IBRIMI 12:23 - Sümi Tiqhelimi Bible

²³ nongu ye amsüu khunoqo je kungugha lo yèpe qhivea keno tipaqo kukuho lo ighi ani. Nongu ye kümtsü shou küghaküthau, amikuchomiqo pelo kupukülailu pe chekeu aghungu eno Alhou lau ighivae,

BAIBEL (BSI)

²³ Nonguye Alhou nuli kichimiqo khunoqo je kungughalo yepuanikeno tipaqo muqolo, eno timi kumtsu shou Kughakuthau Alhou lau eno Alhou zulo amikuchomi nguagha kupukulu shivetsukemi lau ighilu ani.

Sumi Naga CL (Re-edited) Bible (BSI)

²³ Nongu ye Alhou nuli anoghimi khunoqo je kungugha lo yepüani keno tipaqo mqo lo, kümtsü shou Küghaküthau Alhou lau, eno Alhou zülo kupukülaive kemi amikuchomi ghungu lau ighivae.

IBRIMI 12:23 Mawu Ofanana

Luke 10:20

Tishi namu, aghawuqo no nongu qhoqhü keu lo alovi akevilo, ikemu nongu je atsütsǘ lo yèpüa keu ghenguno alovishe alo.”

John 5:27

Eno Apù no küghathalu penike kükagha pa tsüvea kughengu pa ye Timi Nu hu ke.

Apostolmi 20:28

Nongu likhi nongu jukuto lo eno Aghungu Kimthe no nongu pelo jukükütsüu shipe nike qhipüa kemiqo kümtsü jukuto lo. Alhou’w akukuhou khemiqo shilo, tiye pa likhi pa jì no qhüpe püani ke.

1 Kor. 13:12

Kughengu itehi ningu ye ahiju lakhi lo yekibide likhi ithulu akeu toi anike; ikemu hithiu ningu ye agi no agi kinheqhi ghi ithuluve nani. I no itehi ithi akeu ye kupukülai khamphi ke; ikemu hithiu ye thowkha kümtsü kupukülai ithive nani, eno tiye Alhou no kupukülai ni ithi akeu toi ke.

1 Kor. 15:49

Eno ningu no ayeghi lo timi julho xapu akeu toi, ningu ye kungughalomi julho xapuve nani ke.

1 Kor. 15:54

Kughou tsümave nikeu no khilemu tsümavemo nikeu küzüluve eno thive nikeu no khilemu thivemo nikeu küzüluveni keno, tipathiu küghakiche tsa yèpüa keu ye kuchou shive nani: “Tokulu no akithí munovae.”

2 Kor. 5:8

I no piakeu eno ningu no pülüqhiyi akeu ye aphimpi qhive no Ampeu gholo aní keu no ningu pulou ke.

Ephesiami 1:22

Eno Alhou no thowkha kümtsü pa pukhu qholo qhitsü ke eno pa pelo akukuhou kümtsü shou akütsü shipe nikeu ghenguno süküsü shike,

FILIPIAMI 4:3

Iyei, I küsàmi kuchouqo, ni ye nongu vilo totimi hipaqo kuphulo ipi qhüiniju ani kughengu panongu ye Clement gholo eno I gholo mülà küqha chekemi kümtsü gholo küqha püzü atsakiviu ghenguno I gholo kutubo no mülà ache kemiqo ke, eno panongu je ye aküxüpu kaku lo anie.

Kolosiami 1:12

eno Apù khuu no nongu pelo aküvü kükaphu lo paw akimthe timiqo gholo amheghi küsajelu penike nongu pelo aküzüpu shilu pe keno alokiqi shikimthi pesü pa tsü ani.

Kolosiami 1:24

I no itehi kiu nongu ghenguno aghime sholu ani keno tipau ghenguno ni ye alovishe anie, eno I phi lo aghime sholu akeu vechewo Khristo no pa phimpi, akukuhou ghenguno tamo no aghime shikeu lo ni ghí tipau lo pichhilu anike.

1 Tim. 3:5

Khiuala no pa likhi pa kibo tucho mtha aye, pa ye kíshi no Alhou’w Akukuhou tucho luni kea?

IBRIMI 11:4

Aküpülü vechewo Abel ye Cain nguno akiviu shi akümlagho pesü Alhou lau süghi ke. Pa ye Alhou no pa kümlaghoqo kivi ghili pi kelo no aküpülü vechewo amikuchomi kepi sheqhe ke. Eno Abel ye thive aghí namu ishi kutólo pa kümlà no aküpülü vechewo ningu pütsa cheni ke.

IBRIMI 11:40

kughengu Alhou ye ningu ghenguno kiuala akiviu kughupe qhipüani, tishianguno ningu gholo no aqoshi panongu ghí kupukülai shiluve peniye ke.

IBRIMI 2:12

Pa no pi, “I no O je pe I thiküzümi eno I chelimiqo lau asheshu nani; I no aqo-aho zülo no O shekiqhe le phe nani.”

IBRIMI 9:27

Timiqo ye ghuthu lakhi thive nikeu kughuchope qhive keu toi, eno tithiu ye küghakütha sholu niye akeu toi,

James 1:18

Pa no kuchou tsa vechewo ningu punukithelu peniye kishelu ke, tishianguno ningu pelo pa no lhosü keu jeli kümtsüw amsüu xathiqo shilu peniye ke.

1 Peter 2:23

Kughou panongu no panonguw thogha keu pesü pa shou puku keno, pa ye mjochilemoe; kughou pa no ime akeno, pa ye khumu kichiqhi keu shimoe. Tishini ke züqhulo pa ye pa likhi pa pesü khuu no achipi shi küghathabe cheni keno pa pichebevetsüe.

Piyeküsü 13:8

Ghiqhive keu Ambeti’w aküxüpu kaku lo aje yèpuku püaghi kemi nguno alau ye ayeghi lhophe kelo no acheghi kemi kümtsü tüghashi hu mülá nani.

Piyeküsü 14:4

Timi hipaqo ye totimi gholo kitiqemo kemiqo ke, kughengu panongu ye athathe ke. Panongu ye Ambeti no khila wu keno tilau pa papesü wuke. Panongu ye ayeghi lo timiqo dolo no xachileluve kemi, Alhou eno Ambeti lau amsüu shi ikhiphe pe tsüve kemiqo ke.

Piyeküsü 20:15

Khukhumu aküxüpu kaku lo aje yèpüaghimo kemi ye ami yizükucho lo vesüve.

Piyeküsü 6:11

Tipathiu panongu kümtsü chijeboboi-phi miyetsüghoi keu lakhi-khi tsü, eno panongu vilo panongu küsàmi aqemi eno athiküzümi ngò achelimiqo kümtsü panongu toi pìthívemo ke kutólo ado kitila ngokhe aghílo ipive.

Piyeküsü 6:9

Kughou Ambeti no mekhapüa keu apunguu khaqhi keno akümlá-khache qhou Alhou tsa pesü asheshu chekemiqo eno amikucho shi ashepe shikeu ghenguno ghiqhive kemiqo ngulho akeu I no ithulu.