FILIPIAMI 2:12 - Sümi Tiqhelimi Bible

¹² Tighenguno, I no kimiye chekemi shompamiqo, I no akelo nguno alau no I no küha kelo nongu no alhokuthu aghokulu shi acheke toi msà khokhoshi nonguw xakulu xathi pìyelo,

BAIBEL (BSI)

¹² Tishiaye, ino kimiyechekeqo ikualo nonguno pulhapuju aghokulushi ketoi itehiye ino nongu gholo ngomove kelomu alaushi aghokulu shilo, tino alau akhotouke. Nongu xakulupu shikupunike ghenguno musa khokhoshi mla alo;

Sumi Naga CL (Re-edited) Bible (BSI)

¹² Ikehu I no qhuivü chekeqo, nongu no alhokuthu agholu cheke toi, itehi ye I küalo likhino kumono I küküha lou no alau msaqhiyi eno khokhoshi pütüta xakulupu mlaphe lo,

FILIPIAMI 2:12 Mawu Ofanana

1 Kor. 15:58

Tighenguno, I no kimiye chekemi athiküzümi eno achelimiqo, mutotoi puthugho lo. Kiu pelo nomu nongu süküghütha pe kevilo. Pülhapuju lo nongu likhi nongu dokivi kümtsü pesü Ampeu kümlapù lo tsülo, kughengu nongu no ithi akeu toi Ampeu ghenguno mülà keu lo khilemu adou shive chemoe.

IBRIMI 4:11

Khiu pelomu panongu ghokulu kumo kiche-kipiye pape keu vechewo pühave pemo niye ke, tishianguno ningu ye akulhokiqhi-a tipau lo ilo nike thowkha lo pükapütsa ani nolo.

1 Peter 2:11

Kimiye chekemi shompamiqo, inami eno hapheve kemiqo kehu, ni ye nongu pelo axiné kümlà shinishiqhiyi chekeu, khikhi nongu ngulho sasü aghüshi acheni keno, tipau lau no putosü apenike hakite ani.

MATTHEW 11:29

Iw kuokhasü ikhilu no pepulo eno I lau no shikalulo, kughengu ni ye amlo kümtshami eno aqhokighemi ke, eno nongu ngulho ghenguno akulhokiqhi phulu nani.

FILIPIAMI 1:27

Kiu-kiu shive namu, nongu likhi nongu pesü Khristo tsakiviu lo kiu aküzüpu keno tipau shilo. Tishianguno I no ighino nongu sasü kusholu na, I küküha lo nongu no kíshi ani keno tipau ghili likhi chilu namu, nongu no amlo lakhi shi no puthugho akeu, eno atsakiviu küpülü ghenguno akükümsü lakhi shi no pükapütsa akeu I pelo chilu pelo.

2 Peter 3:18

Ikemu ningu Mpeu eno Xakuluu Jisü Khristo’w küpükini eno pa kighithi lono thuwu alo. Itehi eno alhokupuju lo pa juküvü shilo! Amen.

IBRIMI 5:9

eno ghuthu lakhi kupukülai shive tsü kethiu, pa ye pa gholu chekemi kümtsü ghenguno alhokupuju xakulupu ipekighiu shive ke

2 Tim. 2:10

Tighenguno ni ye kisheluve kemiqo ghenguno thime kümtsü puqheluve acheni, tishianguno panongu ghí Khristo Jisü lolo xakulu gholo lhokta juküvüpu akeu ithulu peniye ke.

IBRIMI 4:1

Tighenguno, pa kulhokiqhi-a lo ilo nikeu shoqhi ye itehimu aphike ghenguno, ningu khumu ikiqive aghí keu shipemo nike ghenguno tsaqütsaleini nolo.

IBRIMI 12:1

Tighenguno, ningu ye thopimi aqokitikhi hijejehi no ningu sümxa pe anike ghenguno, ningu lakha chekeu thimeqo eno mülalei kitimeve chekeu xinéqo kümtsü ikhipe peveni nolo. Eno ningu pelo pokuxu penike ghenguno amichi shipüa keu gholo tsükhoi shi no poni nolo,

FILIPIAMI 4:1

Tighenguno, I thiküzümi eno I chelimi I no kimiye, kümsü eno sholu nishi chekemi shompamiqo, I lokiqi eno I kijuvilei shitsü chekeqo, hipau ghola lono Ampeu lono ithamo no puthugho lo!

Rommi 2:7

Khunoqo no tamo no akümlà kivi shikeu lono ajuküvü, agigihu eno khilemu thivemo nikeu phu cheni keno, Alhou no lhokta küxü tsü nani.

1 Thes. 1:3

Ningu ye ningu Lhou eno Apù zülo nongu küpülü vechewo akümlà ipeghi keu, kikimiye vechewo nongu kümlà kite keu, eno ningu Mpeu Jisü Khristo lono lajupu akeu no müzüsütsü keu vechewo nongu no kutuukulu shi akeu kümsülu acheni.

FILIPIAMI 1:29

Kughengu nongu pelo Khristo pülülu keu likhi kumo no pa züqhu shi ime nikeu dokivi ghí kophe pe nongu tsüvea ke.

2 Kor. 7:15

Kughou nongu kümtsü no aghokulu shikeu, akümsa eno khokhoshi pa ikhilu keu kümsüchilelu keno pa ye nongu ghenguno alau ivüilai auvae.

1 Kor. 2:3

Ni ye miqemilei keu gholo shishe msà khokhoshi nongu lau ighike.

Ephesiami 6:5

Aqüaxemiqo, nongu no Khristo gholu chekeu toi agigihu eno sükümsa gholo amikucho mlo xapusü ayeghi lo nongu mpemiqo ghokulu shilo.

MATTHEW 11:12

John Baptiz kishiu ghuloki lono ishi kutólo, kungugha kükaphu pesü muqhumüzai kepi atiche tsü acheni, eno muqhumüzai kemi no anguka sǘ acheni.

FILIPIAMI 1:5

tiye nongu no atüghiu tsalà lono ishi kutólo atsakiviu kümlapù lo kütünaküqha keu ghenguno ke.

Apostolmi 9:6

Itehi ithuvelo eno mishighüna lo ilolo, eno no ye kiu shi moayesa keno O vilo pitsü nani.”

FILIPIAMI 2:19

Ampeu Jisü shou lajukibe shi no ni ye kighithe no nongu lau Timothy puwu niye shi ani, tishianguno nongu ghili sütsa chilu no ni ghí alovilu niye ke.

1 Kor. 4:14

I no hipau yè akeu ye nongu shikukujo niye ke kumoe ikemu I no kimiye chekemi nuliqo lau toi nongu pikichi niye yè anike.

FILIPIAMI 4:15

Tinguno alau no, nongu Philippiamiqo no ithi akeu toi, atüghi lo nongu no atsakiviu ithilu kelo, kughou I no Macedonia qhive no wuche keno, nongu likhi no thono akukuhou lakhimu I sasü küsaje keu eno ni ikhilu keu shimoe,

Apostolmi 16:29

Akughuki jukükütsüu no akulu süghi penike ku, eno akimighi shi posü Paul ngò Silas pama gizülo qhoqhünhe pe ikiqi ngove.

FILIPIAMI 1:6

Hitoi pülükibe akeu lo, Alhou khuu nongu lolo akümlà kivi huthuphe keno ashekha kutólo pa no nongu sasü wu nani, eno tiye Khristo Jisü tsalà ighimo ke kutólo ke.