IBRIMI 9:1 - Sümi Tiqhelimi Bible

¹ Ike puloshoqhi atüghiu ye akümlá ngò ayeghilow akimthe-a ghengu ghí yezashi acheke.

BAIBEL (BSI)

¹ Puloshoqhi atughiu ghi Alhou mllakepu yeh eno mllakepua shipuacheke.

Sumi Naga CL (Re-edited) Bible (BSI)

¹ Puloshoqhi atüghüu ghi akümlla khuaye eno ayeghilo kimthe-a acheke.

IBRIMI 9:1 Mawu Ofanana

Luke 1:6

Pama kinikujo Alhou zülo amikucho shi xüche eno Ampeu zakütsü ngò ayeza kümtsü kupukülai shi pape chekemi ke.

Rommi 9:4

Israelmiqo ye Alhou no saputhu pesü anukishimi shilu pe ke; panongu pelo pa kimthe juküvü küsaje pe ke, pa no panongu sasü puloshoqhiqo shi eno ayeza pesü tsüke. Pa no panoqo pelo kuchou shi pa chineki lo mülá lupe eno panoqo sasü pikiqhi shike.

Kolosiami 2:8

Khristo lau no ighi keu kumo aye, khuu pelo nomu abokümsa eno pishikiqhi phukutho khikhi timi kukhuaye eno hipau yeghi ghawu thime küká shou pükhübe keu vechewo ighi cheni keno tipaqo pelo nongu küghasüwuve pe kevilo.

IBRIMI 8:13

Puloshoqhi hipau “akitheu,” ipi kulùve keu vechewo pa no puloshoqhi aqau ye qhivae; eno kiu qhivea püzü peithamovea keno tiye ado kushuwa kumo lo hauve nani.

IBRIMI 8:2

eno pa ye timi no mülà keu akimthe-a kumo püzü Ampeu no puloshoqhi-chebo kuchou mülà tsü keu akimthe-a lo achinetou shou atou kümlà shi acheni.

IBRIMI 8:7

Kughengu tsalá puloshoqhi atüghiu lo achipi shimo keu kiumu küha ke aye, puloshoqhi akiniù avehupu shimoni cheke.

IBRIMI 9:24

Kughengu Khristo ye timi u no kuchou kishishi mülà keu akimthe-a lo ilomo ke; pa ye ningu ghenguno Alhou gizülo ipeghi niye kungugha ampiu lo ilo ke.