IBRIMI 11:5 - Sümi Tiqhelimi Bible

⁵ Aküpülü lono Enoch ye akithí michepemo niye hipau küxü lo aphi lono sawuve ke: “Pa phumlave, kughengu Alhou no pa sasü wuve ke.” Kughengu pa sawu mphi lono, pa ye Alhou mloqilu chekemi lakhi kepi sheqhe cheke.

BAIBEL (BSI)

⁵ Akupulu lono Enok ye thive pemoniaye Alhou no kunguu saikuve; ikehu khunomu pa phumlave kughengu Alhou no kunguu pa saikuveke. Pa saikuve mphi lono paye Alhou mlo kiqipu shiche kepi pa shepe tsupe puani.

Sumi Naga CL (Re-edited) Bible (BSI)

⁵ Aküpülü lono Enoch ye akithi miche pemoni ye Alhou no saikuve, Alhou no pa sawuve kehu khunomu pa phumlave. Pa sawuve mphi lono pa ye Alhou lopu shiche kepi pa shepe shitsüe.

IBRIMI 11:5 Mawu Ofanana

Luke 2:26

Pa ye Ampeu Alhou’w Messiah ithulumo ke kutólo thimo nani ipi Aghungu Kimthe no pa lau pephe-piye püake.

Luke 3:37

Methuselah nu, Enoch nu, Jared nu, Mahalalel nu, Kenan nu,

1 Thes. 2:4

Ikemu, ningu ye Alhou no pulove tsü no atsakiviu pesü pichetsü kemi toi pi acheni. Ningu ye timi pulou shi niye ke kumoe, ikemu Alhou khuu no ningu mlo peju acheni keno pa pulou shini ke pükapütsa anie.

IBRIMI 11:6

Eno aküpülü küha kelo ye Alhou mlokiqipu shini keu kushokütsü ke, kughengu khukhumu pa lau ighi kemi ye pa ye xüani eno pa ye khunoqo no puloniqhiyi pa phu ighi cheni keno tipaqo asaxu tsü cheni kepi pülü moayesa ke.

IBRIMI 2:9

Ikemu ningu ye Jisü ithulu anie, pa ye ado kitila ghenguno kungumiqo nguno kitila aqhou shi lhosü ke, pa no aghime kithí shi thive keu ghenguno itehi pa ye ajuküvü ngò agigihu pe qhopipevae, tishi keu lono Alhou’w küpükini vechewo pa pelo kümtsü ghenguno akithí michelu peniye ke.

1 John 3:22

eno ningu no kiu-kiumu khu kelo pa lau no ithulu nani, kughengu ningu no pa zakütsüqo pelu cheni eno kiu no pa pulou keno tishi cheni ke.

Jude 1:14

Enoch khuu Adam lono tiqheli akütsüniu keno, pa no panongu ghili tungkupu tsa kütüghü pe püake: “Julo, Ampeu ye pa gholo paw akimthemi qhethonhe no qhethonhe küghüsü sasü