IBRIMI 10:24 - Sümi Tiqhelimi Bible

²⁴ Eno ningu ye kíshi no lakhi no lakhi shikumto ghi kikimiye eno akümlà kiviqo shiluni keno tipaqo kümsüni nolo,

BAIBEL (BSI)

²⁴ Ninguye kisheno kimiyekileni eno akumla kivi shinikeno lakhino lakhi hakuthonike alokumsu shini nolo.

Sumi Naga CL (Re-edited) Bible (BSI)

²⁴ Ningu kishino lakhino lakhi hakuthope kimiye kile eno akümla kivi shiluni keno alomsüni nolo,

IBRIMI 10:24 Mawu Ofanana

Apostolmi 11:29

Küpülümiqo no pütüta no shilu keu qhemi pesü Judea lo xü akemi athiküzümi eno achelimiqo kuphuni keu shi xathalu.

Rommi 11:4

Ikelo Alhou ye kiu pa khochile kea? Alhou no hitoi pike, “Ni ye I ghenguno Baal lhou lau qhoqhünhe pe mülámo kemi pano 7,000 ghüpe qhipüanie.”

Rommi 12:15

Alovishe akemi gholo alovi küqhalo; qamlo aghí kemi gholo qamlo lo.

1 Kor. 10:33

Ni ghí alaghi jeli thowkha lo nongu kümtsü mlopiqi tsü niye pükapütsa acheni ke. Kughengu ni ye I likhi I kivipu phu chemoe ikemu timi kutomo kivipu phu acheni, tishianguno panongu pelo xaluve peniye ke.

1 Kor. 9:22

Miqemilei kemi sasü Khristo lau ighi nike ghenguno ni ye miqemilei kemi lau miqemilei shi xü cheni. Ni ye timi khami likhimu xakulupu shilunimola yé tolukivi thaqhü timi kümtsü gholo thowkha kümtsü shi acheni.

2 Kor. 8:8

Ni ye nongu vilo azah tsü amoe, ikemu kütamiqow pulopiniyi gholo kimghi keu vechewo ni ye nonguw kikimiye mikucho peju nishi anike.

2 Kor. 9:2

Kughengu nongu no kuphu nishiqhiyi achekeu I no ithi ani, eno wove keu mpe lono nongu Achaia lo akemi no tsü nikeu kutò pe akeu pesü Macedoniamiqo vilo pi no I kijuvilei shi acheni ke; eno nonguw pulopiniyi keu hu no tsü nikeu lo timi kutomo hakutholuvae.

Galatiami 5:13

I thiküzümi eno I chelimiqo, nongu ye kuqhopheve keu küxü xüpe niye kulù ke. Ikemu nongu ye kuqhophevea kepi tino ajekukivi shive no timi lhoaye pulou lo chhosü wuve kevilo; tishini ke züqhulo kikimiye vechewo akuchunu shi püzü nongu lakhi no lakhi qe lo.

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

Galatiami 6:1

Athiküzümi eno achelimiqo, khuala no axiné shi aghí keu ithulu aye, nongu Aghungu küxü lo akemiqo no agholau no timi tipau shikümzü tsü moayesae. Ikemu nongu likhi nongu jukuto lo, tishimo aye nongu ghí ghuju kepu shiluvi ke.

Kolosiami 3:16

Nongu no kütsü eno shika kelo nongu kükütsü sütsa lo Khristo tsakiviu pelo nongu gholo kinikülü shi ngolu pelo. Eno alokütsü shi no nongu mlo lo shikimthiqhiyi keu xapusü lakhi no lakhi vilo leshele, akishé le, eno Aghungu lo le vechewo Alhou sheqhelo.

1 Thes. 1:3

Ningu ye ningu Lhou eno Apù zülo nongu küpülü vechewo akümlà ipeghi keu, kikimiye vechewo nongu kümlà kite keu, eno ningu Mpeu Jisü Khristo lono lajupu akeu no müzüsütsü keu vechewo nongu no kutuukulu shi akeu kümsülu acheni.

1 Thes. 5:11

Tighenguno nongu no kuchou no shi akeu toi, lakhi no lakhi shikumto eno lakhi no lakhi xaqhe lo.

2 Thes. 3:9

Ningu ye akukuphu ithulu küzüpu kumo ke ghenguno hitoi shike kumoe, ikemu ningu vechewo akühapu lakhi shi no nongu pelo tipau kishishi shipe nikeu ghenguno ke.

1 Tim. 6:18

Panongu pelo akivi shini keu, kupukuno shi akümlà kivi shini keu, tsükinimi eno pulopiniyi shi küsaje nikeu azah tsülo.

Titus 2:4

Tishianguno panongu ye panongu nguno ayitiuqo vilo panongu kimi eno panongu nuliqo kimiye lo ipi hakitelu nani,

Titus 3:8

Hiye pükhübekulu tsa lakhi ke. Eno ni ye O pelo hipaqo vehu müghachhoi pitsü penishi ani, tishianguno khunoqo no Alhou lau pükhübeluve akeno panongu pelo kutokupui shi püzü kiu no akivi keno tipaqo lo pulopiniyi ape niye ke. Hipaqo vehu ye akiqheu eno kümtsü ghenguno alá shikulupu ke.

IBRIMI 13:1

Athiküzümi eno achelimiqo toi lakhi no lakhi kimiyekilé achelo.

IBRIMI 13:3

Akughumi gholo nongu ghí akughu shiküqha akeshi tamo no panongu kümsülulo, eno khunoqo pishi-puju acheni keno O likhi nono ime akeshi kümsülulo.

IBRIMI 3:13

Ikemu “Ishí tsalà,” ipi ake thaqhülo tsalá kipetsü lo lakhi no lakhi shikumtolo, tishianguno nongu lakhimu axiné pishikiqhi pelo nongu mlo shikümkave pemo niye ke.

1 John 3:18

Kimiye chekemi anuliqo, ningu atsa momu atsapi lo likhi no kimiyemoni ikemu akümlà eno kuchou lono kikimiye pepheni nolo.