IBRIMI 9:26 - Sümi Tiqhelimi Bible

²⁶ Tishimo aye Khristo ye ayeghiqha lhopheve keu thiu ghuthu kutomo ime moayesave niche ke. Ikemu pa ye ghuthukhavi lono alhokupuju ghenguno pa likhi pa no aghakishi shive keu vechewo axiné peve nike ghenguno tiqheli kishekha lo ipeghi ke.

BAIBEL (BSI)

²⁶ tishike aye ayeghi lhophe kemtsa lono paye ghuthu kutomo aghime shive nicheke. Ikemu tilehiye tiqheli kumtsu kishekhaveni chekelau pano pulhapuju ghenguno ghuthu khavino ipeghivae, tiye pa likhi pa pesu aghashi thikeu vechewo axine pevetsu niyeke.

Sumi Naga CL (Re-edited) Bible (BSI)

²⁶ tishike aye ayeghi lhopheke pa ye ghuthu kutomo imeve aghini cheke. Ikemu tiqheli shekuho lono pa no ghuthu khavino kümtsü ghenguno pa ampi pesü aghashive keu vecheo axine peve tsüniye ipeghike.

IBRIMI 9:26 Mawu Ofanana

MATTHEW 13:39

eno aghümi khuu no alupiqo xusü keno tiye tüghami ke. Ghile ye ashekha ghuloki ke, eno ghile hu kemiqo ye kungumiqo ke.

MATTHEW 13:40

“Alupiqo nhü pesü ami lono piti akelo, tihu no ashekha ghuloki shive nani ke.

MATTHEW 25:34

“Tile no Akükau no pa u ajeu iqa akeqo vilo pi nani, ‘Ighilo, nongu I pù no kümghave tsü keqo; O mheghi lu lo, ayeghiqha pulhosü ake ghuloki lono kükaphu O ghenguno kutò pe püakeu ke.

John 1:29

Tishiwo thoghiu Jisü no pa küdau chekeu ithulu kelo John no ishi pi, “Julo, Alhou’w Ambeti khuu ayeghilomi xiné pevetsü keno hi chenie!

John 17:24

“Apùo, ni ye nono khunoqo pesü I tsü keno panoqo pelo I no khilehi ani keno tile I gholo ape nishi ani eno I juküvü ithulu penishi ani, tiye nono ajuküvü I tsü keu ke, kughengu nono ayeghi pulhosü mphi züu no I kimiye ke.

1 Kor. 10:11

Thime hipaqo ye kiche-kipiye toi panongu lau shike eno pikichi keu shi ningu tiqheli ashekuho lo xü akemi ghenguno yèpe qhike.

Galatiami 4:1

I no piakeu ye amheghi kiyighiu no itimi shi ake thaqhülo amheghi kümtsü paw shi aghí namu, pa ye aqüaxemi lakhi paphi ke.

Ephesiami 1:10

Tiye kughou panongu ghenguno ado kupukülaive nike no tile no huthu ghi shikupu niye ke—eno tiye kungugha eno ayeghi lo thimeqo kümtsü küqha süwo Khristo qholo qhivetsü niye ke.

Ephesiami 5:2

eno Khristo no ningu kimiye no pa likhi pa ikhiphe pesü ningu ghenguno Alhou lau axokütsüngü kümlagho eno aghakishi lakhi shi tsüve keu toi, kikimiye lono xüche lo.

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

IBRIMI 1:2

ikemu hi ashekha tsalaqo lo ye pa ye pa Nu, khuu thime kümtsü mheghi kiyighiu shipe niye pa no süküsü shi, eno khuu vechewo pa no ayeghiqha lhosü keno, pa vechewo ningu pütsa ke.

IBRIMI 10:10

Eno Alhou pulou vechewo ningu ye Jisü Khristo phimpi pe ghuthukhavi lono alhokupuju ghenguno aghakishi shive keu vechewo akimthe shiluvae.

IBRIMI 10:12

Ikemu kughou achineu hipau no alhokupuju ghenguno axinéqo ghakishi lakhi pe Alhou mülá keno, pa ye Alhou u ajeu küdau iqave ke,

IBRIMI 10:26

Tsalá ningu no kuchou kighithi ithuluve kethiu ghí ithithai axiné shiauve aye, axiné shikimthe nikeu ghenguno aghakishi kühavae,

IBRIMI 10:4

Amishitsü eno anetsüqo jì no axinéqo ikhipe wuve tsüní keu ye shikümlapu ke.

IBRIMI 4:3

Itehi ye ningu khunoqo no pülüluvea keno ningu no tipau kulhokiqhi-a tipau lo ilo ke. Tiye Alhou no ishi pipüa keu ke, “Ike I no I mlo kighide lono ashoqhi shike, ‘Panongu ye khilemu I kulhokiqhi-a lo ilomo nani.’ ” Eno tishiaghimu pa kümlàqo ye ayeghi lho ake ghuloki lono shiqhivae.

IBRIMI 7:27

Achinetomiqo shou atou kütamiqo toi pa ye tsalà kipetsü atüghishi pa xiné ghenguno eno tithiu no timiqo xinéqo ghenguno aghakishi pesü Alhou mülá kepu vehu kühae. Pa ye kughou pa likhi pa ikhiphe pe tsüve keno tile no ghuthukhavi lono kümtsü xinéqo ghenguno aghakishi shive tsüke.

IBRIMI 9:12

Pa ye anetsü ngò amishitiqo jì vechewo ilo ke kumoe; ikemu pa ye ghuthukhavi kümtsü ghenguno pa likhi pa jì vechewo Akimthe Nguno Akimtheu-a lo ilo ke, tishi keu lono lhokta xakulu ithulu ke.

IBRIMI 9:14

Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!

1 Peter 1:20

Pa ye ayeghiqha pulhosü mphi lono kisheluve ke, ikemu nongu ghenguno ashekhau do hipaqo lono pa pephe-piye ke.

1 Peter 2:24

Khristo ampi no kros lono “Pa phimpi no ningu xinéqo puluve tsüke,” tishi keu vechewo ningu pelo axiné lo ye thive no achipiumikucho ghenguno xüpe niye ke; “Pa zakuqo vechewo nongu ye shipivi luvae.”

1 Peter 3:18

Kughengu Khristo ghí Alhou lau ningu saighi nike axiné ghenguno ghuthukhavi no kümtsü ghenguno imeve ke, amikuchou no amikucho kumomi ghenguno thive ke. Pa phimpi ye pìthíve ke ikemu Aghungu lono xüputhuveke.

1 Peter 4:7

Thime kümtsü ashehove nikeu ye kupunúvae. Tighenguno kutokughoi lo eno tsükhütsüvai keu kükümsü xapu ngo lo tishianguno nongu ye akighini shilu peniye ke.

1 John 3:5

Ikemu nongu no ithi akeu toi pa ye ningu xinéqo ikhipe wuve nike ghenguno ipeghi ke. Eno pa lolo ye axiné küha ke.

1 John 3:8

Khukhumu kiu no axiné keno tipau shi chekemi ye tüghamiw ke, kughengu tüghami ye abothu lonomu axiné shisü chephi ke. Alhou Nu no ipeghi keu kiqi ye tüghami kümlà kütsakungo nikeu ghenguno ke.

Piyeküsü 13:8

Ghiqhive keu Ambeti’w aküxüpu kaku lo aje yèpuku püaghi kemi nguno alau ye ayeghi lhophe kelo no acheghi kemi kümtsü tüghashi hu mülá nani.

Piyeküsü 17:8

Nono tüghashi khikhi ithulu keno tihu ghuthu lakhi ye xüache, ikemu itehi ye kühavae, tishiaghimu ghuthu lakhi aqokutho lono ipeghi püzü kütsakungove nike wu nani. Ayeghi lhophe ke lono aküxüpu kaku lo ayeghi lo xüküami khunoqo je yèpüaghimo nike no panongu ye tüghashi hu ithulu kelo akümzave nani, kughengu tüghashi hu ye ghuthu lakhi xüache, ikemu itehi ye kühavae, eno tishiaghimu ghuthu lakhi ipeghi nani ke.