James 1:22 - Sümi Tiqhelimi Bible

²² Alhou tsa ini keu likhi ini no O likhi O pishiqhi kevilo. Atsa no kiu piani keno tipau shilo.

BAIBEL (BSI)

²² Pa tsa inike likhi inipuzu nolikhi nongu pishiqhi kevilo, ikemu tipau toi mlakemi shilo.

Sumi Naga CL (Re-edited) Bible (BSI)

²² Atsa chikulu likhi shive no nongu ampi pishiqhi kevi, ikemu atsa tho akümlami shilo.

James 1:22 Mawu Ofanana

MATTHEW 12:50

Kughengu khunoqo no I pù kungugha lo akeu pulou shi cheni keno tipaqo no I thiküzüu, I chepu eno I zá ke.”

MATTHEW 28:20

eno I no azah nongu tsüve keu kümtsü papelu penike panongu kütsü tsülo. Eno ni ye kuchou no, ashekha ghuloki kutólo pülhapuju nongu sasü ache nani.”

Luke 11:28

Jisü no khochile, “Khunoqo no Alhou tsa chilu eno tipau ghokulu shini keno tipaqou no akümghapue.”

John 13:17

Itehi nongu ye hipaqo ithive ake, nongu no hipaqo shi aye mügha nani.

Rommi 2:13

Kughengu Alhou nhekithe lo ye ayeza ini kemiqo no achipiu shilu cheni ke kumoe, ikemu ayeza gholu kemiqo no achipiu mikuchomi kepi shukiphe shitsü cheni.

1 Kor. 15:33

Nongu pishiqhive pe kevilo: “Aküsàmi lhoküsa no ghushoghili kivi shipüsave cheni.”

1 Kor. 3:18

O likhi O pishiqhi kevilo. Nongu khiuala no hipau tiqheli küxü ghola kiqi lono alokütsümi kepi kümsü aye, no ye alokütsü shilu nike ghenguno “nikhanigha” shive moayesae.

1 Kor. 6:9

Ikeo achipikumo shi chekemiqo ye Alhou kükaphu ighí mülà nani kepi nongu ye mtha kea? Nongu pishiqhive pe kevilo: Kipito kimthe kumo kümlà shi chekemi na ajulho mülá chekemi na shupumi na kipitimi-totimi michimo no ashi-aji küqha xü chekemi na

Galatiami 6:3

Khuala no panongu ye kiumu kumomu panongu ye kiuala küghashi kümsü aghí aye, panongu ye panongu likhi panongu pishiqhi anie.

Galatiami 6:7

O likhi O pishiqhi kevilo: Khuu nomu Alhou phimovemlae. Timi lakhi ye pano kiu xusüni keno tipau xolu cheni.

FILIPIAMI 4:8

Athiküzümi eno achelimiqo, ashekha shi kiu no kuchou, kiu no xüpivi, kiu no achipiu, kiu no akimthe, kiu no alo keu, kiu no jupe amloqilu cheni—kiu-kiumu akighiché momu sheqhe küzüpu aghí aye—thime tipaqo shou kümsüpuku alo.

Kolosiami 3:17

Eno nongu no kiu-kiu shimu, atsa lo na akümlà lo namu, Ampeu Jisü je vechewo Apù Alhou lau shikimthi tsü ghi thowkha kümtsü shilo.

2 Tim. 3:13

eno küsaküghami ngò timi ghili kishimiqo ye alomo keu lono alomokitheuve nani, eno kütami pishiqhive keu likhi kumo no pano likhi pano pishiqhive nani.

Titus 3:3

Ghuthu lakhi ye ningu ghí nikhanigha, agholumo kemi, pishikiqhimi, eno minemighei keu ngò alokughuno jeli no qhasü pe acheke. Ningu ye axeküsü eno anhekushu lo xüche, ningu no kütami jumithi eno kütami no ningu jumithi ishi acheke.

James 1:26

Khuno no pa likhi pa ye achineye lo amlotsüqhiyi kemi ipi kümsü cheni püzü pa mili ghasülu chemo keno pa likhi pa pishiqhi anie, eno pa chineye ye ameküha ke.

James 4:11

Athiküzümi eno achelimiqo, nongu lakhi no lakhi pipüsa kevilo. Timi khuno no athiküzümi momu achelimi lachile keu tsa pi cheni momu panongu shou küghathabe cheni keno tiye ayeza lachile ghi piani eno küghatha anike. Kughou nono ayeza shou küghathabeni keno, no ye ayeza pape anike kumoe, ikemu tipau küghakütha shou iqa anike.

James 4:17

Tishiaye, khuno no pa ye akivishi kepu shi akeu ithi anamu tipau shimoni keno, tiye pano ghenguno axiné ke.

2 Peter 2:13

Panongu ye panongu no shiküpüsa kümlà shive keu ghenguno shiküpüsa pesü lochile nani. Atsala küvü lono aji kushoki lo ngo keu no panongu lopivilu cheni. Panongu ye aju-aje küsa eno tukutiye akemiqo ke, eno panongu ye nongu gholo aghulhu shi ake lono panonguw pishikiqhi lo alovilu cheni.

1 John 1:8

Tsalá ningu no axiné küha kepi pükha aye, ningu ye nilikhi ningu pishiqhi ani eno kuchou hu ye ningu lolo küha ke.

1 John 2:3

Ningu no pa zakütsüqo pelu aye ningu ye pa ithivea kepi mütsüqheilu anike.

1 John 3:7

Kimiye chekemi anuliqo, khuu pelomu nongu saküghüzü pe kevilo. Khukhumu kiu achipi keno tipau shi chekemi ye amikucho ke, kughengu pa ye amikucho ke.

3 John 1:11

Kimiye chekeu I küsàu, kiu no küsakügha keno tipau kishishi kevilo ikemu kiu no akivi keno tipau kíshi shilo. Khukhumu akivi shikeu ye Alhou lau no ighi kemi ke. Khukhumu kiu no küsakügha keno tipau shikeu ye Alhou ithulu mphie.

Piyeküsü 12:9

Tüghaküsa kijè hu ye aqhou vepiqive. Tüghaküsa hu ye khaghi apighi khikhi tüghami momu Satan ipi ku chekeu hu ke. Pa ye ayeghilomi kümtsü pishikiqhiu hu ke. Paw kungumiqo gholo no pa ye ayeghi lo vepiqive ke.

Piyeküsü 22:7

“Julo! Ni ye itheno chenie! Khunoqo no liküküzü kaku hipau lo tungkuptsa yèpüa keqo ikhiluni keno tipaqo kümghae.”