FILIPIAMI 2:1 - Sümi Tiqhelimi Bible

¹ Tighenguno nongu no Khristo gholo küqha pe akeu vechewo kiuala shikumtolu aghí, paw kikimiye vechewo alokughuno kiuala ithulu aghí, Aghungu lono kiuala aqǘ shi küsajelu aghí, kuloniküghüvüi keu eno kimiyeqhiyi keu aghí aye,

BAIBEL (BSI)

¹ Khristo laumi shikeu lono nonguye aghuthi puxulu, kimiyekinino nongu lokughunotsu, nonguye Aghungu lono kuposhulu, lakhino lakhi jupesu kimiyeqhiyi eno ivuilayi anima?

Sumi Naga CL (Re-edited) Bible (BSI)

¹ Tighenguno, Khristo laumi shikeu lono shikumto kilelu, kikimiye lono alokughunolu, Aghungu lono kuposhulu, ivüilailu eno amlosa qhiyi kilelu aghi aye,

FILIPIAMI 2:1 Mawu Ofanana

Luke 2:25

Jerusalem lo timi amikuchomi eno Alhou sükümsami lakhi Simeon ipikeu ache. Aghungu Kimthe no pa shou ache eno pa ye Alhou no Israel lokughuno tsü nikeu khekulhoshi acheke.

John 14:18

Niye mighimi toi nongu qhivemo nani; I no nongu lau ighi nani.

John 14:27

Alokiqi I no nongu gholo qhitsü ani; I lokiqi I no nongu tsü ani. Ni ye ayeghiqha no nongu tsüke toi tsü amoe. Nongu mlo kütakihi pe kevilo eno msà kevilo.

John 17:13

“Niye itehi O lau chenie, ikemu panongu pelo panongu lolo alokiqi akimighi chhitoi alu penike ghenguno I no ayeghi lo panongu gholo aphi lono thime hipaqo pi anie.

Apostolmi 2:46

Tsalà kipetsü panongu aqoshi achineki khala lo tamo no kusholu ae. Panongu no panongu ki lo kümtsa asho mülà no amlo kuchou lono Alhou sheqhe eno timi kümtsü lopu shilu keu lo alokivishi asho kijé chue. Eno tsalà kipetsü khunoqo xakulu ithulu keno Ampeu no tipaqo pesü panongu mqo lo sülupe ke.

Apostolmi 4:32

Küpülümiqo kümtsü amlo eno akükümsü lakhi shie. Khunomu pa no kiu pighi aghí keno tiye paw kepi pükhamoe, ikemu panongu no kiu aghí keno kümtsü pesü aqǘ shi küsaje cheke.

Rommi 5:5

Eno lajupu hipau ye ningu pelo kujove pe chemo, kughengu Aghungu Kimthe ningu tsüpüa keu vechewo Alhou’w kikimiye ningu mlo lo lesüve tsüae.

Rommi 8:26

Tipaphi lono, ningu kimiqe lo Aghungu no kuphu acheni. Ningu ye kiu ghenguno inikhu moayesa keno ithi chemoe, ikemu Aghungu ampi no piphe müla keu küsǜ ghügha vechewo ningu ghenguno alakipiu shi inikhu acheni.

1 Kor. 12:13

Kughengu ningu no Jewmi momu Jewkumomi shi aghina, aqüaxemi momu kuqhopheve kemi shi aghí namu aphimpi lakhi shive penike ghenguno ningu kümtsü Aghungu lakhi lono baptiz shike eno ningu kümtsü lau Aghungu lakhi tsüke.

1 Kor. 15:31

Ni ye tsalà kipetsü akithí sholu acheni—iyei, tishimu ni ye kuchou no ningu Mpeu Khristo Jisü lono nongu lau kiu mülave tsü akeno tipau ghenguno I kijuvilei acheni ke.

1 Kor. 3:16

Nongu likhi nongu ye Alhou’w achineki eno Alhou Ghungu no nongu gholo acheni kepi nongu ye mtha keshea?

2 Kor. 13:14

Ampeu Jisü Khristo’w küpükini, Alhou’w kikimiye, eno Aghungu Kimthe kuposhukulu nongu kümtsü gholo apeniu.

2 Kor. 2:14

Ikemu Alhou shikimthi ani, pa no ningu pesü pa kughumi shive tsü no alhokuthu ningu sasü Khristo no aghü tolu keu shekujo lo sawu cheni, eno aqha kümtsü Khristo ithilu penike ghenguno Alhou no axokütsüngü lakhi toi ningu peitha cheni.

Galatiami 4:6

Kughengu nongu ye pa nuliqo kehu, nongu pelo, “Abba, Apùo,” ipi ku penike ghenguno Alhou no ningu mlo lo pa Nu Ghungu puwu ke.

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

Ephesiami 4:4

Nongu kulù kelo lajupu lakhi lau kulùve keu toi, aphimpi lakhi eno Aghungu lakhi ani;

FILIPIAMI 1:8

I no Khristo Jisü’w ivüilai keu lono kíshi nongu kümtsü kümsü acheni keno Alhou no thopi shi tsülu nani.

FILIPIAMI 3:3

Kughengu ningu ye kuchou no aphighüyiko ghave kemiqo ke, Aghungu lono Alhou qe chekemi, Khristo Jisü lono agijivilei chekemi, eno timi lhoaye shou pülükibe qhichemo kemiqo ke,

Kolosiami 2:2

I kimiji ye panongu pelo amlo shikumtolu eno kikimiye lono küqhalu peniye ke, tishianguno panongu pelo Alhou’w tuqhou, khikhi Khristo ampi keno, tipau kinikülü shi akeu kupukülai shi vethalu peniye ke.

Kolosiami 3:12

Tighenguno, Alhou no kimiye no akimthe shi xüpe niye kisheluve kemi akehu, kimiyeqhiyi keu, küpüqhiyi keu, akuchunu shikeu, akümtsha eno kutuukulu shikeu pesü nongu likhi nongu nanu shi pepulo.

IBRIMI 6:18

Ikehu Alhou no pikiqhi eno tushokiqhi shike, eno thime hiküma ye kilivekümlapu eno hipau lo Alhou ye akimki shivemla nani ke. Ikehu ningu khunoqo no lajupu ningu zülo qhipüa keu mutotoi tsüqüluve nike ghenguno wuve keno tipaqo pelo shishe shikumtoluve peniye ke.

1 Peter 1:2

Apù Alhou lokütsü vechewo kisheluve kemiqo, Aghunguw shikimthe keu kümlà vechewo Jisü Khristo gholu peniye eno pa jì no küzüteve kemiqo: Küpükini eno aloino keu no kupukuno shi nonguw shilu peniu.

1 John 3:24

Timi khuno no Alhou zakütsüqo pape cheni keno panongu ye Alhou lolo xü acheni eno Alhou no panongu lolo xü acheni. Eno pa ye ningu lolo xüani kepi ningu no hitoi ithi cheni: Ningu ye pa no Aghungu ningu tsü keu vechewo ithi cheni.

1 John 4:12

Timi khuu nomu khilemu Alhou ithumla aphie; ikemu ningu no lakhi no lakhi kimiye aye, Alhou no nilo lo xüani eno paw kikimiye ye ningu vechewo kupukülai shilu anike.

1 John 4:16

Ike tighenguno ningu no ithi no Alhou’w kikimiye ningu ghenguno akeu shou pükhü acheni. Alhou ye kimiyekiniu ke. Khukhumu kikimiye lo xü keu ye Alhou gholo xü cheni, eno Alhou no panongu gholo xü acheni.