IBRIMI 7:11 - Sümi Tiqhelimi Bible

¹¹ Levimi chine kümlapù vechewo kupukülailuve kepu shi aghí aye—eno kuchou lo ye timiqo lau ayeza tsü keu no achine kümlapù tipau huthuphe tsüke—kushiye itaghi Aaron no shikeu ghola kumo no Melchizedek no shikeu ghola lono achineu kütami lakhi ighi moayesave kea?

BAIBEL (BSI)

¹¹ Tishiaye Levi laghano shichekeu chine ghola vechewo kupukulu shilu cheni aye (kughengu tipau chine qholo akelono timiqono Ayezah ithulukeke), kushiniaye Aron gholauno ighikeu ipi pimo puzu Melkhizedek gholauno itaghi achineu kutau ipeghikepu avehupu shivepe kya?

Sumi Naga CL (Re-edited) Bible (BSI)

¹¹ Levimi kümlapu vecheo kupukülailu cheghi aye (kughengu tipau chine qholono timiqo no Ayezah ithulu keke), kushiye Aaron gholau no ighikeu ipimo no Melchizedek gholau no itaghi achineu kütau ighikeu avehupu shive kea?

IBRIMI 7:11 Mawu Ofanana

Galatiami 2:21

Ni ye Alhou’w küpükini milive chemoe, kughengu ayeza vechewo achipiumikucho ithulu kepu shi aghí aye, Khristo ye adou lono thivae!”

Galatiami 4:3

Tihutoi ningu ghí aghungu lo akughunu shi akelo ye ayeghiqha ghungu küká boqha qholo aqüaxe shi acheke.

Galatiami 4:9

Ikemu itehi nongu ye Alhou ithive ake—momu pìní aye Alhou no nongu ithivae—tishiaye nongu ye kíshi no hipau yeghilomiw qeinai keu eno ameküha keu boqha kükaqo lau idewove ani kea? Nongu ye tipaqo pelo itaghi nongu pesü panongu qüaxeu shive penishi ani keshea?

IBRIMI 5:10

eno Alhou no Melchizedek no shikeu ghola lono pa pesü achinetomiqo shou atou shi süküsü shitsü ke.

IBRIMI 5:6

Eno a-a kütau lo pa no ishi pipüani, “No ye Melchizedek no shikeu ghola lono alhokupuju ghenguno achineu lakhi ke.”

IBRIMI 6:20

tiye Jisü no ningu züu no ningu züqhu shi ilovea ke. Pa ye pülhapuju ghenguno Melchizedek no shikeu ghola lono achinetomiqo shou atou shivea.

IBRIMI 7:10

kughengu kughou Melchizedek no Abraham sholu keno, Levi ye punú mphi kemu papù-asü phi lo ake.

IBRIMI 7:12

Kughengu kughou achine kümlapù shi chekeu kiliveni keno, ayeza ghí kilive moayesa nani.

IBRIMI 7:13

Khuu ghili hipaqo piani keno pa ye kütami shiayemi ke, eno tipau shiaye lono khiumu akümlá-khache lo hukuthu kümlà shi mphie.

IBRIMI 7:15

Eno ningu no pive keu lo tsalá Melchizedek toi keu achineu kütami ipeghi aye ighono mütsümisheive nani,

IBRIMI 7:21

ikemu kughou Alhou no pa vilo ishi pi keno pa ye ashoqhi lakhi àghi achineu shive ke: “Ampeu no tushokiqhi shivae eno pa kükümsü kilimo nani: ‘No ye pülhapuju ghenguno achineu ke.’ ”

IBRIMI 8:7

Kughengu tsalá puloshoqhi atüghiu lo achipi shimo keu kiumu küha ke aye, puloshoqhi akiniù avehupu shimoni cheke.

IBRIMI 9:6

Kughou thime kümtsü hitoi kithiveni keno, achinemiqo no alhokuthu panongu kümlàpu shini ke ghenguno khalau chebo lo ilo cheni.