IBRIMI 3:3 - Sümi Tiqhelimi Bible

³ Aki kishimi lakhi ye aki nguno alau agigihu kijè achekeu toi, Jisü ye Moses nguno alau agigihu kijè ithulu küzüpu shi phulu ke.

BAIBEL (BSI)

³ Aki kishiuno aki shipuakeu nguno gihukuzupu alau ithuluke toi Jisu ye Muse nguno akimthe jekipi alau ithulukuzupue.

Sumi Naga CL (Re-edited) Bible (BSI)

³ Aki kishiu no aki nguno alau agigihu ithulu ketoi Jisü ye Moses nguno alau ameküapu gigihu ithulue.

IBRIMI 3:3 Mawu Ofanana

MATTHEW 16:18

Eno I no O vilo pìní, no ye Peter ke, eno atuqu hipau shou I no I kukuhoki mülà puku nani, eno Hades khagho ye hipau theqhi lumo nani.

1 Kor. 3:9

Kughengu ningu ye Alhou kümlà lo mülà küqha akemiqo ke; eno nongu ye Alhou’w aki-alu ke.

2 Kor. 3:7

Pichebekümlà akithí süghi keu khikhi atu lo küxüsü no yèpuku keno tino ado ikhonhei shiaghi namu ajuküvü shi ighino Israelmiqo pelo Moses gi lo tsaqüi jupukulupemo aye,

Kolosiami 1:18

Eno pa phimpi ye akukuhou eno pa ye tipau kütsü ke; pa ye abothu ke eno pa ye kithimi dolo xüputhuve keu atüghiu ke, tishi keu lono pa pelo thowkha kümtsü lo akiqheu shilu peniye ke.

IBRIMI 2:9

Ikemu ningu ye Jisü ithulu anie, pa ye ado kitila ghenguno kungumiqo nguno kitila aqhou shi lhosü ke, pa no aghime kithí shi thive keu ghenguno itehi pa ye ajuküvü ngò agigihu pe qhopipevae, tishi keu lono Alhou’w küpükini vechewo pa pelo kümtsü ghenguno akithí michelu peniye ke.

IBRIMI 3:4

Kughengu aki kümtsü timi khami vechewo shiqhepuku acheni, ikemu Alhou ye thowkha kümtsü shiqhepuku chekeu ke.

IBRIMI 3:6

Ikemu Khristo ye Anu lakhi kehu Alhou kibolomi shou ghí pükhübekulu shike. Ningu no ninguw pülükibe eno ningu no ajuküvü shi achekeu shou lajupu qhi akeu lo ithamo no tsüqüpe aye mütsüqhei no ningu ye pa kibolomi ke.