IBRIMI 2:18 - Sümi Tiqhelimi Bible

¹⁸ Kughengu pa ampiu ghí kughou ghuju keno imeve kehu, pa ye khunoqo no ghukuju sholu ani keno kuphulu acheni.

BAIBEL (BSI)

¹⁸ Kughengu pa ampino aghime shijuvae eno ghukuju sholuve akehu, paye ghukuju sholukemiqo kuphulu kepushi anike.

Sumi Naga CL (Re-edited) Bible (BSI)

¹⁸ Kughengu ghukuju lo pa ampi no imejuve akehu pa ye khunoqo no ghukuju sholu ani keno kuphulu nani ke.

IBRIMI 2:18 Mawu Ofanana

Luke 22:28

Nongu ye iw shiluküsa peju keu kümtsü lo I gholo ngo ighivae.

Luke 22:53

Ni ye nongu gholo tsalà kipetsü achineki khalau achemu nongu lakhimu I shou au bupukumoe. Ikemu hipau tüqhüdo ye nonguw ke tiye àküzǘ no ka nikeu ke.”

John 10:29

I pù khuu no panoqo pesü I tsü keno pa ye kümtsü nguno akijeu ke; khunomu I pù u lono panongu süxa müla nani.

1 Kor. 10:13

Ghukuju khijehi nongu zülo ighi keno kütami sheamzü lo ghí titoi ighino puju-shijuvea ke ipi kümsülulo. Alhou ye pükhübekuluu ke; pa ye nongu no puqhelu kepu nguno alau ye nongu ghuju pemo nani. Ikemu kughou O ghujuni keno, pa no O pelo theqhiluve pe kepu laghi O tsü nani.

FILIPIAMI 3:21

khuu thowkha kümtsü paw ghaküsü qholo qhikulupu küká ani keno, pa no ningu phimpi kilive tsü nani eno tishi keu vechewo ningu phimpi ye pa juküvü phimpi toi pekilive tsü nani.

2 Tim. 1:12

I no itehi ime akeu ye tipau ghenguno ke. Ikemu kujo akepu akiqi kiumu kühae, kughengu I no khuu shou pülüluvea keno I no ithi ani, eno tipau tsalà ighimo ke kutólo I no kiu pesü pa pichetsü keno pa ye tipau khekuto kulupu shi nani kepi I no pülü ani.

IBRIMI 5:2

Kughengu achinetomiqo shou atou ghí pa ampi no miqemilei kemi kehu, pa ye khunoqo no kümthami eno kawuve ani keno panoqo mütshaminhei tucholu cheni.

2 Peter 2:9

tsalá ishi aghí aye, Ampeu ye kíshi no peju keu lono alhou sükümsami xalu nani keno ithi ani eno kíshi no küghakütha tsalà lo amikucho kumomi ghimeqhi nani keno ithi ani.

Jude 1:24

Itehi ye pa khuu nongu pelo veqhive pemo no nongu süsho kulupu ani eno nongu pesü pa juküvü zülo akipimí küha no alokiqi kijè lono süghi küpülü akeu lau—

Piyeküsü 3:10

I no kheakulu shilo pi azah tsü keu nono papelu keu ghenguno ayeghi lo xü akemiqo peju nike ayeghiqha kuchopu shou küghathabe niye shi akeu tüqhüdo lau no O peküsüve nani.