FILIPIAMI 3:1 - Sümi Tiqhelimi Bible

¹ I thiküzümi eno I chelimiqo, tinguno alau no Ampeu lono alovishelo! I no pive keqo itaghi atho nongu lau yè kithe aní keu I ghenguno kushokütsü kumoe, eno tiye nongu ghenguno sükushopu lakhi ke.

BAIBEL (BSI)

¹ Ithikuzumiqo, ashekhashi Ampeu no nongu loshipivitsu pelo. Ino pive keu yekithenike niye kiumu azukuzu kuhae, tiye nongu ghenguno akivipu ke.

Sumi Naga CL (Re-edited) Bible (BSI)

¹ Ashekha shi I thiküzümiqo, Ampeu lau no alovilo. Nongu lau atsa athoshi yeni keu lo ni ye aküküpna küha eno nongu ghengu ghi tishike.

FILIPIAMI 3:1 Mawu Ofanana

MATTHEW 5:12

Alovishelo eno alovi alo, kughengu kungugha lo nonguw qesaxu kijè ani, kughengu panongu ye nongu züu tungkupumiqo ghí tihutoi pishi-puju acheke.

Luke 1:47

eno I ghungu no I Xakulu Lhou lau alovishe ani,

Rommi 5:11

Tilikhi kumoe, ikemu ningu Mpeu Jisü Khristo khuu vechewo ningu no itehi külashiluvea keno pa vechewo no ningu ye Alhou lau ghí alovishe acheni.

2 Kor. 13:11

Ashekha shi, athiküzümi eno achelimiqo, alovishelo! Thowkha kümtsü achipi shini ke pükapütsalo, lakhi no lakhi shikumtolo, akükümsü lakhi shilo, külakishi lono xülo. Tishiaye Alhou’w kikimiye ngò aloino keu no nongu gholo anani.

Ephesiami 6:10

Ashekha shi hi ithilo: Ampeu kughushu küká lono akumto shi alo.

FILIPIAMI 3:3

Kughengu ningu ye kuchou no aphighüyiko ghave kemiqo ke, Aghungu lono Alhou qe chekemi, Khristo Jisü lono agijivilei chekemi, eno timi lhoaye shou pülükibe qhichemo kemiqo ke,

FILIPIAMI 4:4

Alhokuthu Ampeu lono alovishelo. I no itaghi piani: Alovishelo!

FILIPIAMI 4:8

Athiküzümi eno achelimiqo, ashekha shi kiu no kuchou, kiu no xüpivi, kiu no achipiu, kiu no akimthe, kiu no alo keu, kiu no jupe amloqilu cheni—kiu-kiumu akighiché momu sheqhe küzüpu aghí aye—thime tipaqo shou kümsüpuku alo.

1 Thes. 4:1

Athiküzümi eno achelimiqo, kütau vehuqo shélo ye kíshi Alhou pulou lono xüni keno ningu no nongu shikavae. Kuchou lo nongu ye tishi xüani. Itehi ningu no Ampeu Jisü vechewo nongu qhüiniju akeu ye itaghi hitoi alau shi xüa penike nongu kite ani.

1 Thes. 5:16

Pülhapuju alovishe alo,

James 1:2

I thiküzümi eno I chelimiqo, kugho-kughomu nongu no pekuju jeli sholu kelo tiye akiqheu lokiqi kepi kümsülo,

1 Peter 3:8

Ashekha shi, nongu kümtsü akükümsü lakhi shilo, lokughuno kilé lo, lakhi no lakhi kimiyekilé lo, kimiyeqhiyi lo eno akuchunu shilo.

1 Peter 4:13

Ikemu nongu no Khristo ghime lo küsaje akeu qhemi alovishelo, tishianguno kughou pa juküvü pephe-piye nike no nongu pelo shishe alovishelu peniye ke.

2 Peter 3:1

Kimiye chekemi shompamiqo, hiye nongu lau iw yèsü akiniù ke. Ni ye nongu pelo akükümsü akivipu lo kümsüpuku peniye nongu lau shikumto ghi pikithe akeu shi yèsü kinikujo yè ke.