IBRIMI 10:35 - Sümi Tiqhelimi Bible

³⁵ Tighenguno nonguw pülükibe pheve kevilo; tiye kinikülü shi qesaxu tsü nani ke.

BAIBEL (BSI)

³⁵ Tighenguno nongu mlo kumto shichelo, tipauno ajume kije sughi chenike.

Sumi Naga CL (Re-edited) Bible (BSI)

³⁵ Tighenguno nongu mlo kuloghi shilo, tino ajume kije süghi cheni.

IBRIMI 10:35 Mawu Ofanana

1 Kor. 15:58

Tighenguno, I no kimiye chekemi athiküzümi eno achelimiqo, mutotoi puthugho lo. Kiu pelo nomu nongu süküghütha pe kevilo. Pülhapuju lo nongu likhi nongu dokivi kümtsü pesü Ampeu kümlapù lo tsülo, kughengu nongu no ithi akeu toi Ampeu ghenguno mülà keu lo khilemu adou shive chemoe.

IBRIMI 3:6

Ikemu Khristo ye Anu lakhi kehu Alhou kibolomi shou ghí pükhübekulu shike. Ningu no ninguw pülükibe eno ningu no ajuküvü shi achekeu shou lajupu qhi akeu lo ithamo no tsüqüpe aye mütsüqhei no ningu ye pa kibolomi ke.

Luke 14:14

eno no ye kümgha keu ithulu nani. Panongu ye O lochile müla nani ikemu amikuchomi xüleputhu keu tsalà lono O lochileve nani.”

IBRIMI 11:26

Khristo je ghenguno timi no pa peithapüsa keu lo Egypt yeghi lo akinikhuki kümtsü nguno amekushou kepi kihiluve, kughengu pa ye paw qesaxu huqhe ake.

MATTHEW 5:12

Alovishelo eno alovi alo, kughengu kungugha lo nonguw qesaxu kijè ani, kughengu panongu ye nongu züu tungkupumiqo ghí tihutoi pishi-puju acheke.

IBRIMI 4:14

Tighenguno, ningu ye achinetomiqo shou atou akijeu, Alhou Nu Jisü, khuu kungugha lo ikuvea keno, pa anike ghenguno ningu ye ningu no piche keu küpülü mutotoi tsüqüpe ani nolo.

IBRIMI 3:14

Kuchou lo ye ningu no atüghi lo pülütoilu keu hu ashekha kutólo ithamo no tsüqüpe aye ningu ye Khristo gholo küsaje niye ighiluvea ke.

MATTHEW 10:32

“Khunoqo no kütami zülo I je piphe tsüní keno, ni ghí kungugha lo I pù zülo pa je piphe tsü nani.

MATTHEW 10:42

I no kuchou no nongu vilo pìní, timi khuu no I khopemi gholo akitilau shi aghí namu pa ye I khopemi kepi azü kumko ajikhu lakhi likhimu pesü tsüní keno, panoqo ye khilemu panow qesaxu pühamo nani.”

IBRIMI 2:2

Kughengu kungumiqo vechewo akükütsü sütsa pive keu ye akumto kuchou ke, eno tipau hexa eno hebide keu ye ithulu küzüpu aghime ithuluvae,

Ephesiami 3:12

Pa gholo xüküqha pe akeu ghenguno eno pa lau aküpülü akeu vechewo ningu ye ighümo no pülükibe shi Alhou lau wulu nani.

IBRIMI 10:19

Tighenguno, athiküzümi eno achelimiqo, ningu ye Akimthe Nguno Akimthe-a lo ilolu nikeu pülübe ani, tiye Jisü jì vechewo,

2 John 1:8

Nongu ye ningu no mülasüpüa keu hu pühavemo no qesaxu kuchopu ithulu kepu shi jukuto lo.