IBRIMI 12:25 - Sümi Tiqhelimi Bible

²⁵ Nongu ye khuu no atsa pi cheni keno pa milimo nike jukuto lo. Kughou ayeghi lo khuu no panongu pikichi keno pa milive keu lo ghí pokajo mülave aye, ningu ye kíshi no khuu kungugha lono ningu pikichi cheni keno pa lau no tsüghüsü wuve no polu nani kea?

BAIBEL (BSI)

²⁵ Tighenguno, khuno pi ani keno tipau tsa inimovekeu shikevilo, kughengu ayeghi lono Alhou tsape shipesu panongu kutughukeu inimovekelo panonguye pomlave aye, tishiaye kungugha lono atsape shipesu kutughukeu ninguno initsumoaye ninguye kitilamu pokulupu kuhae.

Sumi Naga CL (Re-edited) Bible (BSI)

²⁵ Khuu no pi ani keno pa tsa milive kevilo. Kughengu ayeghi lono kütüghü keu panongu no ini move kelo panongu ye pomlave aye, kungugha lono kütüghü keu ningu no milive aye ningu ye kitilamu pokulupu kühae.

IBRIMI 12:25 Mawu Ofanana

MATTHEW 17:5

Peter no piaphi lono, khüngküsü vüqai keu no panongu küzüpholuve, eno khüngküsü lono asütsa lakhi no ishi pi, “Hiye I Nu, I no kimiye chekeu ke; pa lau I lokiqi acheni. Pa no pikeu inilo!”

MATTHEW 8:4

Tisheno Jisü no pa vilo pi, “No ye timi khuu vilomu pi kevilo. Ikemu achinemiqo lau kimichikütsü shi wu no panongu pìyelo eno Moses no azah tsüpüa keu toi akümlagho pesü mülá lo.”

Apostolmi 7:35

“Moses hipau ye timiqo no, ‘Khuu no O pelo ayekipeu eno küghaküthau shipe kea?’ ipi no milive keu ke. Pa ye kungumi asüminipho lono ipeghi keu vechewo Alhou no pa pelo Israelmiqo yekipeu eno kuqhokipheu shipe nike puwu keu ke.

1 Thes. 5:15

Khumu alhoküsa pesü alhoküsa lochile pemo nike jukuto lo, eno alhokuthu lo kiu no kütami eno kümtsü kivipu keno tipau shini keu pükapütsalo.

2 Tim. 4:4

Panongu ye kuchou lau no panongu kìní kughove no küghakiche tsa küdau kughosü wuve nani.

IBRIMI 1:1

Wove keu lo Alhou no tungkupumiqo vechewo ghuthu kutomo eno alaghi jeli lono ningu pù-asünoqo pütsa cheke,

IBRIMI 11:7

Noah ye aküpülü vechewo ithumla aphi keu thime ghili pesü kughou pikichi keno akimthe sükümsa vechewo pa kibolomi xalu nike ghenguno ashuka mülà ke. Aküpülü vechewo pa no ayeghiqha kiléqhive ke eno iqemo keu küpülü vechewo achipiumikucho mheghi kiyighiu shilu ke.

IBRIMI 12:19

afuko küigha keu momu asütsa lakhi no atsa pi kelo khunoqo no ti chilu keno panongu lau tinguno alau atsa pitsü kevilo ipi qhüiniju keu naghuto kumoe,

IBRIMI 3:12

Athiküzümi eno achelimiqo, kutokupui lo, nongu gholo milakhi nomu axiné ngò pülü müla keu mlo xapu aghí no xü akeu Lhou lau no tsüghüsü wuve nosake.

IBRIMI 3:17

Eno pa ye khunoqo lau ampe lhobidi amloide kea? Tiye khunoqo no axiné shive no küghünamokeu-a lo panongu phimpi pühave keno tipaqo ke kumo keshea?

IBRIMI 8:5

Panongu ye akimthe-a lo hukuthu kümlà shi cheni ke eno tiye kungugha lo kiu ani keno tipau kíshi shikeu eno tipau yekükhü ke. Hi ghenguno Moses ye kughou pa no puloshoqhi-chebo shiqhepuku niye shi akeno pa no ishi pikichi ke: “Nongu ye thowkha kümtsü naghuto lo puloshoqhi-chebo ghola nongu pìyeve ketoi shini ke jukuto lo.”

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

Piyeküsü 19:10

Pa no hipau pi kelo ni ye pa mülá niye pa pukhuphi lo qhoqhünheluve. Ikemu pa no ishi pi, “Tishi kevilo! Ni ye no ngò O thiküzümi eno O achelimi khunoqo Jisü kükütsü pape cheni keno tipaqo gholo lakhi ke. Alhou mülá lo! Kughengu tungkuptsa Ghungu kümlà ye timiqo pelo Jisü shepe shilu pe nikeu ke.”

Piyeküsü 22:9

Ikemu pa no I vilo pi, “Tishi kevilo! Ni ghí no eno O gholo akemi tungkupumiqo eno liküküzü kaku hipau lo yèpüa keu tsaqo ikhilu chekemi kümtsü gholo aqemi lakhi ke. Alhou mülá lo!”