IBRIMI 11:16 - Sümi Tiqhelimi Bible

¹⁶ Tishini ke züqhulo, panongu ye aghakhu akiviu kümsü acheni ke—kungugha toi keu. Tighenguno Alhou ye panongu Lhou ipi kuni keu lo kujomo ke, kughengu pa ye panongu ghenguno mishighüna kutò pe qhive no ake.

BAIBEL (BSI)

¹⁶ Tishinike zuqhulo, panonguye ayeghi akiviu, ti kungughalo akeu kumsukutu cheke. Tighenguno panonguno Alhou ye pano Lhou kepi pikeulo Alhou ye kujomzavemoe kughengu panoqo ghenguno pano aphughi lakhi kutopuanike.

Sumi Naga CL (Re-edited) Bible (BSI)

¹⁶ Ikemu panongu ye aghakhu akiviu, ti kungugha lo akeu, kümsü kütüche. Tighenguno Alhou no Pa ye pano Lhoue pinike kujove moe, kughengu panoqo ghenguno Pa no aphughi lakhi kuto püanike.

IBRIMI 11:16 Mawu Ofanana

MATTHEW 25:34

“Tile no Akükau no pa u ajeu iqa akeqo vilo pi nani, ‘Ighilo, nongu I pù no kümghave tsü keqo; O mheghi lu lo, ayeghiqha pulhosü ake ghuloki lono kükaphu O ghenguno kutò pe püakeu ke.

Mark 12:26

Itehi kithimi xüputhu keu tsa lo nongu ye Moses kaku lo philumo keshea, asüminipho iqü keu ghili lo Alhou no kíshi pa vilo pi kea? ‘Ni ye Abraham Lhou, Isaac Lhou, eno Jacob Lhou ke.’

Mark 8:38

Amikucho kumo eno axiné no chhitoi akeu tiqheli hipau lo khuala no I ghenguno eno I tsape ghenguno kujomza aghí aye, ni Timi Nu ghí kughou Papù juküvü lono akimthe kungumiqo gholo ighini keno timi tipaqo je piphe tsümo nani.”

Luke 12:32

“Msà kevilo, amsa lojiqo, kughengu nongu Papù ye akükaphu nongu tsü nikeu lo pa mlokiqi shi anie.

Luke 20:37

Asüminipho no iqü keu ghili lo Moses ghí kithimi ye xülethuve cheni ipi pìye püani, kughengu pa no Ampeu vilo, ‘Abraham Lhou, Isaac Lhou eno Jacob Lhou,’ ipi ku ke.

John 14:2

I pù ki lo ye achebo kutomo ani; tishi aghimo ke aye ni ye nongu vilo tile wu no nongu sala a-a kutò pe aghíni ipini che keshea?

Apostolmi 7:32

‘Ni ye O pù noqo Lhou hu ke, Abraham, Isaac eno Jacob noqo Lhou ke.’ Moses ye akümsa no khokho shive no tile jupuku nikeu ighüve.

FILIPIAMI 3:20

Ikemu ninguw aghakütsa hu ye kungugha lo anike. Eno ningu ye tilau no Xakuluu ighi nikeu khekulhoshi ani, tiye Ampeu Jisü Khristo

2 Tim. 4:18

Ampeu no küsakügha jeli I ghime niye akeu kümtsü lono I xapheluve nani eno I süsho pesü paw kungugha kükaphu lo ilo nani. Pa lau alhokupuju lono alhokupuju kutólo ajuküvü ache pelo! Amen.

IBRIMI 10:34

Nongu ye akughuki lo akemiqo gholo imeküqha ke eno nonguw tinhemüghaqo ikhiluve tsü kelo alokivishi ke, kughengu nongu ye nolikhi no ghenguno tinguno amheghi akiviu eno pepushu nikeu ani kepi ithi ake.

IBRIMI 11:10

Kughengu pa ye aboqha akeu gholo no mishighüna küdau juchho puwu ake, eno Alhou ye mishighüna tipauw ahighomi eno shiqhepukumi ke.

IBRIMI 11:14

Timi khunoqo no hitoi keu tsa pi cheni keno panongu ye pano likhi pano ghenguno aghakhu phu cheni kepi pìye anike.

IBRIMI 11:40

kughengu Alhou ye ningu ghenguno kiuala akiviu kughupe qhipüani, tishianguno ningu gholo no aqoshi panongu ghí kupukülai shiluve peniye ke.

IBRIMI 12:22

Ikemu nongu ye Zion naghuto, xü akeu Alhou’w mishighüna, kungugha Jerusalem lo ighivea ke. Nongu ye kungumi qhethonhe shou qhethonhe no alokiqipu shi kumqo pe akeu lo ighivae,

IBRIMI 13:14

Kughengu ningu ye hilehi alhokuthu aní keu mishighüna küha ke, ikemu ningu ye mishighüna ighi niye akeu ghenguno huqhe anike.

IBRIMI 2:11

Ikemu Jisü khuu no timiqo akimthe shive tsü eno khunoqo akimthe shivea keno panongu ye akibo lakhi ke. Ikehu Jisü ye panongu vilo athiküzümi eno achelimiqo ipi kuni keu kujove chemoe.

Piyeküsü 21:2

Eno Akimthe Mishighüna, khikhi Jerusalem akitheu keno, kungugha lo Alhou lau no iqi chekeu I no ithulu eno tiye külaliu no li kimi shi niye akeu ghenguno jukivi shi aghili kutò pesü akeshi iqighie.