IBRIMI 11:1 - Sümi Tiqhelimi Bible

¹ Tishiaye aküpülü ye ningu no laju akeu shou pülübe keu ngò ningu no ithumla keu shou pülüqhiyi keu ke.

BAIBEL (BSI)

¹ Akupuluye ninguno laju achekeu mutsuqheyi shilukeuke, ninguno ithumlano achekeu thime aniputsakepi mutsumisheyi shilu keuke.

Sumi Naga CL (Re-edited) Bible (BSI)

¹ Aküpülü ye ningu no laju chekeu mtsüqhei shikulu, ithumla no achekeu thime ani kepi thebei tsükeu ke.

IBRIMI 11:1 Mawu Ofanana

Apostolmi 20:21

Ni ye Jewmi ngò Greekmiqo kinikujo vilo ghí panongu ye Alhou lau xaideighi no amlo pebideve püzü ningu Mpeu Jisü shou pülübe moayesa kepi shukiphe shive tsüae.

1 Kor. 13:13

Tishiaye thime hipano küthü ani: aküpülü, lajupu, eno kikimiye. Ikemu hipaqo gholo akiqheu ye kikimiye ke.

2 Kor. 11:17

I likhi I shou pükhübe no qheza akeu hipau lo ni ye Ampeu no pi penishi keu toi pi anike kumoe, ikemu nikhanighami lakhi toi pi anike.

2 Kor. 4:18

Ikehu ningu ye kiu ithulu ani keno tipau shou ningu mlo tsüqhiyi chemoe, ikemu kiu ithulu chemo keno tipau shou ningu mlo tsüqhiyi cheni. Kughengu kiu ithulu ani keno tiye ado kitila ghenguno ke, ikemu kiu ithulu chemo keno tiye lhokta ghenguno ke.

2 Kor. 5:17

Tighenguno, timi khukhumu Khristo gholo xükimeluve aye pa ye lhoxü kithé shiluvae: Aqau ye wovae eno akitheu ighivae!

2 Kor. 5:7

Kughengu ningu ye ithulu akeu vechewo kumo no aküpülü vechewo xü cheni.

2 Kor. 9:4

Kughengu Macedoniamiqo khiuala I gholo ighi püzü nongu no kutokughoimove aghí keu ithulu aye ningu ye kiumu pi kepu kühave nani eno ningu no nongu shou pülükibe kijè achekeu ghenguno nongu nguno alau ningu no akukujopu shive nani ke.

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

Titus 1:1

Paul, Alhou qeu eno Jisü Khristo’w apostol lakhi, Alhou no kisheve kemi küpülü pekho eno Alhou sükümsa lo sawu chekeu kuchou kighithi—

IBRIMI 10:22

ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.

IBRIMI 10:39

Ikemu ningu ye khunoqo no athiu idewove no kütsave cheni keno tipaqo laumi kumoe, ikemu ningu ye aküpülü aghí no xaluve kemiqo ke.

IBRIMI 11:13

Timi hipaqo kümtsü thiveni ke kutólo aküpülü vechewo xü ake. Panongu ye panongu lau piqhipüa keu thimeqo ithumla ke; panongu ye anhethi likhi no tipaqo ithulu no putou lono panongu sasülu ke, eno panongu ye ayeghi hipau lo inami eno tüsümiqo kepi ikhilu ghi hi shike.

IBRIMI 11:27

Pa ye aküpülü vechewo akükau loghu msàmo no Egypt qhive ke; pa ye tsükhoi shike kughengu pa ye khuu ithulu chemo keno pa ithulu ke.

IBRIMI 11:7

Noah ye aküpülü vechewo ithumla aphi keu thime ghili pesü kughou pikichi keno akimthe sükümsa vechewo pa kibolomi xalu nike ghenguno ashuka mülà ke. Aküpülü vechewo pa no ayeghiqha kiléqhive ke eno iqemo keu küpülü vechewo achipiumikucho mheghi kiyighiu shilu ke.

IBRIMI 2:3

tsalá ningu no xakulu kijè hikithipu phimo aye ningu ye kíshi no pokajolu nani kea? Xakulu hipau khikhi Ampeu no atüghishi shuphe keno tiye timi khunoqo pa tsa chilu keno panongu no ningu lau ithitoi shitsü ke.

IBRIMI 3:14

Kuchou lo ye ningu no atüghi lo pülütoilu keu hu ashekha kutólo ithamo no tsüqüpe aye ningu ye Khristo gholo küsaje niye ighiluvea ke.

IBRIMI 3:6

Ikemu Khristo ye Anu lakhi kehu Alhou kibolomi shou ghí pükhübekulu shike. Ningu no ninguw pülükibe eno ningu no ajuküvü shi achekeu shou lajupu qhi akeu lo ithamo no tsüqüpe aye mütsüqhei no ningu ye pa kibolomi ke.

IBRIMI 6:12

Ningu ye nongu pelo akipichi shive penishi amoe, ikemu timi khunoqo no aküpülü ngò kutuukulu vechewo piqhipüa keu mheghi ighíluni keno tipaqo toi shipe nishi ani.

2 Peter 1:1

Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani: