James 2:19 - Sümi Tiqhelimi Bible

¹⁹ Nongu no Alhou lakhi ani kepi pülü cheni. Aloe! Tüghaküsaqo kutólo tipau pülü chenie—eno msàkhokhoi chenie.

BAIBEL (BSI)

¹⁹ Alhou ye lakhi likhi ani kepi nono pulu cheni, tiye alo anie! Tughami ghi pulu acheni eno akumsano khokhoshi cheni.

Sumi Naga CL (Re-edited) Bible (BSI)

¹⁹ Alhou ye lakhi likhi kepi nono pülü cheni; ti ye aloe. Tüghamiu ghi pülü cheni—eno khokhoshi msa cheni.

James 2:19 Mawu Ofanana

MATTHEW 8:29

Pama no ighamuku pi, “Alhou Nu, no ye nikujo lau no kiu avehupu shi ani kea? No ye ado püghüpüa keu tomphi züu no nikujo ghimeqhi niye hilau ighi ani keshea?”

Mark 1:24

“Nazareth nó ghami Jisü, no ye ningu lau no kiu avehupu shi ani kea? No ye ningu kütsave niye ighi ani keshea? No ye khuu keno I no ithi ani, no ye Alhou’w Akimtheu hu ke!”

Mark 12:29

Jisü no khochile, “Kümtsü dolo akhotou ye hipau ke: ‘Inilo, O Israel: Ningu mpeu Alhou likhi no Ampeu ke.

Mark 5:7

Pa no asütsa kuloghi lono ishi igha ghi pi, “Shishe Akiqheu Lhou Nu Jisü, no ye I lau no kiu avehupu shi ani kea? Alhou je lono I shikighime tsü kevilo!”

Mark 7:9

Eno Jisü no kibe ghi pi, “Nongu ye nolikhi no kukhuayeqo pape anike ghenguno Alhou zakütsüqo ye akivishi ghakütsü pesü akou qhive anie!

Luke 4:34

“Wuvelo! Nazareth nó ghami Jisü, no ye ningu lau no kiu avehupu shi ani kea? No ye ningu kütsave niye ighi ani keshea? No ye khuu keno I no ithi ani—no ye Alhou’w Akimtheu hu ke!”

John 17:3

Lhokta küxü ye hike: no kuchou Alhou ithi nikeu eno nono puwu keu Jisü Khristo ithi nikeu ke.

Apostolmi 16:17

Totimi hipau no Paul ngò ninguqo pape no ighamuku ishi pi, “Timi hipaqo ye Akiqheu Alhou qemiqoe, panongu ye nongu vilo xakulupu laghi pitsü akemie.”

Apostolmi 19:15

Ghulo lakhi tüghaküsa ghawu hu no panoqo vilo ishi khochile, “Ni ye Jisü ithi ani eno Paul ghí ithi ani, ikemu nongu ye khunoqo kea?”

Apostolmi 24:25

Paul no achipiumikucho, alikhi aghasükulu eno küghakütha ighi niye akeu ghili pi akelo Felix ye msàve eno pi, “Itehi ghengu ye tino taveni! No ye wuluve nani. I no kughou no ado shiluni keno I no O kupuwuni.”

Rommi 3:30

kughengu Alhou lakhi likhi ani, pa no aküpülü vechewo aphighüyiko ghave kemi pelo achipikalu pe nani, eno aphighüyiko ghamo kemi pelo ghí tipau tho lono aküpülü vechewo achipikalu pe nani.

1 Kor. 8:4

Tishiaye, ajulho lhouqo lau aghakishi shive keu chuqu chu akeu vehu lo: Ningu no ithi akeu no “Ajulho lhou lakhi ye ayeghi hipau lo kiumu kumoe” eno “Alhou ye lakhi thono kütau kühae.”

1 Kor. 8:6

ningu ghengu ye Alhou lakhi likhi ani, pa ye Apù ke eno pa vechewo thowkha kümtsü ighi eno ningu ye pa ghenguno xü acheni ke; eno Ampeu lakhi likhi ani, tiye Jisü Khristo ke, pa vechewo thime kümtsü ighi eno ningu ye pa ghenguno xü acheni.

Galatiami 3:20

Lakipiu lakhi ye amqo kini dolo puloküqhalu pe nikeu ghenguno avehupu shi cheni. Ikemu Alhou ye lakhi kehu, kughou pa no Abraham lau pikiqhi shi keno pa ye lakipiu avehupu shimo ke.

1 Tim. 2:5

Kughengu Alhou lakhi likhi ani eno Alhou ngò timi dolo alakipiu lakhi ani, tiye Khristo Jisü timi hu ke.

James 2:8

Tsalá nongu no Kuchoyesü lo akiqheu yeza, “O likhi O toi O kisüghümi kimiye lo,” ipi püakeu kuchou no pape aye nongu ye achipi shi ani.

Jude 1:4

Kughengu püzüu timi khami kiléqhive keu ghili yèpüa keu ye nongu dolo tuqhou no küzü-kugho shi iloghivae. Panongu ye alhou kümthamiqo ke, panongu ye xüküpsa kümlà shini keu ghenguno ashepe pesü ningu Lhou’w küpükini lakha cheni ke eno ninguw Akughushuu eno Ampeu lakhi likhi akeu Jisü Khristo mili acheni ke.

Jude 1:6

Eno kungumi khipaqo no panonguw kükagha-a pe müla püzü panonguw achipi kungo-a qhive cheni keno—pa no hipaqo àküzǘ lo qhive ke, tipaqo ye lhokta yikichhe pesü küghakütha Tsalá kijè ghenguno tshüve cheni.

Piyeküsü 20:10

Eno panongu pishiqhive keu tüghami hu ghí tüghashi ngò kichileu tungkupuu pama vesüve no pitiqhi akeu amichu yizükucho lo vesüve. Panongu ye putho-pucho alhokupuju lono alhokupuju kutólo ghimeqhi anani.