IBRIMI 13:21 - Sümi Tiqhelimi Bible

²¹ pa pulou shipe nike ghenguno thime kivi kümtsü pesü nongu pipe peniu, eno pa pelo Jisü Khristo vechewo kiu no pa lokiqipu keno tipau ningu lolo mülàlu peniu; pa lau alhokupuju lono alhokupuju kutólo ajuküvü ache pelo! Amen.

BAIBEL (BSI)

²¹ pa pelo thwokha kivi jeli pesu nongu tsupuzu pa pulou shilupeniu, eno pano Jisu Khristo vechewo pa lokiqipushi nilolo shilupeniu; alhokupuju lono alhokupuju ghenguno pa lau akimthejekipi achepelo! Amen.

Sumi Naga CL (Re-edited) Bible (BSI)

²¹ akivi thime kümtsü pesü nongu tsüno Pa pulou shilu peni, eno Pa no Jisü Khristo vecheo ni lolo Pa pulou shipeni; alho lono alholo Pa lau ajekipi apelo. Amen.

IBRIMI 13:21 Mawu Ofanana

MATTHEW 12:50

Kughengu khunoqo no I pù kungugha lo akeu pulou shi cheni keno tipaqo no I thiküzüu, I chepu eno I zá ke.”

MATTHEW 21:31

“Hi pama dolo khikhiu no apù no pulo akeu shilu kea?” “Atüghiu noe,” ipi panongu no khochile. Jisü no panongu vilo pi, “I no kuchou no nongu vilo pìní, zame küqhami eno kütüqhamiqo no nongu züu no Alhou kükaphu qholo ilo auvae.

MATTHEW 28:20

eno I no azah nongu tsüve keu kümtsü papelu penike panongu kütsü tsülo. Eno ni ye kuchou no, ashekha ghuloki kutólo pülhapuju nongu sasü ache nani.”

MATTHEW 6:13

Eno ningu pelo ghukuju lo ilove pe kevilo ikemu küsakügha lau no ni xaphe tsülo. Kughengu akükaphu, aküka eno ajekipi ye alhokupuju lo ow ke. Amen.’

MATTHEW 7:21

“I vilo, ‘Ampeu, Ampeu,’ ipi kemi kümtsü kungugha kükaphu lo ilomo nani, ikemu khuu no I pù kungugha lo akeu pulou shi cheni keno tipaqo likhi no ilolu nani.

John 17:23

I no panongu lolo ani eno nono I lolo ani—tishi keu vechewo panoqo pelo qhoi küqhakulu shilu peniye ke. Tishianguno ayeghilomi ye nono I puwu eno nono I kimiye ketoi panongu kimiye kepi ithi nani.

John 7:17

Khukhumu Alhou pulou shini ke kisheluve kemi ye I kükütsü ye Alhou lau no ighi keo I likhi I tsapi keno phupheluve nani.

Rommi 11:36

Kughengu pa lau no eno pa vechewo eno pa ghenguno thowkha kümtsü anike. Alhou lau pülhapuju ajuküvü apelo! Amen.

Rommi 16:27

Jisü Khristo vechewo Alhou khuu likhi no alokütsüu keno pülhapuju lo ajuküvü pesü pa tsülo! Amen.

2 Kor. 9:8

Eno Alhou ye kupukuno shi nongu kümgha tsülu nani, tishianguno thowkha kümtsü lo eno ado aghuloki kümtsü lo nongu no avehupu shikeu kümtsü aghílu pe nani eno nongu ye akümlà kivipu kümtsü lo kupukuno shi küsajelu nani.

Galatiami 1:5

pa lau alhokupuju lono alhokupuju kutólo ajuküvü ache pelo. Amen!

Ephesiami 2:10

Kughengu ningu ye Alhou no azüu no ningu ghenguno akümlà kivi kutò pe qhipüakeqo mülà peniye Khristo Jisü vechewo lhophe ke. Eno ningu ye Alhou’w au no mülà keqo ke.

Ephesiami 2:18

Kughengu pa vechewo nongu ghí eno ni ghí Aghungu lakhi vechewo Apù lau wu kulupu shi cheni ke.

FILIPIAMI 1:11

Jisü Khristo lau no ighi keu achipiumikucho xathi no shepichhilu peniye ke—kughengu hino Alhou jekipipu eno shekiqhepu shilu nani.

FILIPIAMI 2:11

eno Apù Alhou juküvü shi ghi timi kümtsü no Jisü Khristo ye Ampeu kepi ikhilu no asheshu nani.

FILIPIAMI 2:13

kughengu Alhou no pa kimiji kivi shikupulu penike eno pulolu penike ghenguno nongu lolo mülà acheni.

FILIPIAMI 4:13

Khristo no I shikumto tsü keu vechewo ni ye thowkha shikulupu küká anie.

FILIPIAMI 4:18

Ni ye I jume kuchopu ithuluvea eno lukümkhapu shi ani. Nongu no Epaphroditus lau no aghò I tsüpuwu keu hu ithulu no ni ye kupukuno shi anie. Tipaqo ye axokütsüngü kümlagho, Alhou mlokiqipu eno pa lau ikhikulupu aghakishi lakhi ke.

Kolosiami 3:17

Eno nongu no kiu-kiu shimu, atsa lo na akümlà lo namu, Ampeu Jisü je vechewo Apù Alhou lau shikimthi tsü ghi thowkha kümtsü shilo.

Kolosiami 3:20

Anuliqo, thowkha lo nongu pù-aza gholulo, kughengu tishi keu no Ampeu lokiqipu shilu cheni ke.

Kolosiami 4:12

Epaphras khuu Khristo Jisü qeu lakhi eno nongu gholo kuposhu ache keno pa ghí petha tsüpuwu ani. Pa ye pülhapuju nongu ghenguno pulopiniyi inikhu acheni, tiye nongu pelo thowkha kümtsü lo Alhou pulou shilu no ithamo püzü tekhoi eno mütsüqhei shi puthugholu peniye ke.

1 Thes. 3:13

Pa pelo nongu mlo shikumto tsü peniu, tishianguno Ampeu Jisü no paw akimthemiqo kümtsü sasü ighi kelo ningu Papù eno Alhou zülo tukutiye küha no akimthe shi ighilu peniye ke.

1 Thes. 4:3

Alhou pulou ye nongu pelo shikimtheluve pe moayesa keu ke: nongu ye kipito xüküpsa lau no putosü moayesa;

1 Thes. 5:23

Alokughuno tsü chekeu Lhou ampi no thowkha kümtsü lo akivishi nongu shikimthe tsü peniu. Ningu Mpeu Jisü Khristo ighi kelo nongu ghungu, angulho eno aphimpi kümtsü tukutiye küha no kupukülai shi qhilu peniu.

2 Thes. 2:17

pa pelo nongu kümlà kivi eno atsa kivi pikeu kümtsü lo nongu mlo shikumto eno nongu iqhikithe tsü peniu.

1 Tim. 1:17

Lhokta Kükau, thive chemo keu, ithulu chemo keu, pa likhi no Alhou ke, pa lau alhokupuju lono alhokupuju kutólo agigihu eno ajuküvü ache pelo! Amen.

1 Tim. 5:10

eno li kümlà kivi ghenguno ajekipi shikemi. Akümlà kiviqo ye anuliqo saputhu keu, sasükini shikeu, Ampeu’w timiqo pukhu qhutsü keu, aveküsa shi akemi kuphu keu eno akümlà kivi jeliqo kümtsü lo amlo tsü keu ke.

1 Tim. 6:16

Pa likhi no thichemo keu Lhou eno pa phivilo wumla keu küvü lo xü acheni, khuu nomu pa ithulu püamo eno khuu nomu pa shou jupuku müla nani. Agigihu eno lhokta küká alhokupuju pa lau apelo! Amen.

2 Tim. 3:17

tishianguno Alhou qe akemi pelo akümlà kivi jeli shini keu ghenguno ananu kupukülai pepulu peniye ke.

2 Tim. 4:18

Ampeu no küsakügha jeli I ghime niye akeu kümtsü lono I xapheluve nani eno I süsho pesü paw kungugha kükaphu lo ilo nani. Pa lau alhokupuju lono alhokupuju kutólo ajuküvü ache pelo! Amen.

IBRIMI 10:36

Nongu ye tsükhoi shini keu avehupu shi ani, tishianguno kughou nono Alhou pulou shini keno no ye kiu piqhipüa keno tipau ithulu nani.

IBRIMI 12:23

nongu ye amsüu khunoqo je kungugha lo yèpe qhivea keno tipaqo kukuho lo ighi ani. Nongu ye kümtsü shou küghaküthau, amikuchomiqo pelo kupukülailu pe chekeu aghungu eno Alhou lau ighivae,

IBRIMI 12:28

Tighenguno, ningu ye süküghütha müla nikeu kükaphu ithulu anike ghenguno, ningu shikimthiqhiyi ani nolo. Ikehu agigihu eno sükümsa lono ikhikulupushi Alhou müláni nolo,

IBRIMI 13:16

Eno akümlà kivi shini keu ngò kütami gholo küsaje nikeu kümsüma kevilo, kughengu Alhou ye hitoi keu kümlaghoqo ju pesü amloqi cheni ke.

1 Peter 2:5

Nongu ghí aküxüpu tuquqo toi akimthe chine kümlamì lakhi shi no aghungu xülo aghakishi kümlagho pe Jisü Khristo vechewo Alhou no ikhilu küzüpu shi mülá peniye aghungu lo ki lakhi gholo no nongu shiqhepuku anike.

1 Peter 4:2

Hi ghenguno, panongu ye ayeghi lo xü ake thaqhülo ye timiw shinishiqhiyi keu küsakügha küxü lo xü chemoe, ikemu tishini ke züqhu Alhou pulou ghenguno xü acheni.

2 Peter 3:18

Ikemu ningu Mpeu eno Xakuluu Jisü Khristo’w küpükini eno pa kighithi lono thuwu alo. Itehi eno alhokupuju lo pa juküvü shilo! Amen.

1 John 2:17

Ayeghiqha eno tipau lo mine chekeu ye wove nani, ikemu khukhumu Alhou pulou shikeu ye alhokuthu xüache nani.

1 John 3:22

eno ningu no kiu-kiumu khu kelo pa lau no ithulu nani, kughengu ningu no pa zakütsüqo pelu cheni eno kiu no pa pulou keno tishi cheni ke.

Jude 1:25

ningu Mpeu Jisü Khristo vechewo ningu Lhou ningu Xakuluu lau ajekipi, akughushu, aküka eno ayekipe, wove keu tiqheli kümtsü züu, itehi eno alhokupuju kutólo apeniu! Amen.

Piyeküsü 4:6

Eno aküka lakhü zülo ahiju züghi lakhi toi tsüghükhüi ae. Aküka lakhü homxa pe akeu mtá lo xü akeu lhoxü bidí ae, eno panongu nhethiqo hu no azüu eno athiu kümtsü küzüpe ae.

Piyeküsü 5:13

Tisheno kungugha lo eno ayeghi shou eno ayeghi qhou eno azüghi lo, eno tipaqo lo lhoxü akeqo kümtsü no ishi pikeu I no chilu: “Aküka lakhü lo iqa akeu eno Ambeti lau akishé, agigihu, ajuküvü eno aküka alhokupuju lono alhokupuju kutólo ache pelo!”

Piyeküsü 5:9

Eno panongu no ishi ale kithé lakhi phe: “No ye liküküzü kaku ikhilu küzüpu ke eno tipau mekhapüa keu khaqhi küzüpu ke. kughengu no ye ghiqhive ke, eno shiaye jeli, atsa jeli piche kemi, timi amqo eno shiye jeli pelo Alhou’w timi shilu penike ghenguno O jì pesü qhüluve ke.