IBRIMI 13:4 - Sümi Tiqhelimi Bible

⁴ Kümtsü no külakupu gihu moayesae, eno külakupu lipa kitiqemo no qhi moayesae, kughengu Alhou no shupumi eno kipito kimthe kumo kümlà shi chekemi kümtsü shou küghathabe nani.

BAIBEL (BSI)

⁴ Timi kumtsuno kulakupu gihukepu shilo; eno akimi anipu dolo pukhukile kulupu shilo; kughengu kiptimi totimi dolo mithemokemi eno kutuqha chekemi shou Alhou no kughathabe nani.

Sumi Naga CL (Re-edited) Bible (BSI)

⁴ Kümtsü no külakupu gihu masae, eno külakupu lüpa shipixi kepu kumoe, kughengu kipti toti dolo mithekumomi eno küsalhami shou Alhou no küghathabe nani.

IBRIMI 13:4 Mawu Ofanana

1 Kor. 6:18

Kipito xüküpsa lau no pove lo. Timi lakhi no axiné kütau shikeu kümtsü aphimpi nguno khalau ke, ikemu timi khuu no kipito xiné shini keno, pa ye pa likhi pa phimpi shou axiné shipuku anie.

1 Kor. 6:9

Ikeo achipikumo shi chekemiqo ye Alhou kükaphu ighí mülà nani kepi nongu ye mtha kea? Nongu pishiqhive pe kevilo: Kipito kimthe kumo kümlà shi chekemi na ajulho mülá chekemi na shupumi na kipitimi-totimi michimo no ashi-aji küqha xü chekemi na

1 Kor. 7:38

Ike tishiaye, timi khuu no pa no küsükha püakeu pa loliu sasü külakupu shiveni keno tiye achipi shi ani, ikemu timi khuu no küla moveni ipi xathaluvea keno tiu no akiviu ke.

1 Kor. 9:5

Apostol kütamiqo eno Ampeu thiküzümiqo ngò Peter noqo toi ningu ye küpülümi anipu sasü izüwulu nikeu chipiu anike kumo keshea?

2 Kor. 5:10

Ningu lüthü lakhi-khi no ayeghi phimpi hipau lo ache kelo akivi kümlà momu alhoküsa kümlà mülàpüa keu jume ithulu penike ghenguno ningu kümtsü Khristo küghakütha lakhü zülo ighi moayesa nani.

Galatiami 5:19

Timi lhoaye no shi chekeu ye mütsüqhei no hipaqo ke: kipito xüküpsa, mithekumo eno ghüpoghüzü;

Galatiami 5:21

eno anhekushu; shokümzü, ghaghu-ghale ghulhu eno titoi keqo. I no azüu nongu vilo pikichi ketoi, ni ye itaghi pikichi ani, tiye timi khunoqo no hitoi xüni keno panongu ye Alhou kükaphu ighí müla nani.

Ephesiami 5:5

Nongu ye hipau vehu lo mütsüqhei lo: Xüküpsami, mithekumomi momu alakiminemi ye ajulho kümlamí ke, timi hitoi kemi ye Khristo eno Alhou kükaphu lo amheghi ighí müla nani.

1 Thes. 4:6

Eno hipau vehu lo khumu athiküzümi momu achelimi lakhi shou alhoküsa shikepu kumo momu alikhi alá ghenguno adokivi lu kepu kumoe. Ningu no azüu no nongu vilo pive eno pikichive keu toi, hitoi keu xiné shikemi kümtsü Ampeu no ghimeqhi nani.

1 Tim. 3:12

Akukuho lo aghinimi lakhi ye pa nipu lau amikucho shi moayesa eno akivishi pa nuli eno pa kibolomiqo tucho ithi kemi shi moayesae.

1 Tim. 3:2

Akukuho lo sakiphemi lakhi ye akipimí küha kemi shi moayesa, pa nipu lau amikucho shi moayesa, aghibiu shi moayesa, alikhi aghasülu kemi, gihu küzüpumi, inami sasükinimi, shikathi kemi shi moayesa,

1 Tim. 3:4

Pa ye akivishi pa likhi pa kibo tucholu kemi shi moayesa eno pa nuliqo ye pa gholu aghí moayesa, eno pa ye pa nuliqo no akiqheu shi gihu nikeu ghola lono xü moayesa.

1 Tim. 4:3

Panongu ye timi no külakupu shini keu lakha cheni eno achuqu hami khikhi küpülümi eno kuchou ithi akemiqo pelo shikimthi tsü ghi peitha peniye Alhou no lhosü keno tipaqo chupemo niye panongu lau azah tsü cheni.

1 Tim. 5:14

Tighenguno ni ye chimemi alhothe shi akeqo pelo külakupu shive no anuli auve, panongu kibo tucho auve no aghümi pelo panongu pipütha nikeu lo adokivi lupemo nike panongu shikumto ani.

Titus 1:6

Kichimi lakhi ye tukutiye küha kemi, pa nipu lau amikucho shi chekemi shi aghí moayesa, pa nuliqo ye küpülümi shi aghí moayesa eno ghasü kümlà momu aghokulu kumomi shikepu kumoe.

IBRIMI 12:16

Khuu pelo nomu kipito küxü lo mithemove keu shipemo nike, momu Esau, khuu anu akichiú shi anamu akhuna lakhi ghenguno pa mheghi chipiu jeve keno, pa toi Alhou sümsamo keu shipemo nike jukuto lo.

Piyeküsü 22:15

Akimthe Mishighüna khalau ye atsǜqo anie; tipaqo ye kuduu shi chekemiqo, kipito kimthe kumo, hekiqhimi, ajulho mülá chekemiqo eno khunoqo no kichileu kimiye no kichileu kümlà shiche keno tipaqo ke.