküsü 19:20

Ikemu tüghashi hu ye küghaluve, eno pa gholo kichileu tungkupumi khuu no pa züqhu shi amichipu kümlàqo shi akeno tipaqo ghí küghaluve. Amichipu hipaqo pesü pa no tüghashi michi xapu akeqo ngò pa julho mülá chekeqo pishiqhike. Tüghashi ngò kichileu tungkupuu pama ye kügha pesü ami no piti akeu amichu yizükucho lo aküxü no vesüve.