IBRIMI 12:15 - Sümi Tiqhelimi Bible

¹⁵ Khuu pelo nomu Alhou’w küpükini ithumlave keu shipemo nike eno khumtsai keu kuhu lhoipeghi no aküpüna shivepemo nike eno timi kümtsü shikuchubeve pemo nike jukuto alo.

BAIBEL (BSI)

¹⁵ Alhou wu kupukini launo xachile idevemo nike kutokupuyilo. Akukhu kimji sutsunibo toi ipeghi puzu tipau tughu huno kutami shipusalu nosake kutokupuyilo.

Sumi Naga CL (Re-edited) Bible (BSI)

¹⁵ Alhouw küpükini lono tsüghüve monike kutokupuilo. Kukhukimji sütsünibo toi ipeghi no tipau tüghü no kütami shipüsalu nosake kutokupuilo.

IBRIMI 12:15 Mawu Ofanana

Luke 22:32

Ikemu Simon, O küpülü iqeve pemo nike I no O ghenguno inikhuve tsüae. Eno kughou nono ideghiveni keno O thiküzümiqo shikumtolo.”

1 Kor. 10:12

Ike nono no ye ithamo no puthugho ani kepi kümsü aghí aye, no ye veqhimo kepu shi kutokupui lo.

1 Kor. 13:8

Kikimiye ye khilemu ashekha shivemo nani. Khilehi tungkuptsaqo ani keno tipaqo ghí kishekhave nani; khilehi amili kithé no pikeu ani keno tipaqo ghí inaqhoive nani; khilehi akighithi ani keno ti ghí ashekha shive nani.

1 Kor. 15:33

Nongu pishiqhive pe kevilo: “Aküsàmi lhoküsa no ghushoghili kivi shipüsave cheni.”

1 Kor. 5:6

Nongu no aqheküza shi akeu ye alo keu kumoe. Kholaqhi kitila lakhi no asho kunú pe püakeu kuchopu ingughoive tsü chekeu nongu ye mtha keshea?

2 Kor. 13:5

Nongu ye nongu küpülü mutupe ani keo mokeno nongu likhi nongu phukideküdai ju moayesa ke. Jisü Khristo ye nongu lolo ani ipi nongu ye mtha keshea? Nongu no pekuju lo tomlave ke kumo aye Khristo Jisü ye nongu lolo anike.

2 Kor. 6:1

Ningu kümtsa Alhou kümlà shi ani kehu ningu no nongu qhüiniju akeu ye Alhou’w küpükini ithulu keu adou shitsü kevilo.

Galatiami 2:13

Jewmi kütamiqo ghí paw kühakügha gholo süküqha ke, tisheno Barnabas kutólo panonguw kühakügha vechewo sà küghüzüve ke.

Galatiami 5:4

Nongu khunoqo no ayeza vechewo achipikalu niye pükapütsa ani keno nongu ye Khristo lau no kütüta shivae; nongu ye küpükini lau no ikiqivae.

Ephesiami 5:3

Ikemu nongu dolo kipito xüküpsa, momu mithekumo jeli kiu-kiumu, momu alakimine kitilamu aghí pe kepu kumoe, kughengu hipaqo ye Alhou’w akimthe timiqo ghenguno achipikumo ke.

Kolosiami 3:5

Tighenguno, kiu no ayeghi lo lhoaye keno tipaqo pìthívelo; tiye kipito xüküpsa, mithekumo, ghaghu, küsakügha kümlà shinishi keu eno alakimine, kughengu alakimine ye ajulho kümlá ke.

Titus 1:15

Amlo kimthemi ghengu ye thowkha kümtsü akimthe ke, ikemu shikuchubeve kemiqo ngò pülümo kemiqo ghengu ye kiumu akimthe kühae. Kuchou no, panongu kükümsü ngò alolo kighithi kinikujo shikuchubevea.

IBRIMI 3:12

Athiküzümi eno achelimiqo, kutokupui lo, nongu gholo milakhi nomu axiné ngò pülü müla keu mlo xapu aghí no xü akeu Lhou lau no tsüghüsü wuve nosake.

IBRIMI 4:1

Tighenguno, pa kulhokiqhi-a lo ilo nikeu shoqhi ye itehimu aphike ghenguno, ningu khumu ikiqive aghí keu shipemo nike ghenguno tsaqütsaleini nolo.

IBRIMI 4:11

Khiu pelomu panongu ghokulu kumo kiche-kipiye pape keu vechewo pühave pemo niye ke, tishianguno ningu ye akulhokiqhi-a tipau lo ilo nike thowkha lo pükapütsa ani nolo.

IBRIMI 6:11

Ningu ye nongu lakhi-khi pelo ashekha kutólo hitoi azükini pìye penishi ani, tishianguno nongu no kiu laju ani keno tipau kuchopu ithilu peniye ke.

2 Peter 1:10

Tighenguno, I thiküzümi eno I chelimiqo, thowkha lo pükapütsa no nonguw kukulu eno kishekulu shikumto nike azükini shi alo. Kughengu nongu no hipaqo shi aye, nongu ye khilemu küpüxalumo nani,

2 Peter 2:18

Kughengu panongu kichí ye abokümsa ngò aqheküza tsaqo likhi ke eno ashi lakimine kükümsü ghenguno khunoqo no shikipimi küxü lo xüache püzü tipau lono akushukulu pokajosü wucheni keno tipaqo müsü cheni.

2 Peter 3:11

Thime kümtsü hipau ghola lono kütsakungove nani ke ghenguno, nongu ye kiutoi kemi timi shi aghí moayesa kea? Nongu no khekulhoshi Alhou tsalà ighi niye akeu khe ake dolo nongu ye akimthe eno Alhou sümsa keu küxü xü moayesa ke. Atsala tipau lo ye ami no atsütsǘ lo akeqo pitive no shipühave nani, eno thime jeliqo ye akülǘ no pitikümlave nani.

2 Peter 3:14

Tishiaye, kimiye chekemi shompamiqo, nongu no hipau khekulhoshi anike ghenguno thowkha lo pükapütsa püzü tukutiye küha keu, nguku kepu küha keu eno pa gholo külakishi akeu phulu pelo.

2 John 1:8

Nongu ye ningu no mülasüpüa keu hu pühavemo no qesaxu kuchopu ithulu kepu shi jukuto lo.