FILIPIAMI 1:6 - Sümi Tiqhelimi Bible

⁶ Hitoi pülükibe akeu lo, Alhou khuu nongu lolo akümlà kivi huthuphe keno ashekha kutólo pa no nongu sasü wu nani, eno tiye Khristo Jisü tsalà ighimo ke kutólo ke.

BAIBEL (BSI)

⁶ Ino mutsuqhei ithi akeuno khuno akumla kivi hipau nongu lolo huthuvetsu keno Khristo Jisu Tsala kutolo pano shikupu tsu nani.

Sumi Naga CL (Re-edited) Bible (BSI)

⁶ I no mtsüqhei hi pi ani, khuu no nongu lolo akümla kivi huthutsü keno Pa no ti pekibewo Jisü Khristo ikighi Tsala lono kupukülai kishekha tsü nani.

FILIPIAMI 1:6 Mawu Ofanana

John 6:29

Jisü no khochile, “Alhou kümlà hu ye hike: pa no puwu keu shou pülüni keu.”

Apostolmi 11:18

Kughou panongu no hi chilu keno, panongu ye kiumu lachilelu keu shimove eno Alhou sheqhe ghi ishi pi, “Tishiaye, Alhou ye Jewkumomiqo kutólo ghí amlo pebide keu vechewo aküxüpu shilu penike puloza tsüvae.”

Apostolmi 16:14

Ningu tsa ini akemi gholo totimi lakhi je ye Lydia, li ye huzüi keu tiphimini lhidi shi chekemi eno Thyatira mishighüna lono ighi kemi ke. Li ye Alhou mülá chekemi. Ike Paul kükütsü tsa lo amlotsüqhiyilu penike Ampeu no li mlo khaqhi tsüe.

1 Kor. 1:8

Pa no ashekha kutólo ghí nongu pelo mutotoilu pe nani, tishianguno nongu pelo ningu Mpeu Jisü Khristo tsalà ighi kelo tukutiye küha no aghí peniye ke.

2 Kor. 1:15

Ni ye hipau lo thebei akeu ghenguno atüghishi nongu xuju nishi ake tishianguno nongu pelo ghuthu kini alá shilu peniye ke.

2 Kor. 2:3

Tishikehu nongu lau yèsü hu yève ke, tishianguno kughou I no ighini keno khunoqo no I lopivi tsü moayesa kepu shi akeno tipaqo vechewo I mlo shipüsave tsü pemo niye ke. Nongu kümtsü I lokivi gholo küsaje nani kepi ni ye nongu kümtsü shou pülükibe ake.

2 Kor. 7:16

Ni ye nongu shou pükhübekulu mütsümishei akeu lo alokivishi ani.

2 Kor. 9:4

Kughengu Macedoniamiqo khiuala I gholo ighi püzü nongu no kutokughoimove aghí keu ithulu aye ningu ye kiumu pi kepu kühave nani eno ningu no nongu shou pülükibe kijè achekeu ghenguno nongu nguno alau ningu no akukujopu shive nani ke.

Galatiami 5:10

Nongu ye akükümsü kütau lumo nani kepi niye Ampeu shou pükhübe ani. Timi khuu no nongu pesü kübangü keu lo vesü ani keno, tiye khuu-khuu shi aghí namu, pa ye aghime ithulu moayesa nani.

Ephesiami 4:12

tiye hukuthu kümlapù ghenguno paw timiqo kutokughoi pe qhi niye ke, tishianguno Khristo phimpi shiqhepukulu peniye ke,

FILIPIAMI 1:10

tishianguno nongu pelo kiu no akiviu keno jupililu pe eno Khristo tsalà ghenguno akimthe eno tukutiye küha püzü,

FILIPIAMI 1:29

Kughengu nongu pelo Khristo pülülu keu likhi kumo no pa züqhu shi ime nikeu dokivi ghí kophe pe nongu tsüvea ke.

FILIPIAMI 2:12

Tighenguno, I no kimiye chekemi shompamiqo, I no akelo nguno alau no I no küha kelo nongu no alhokuthu aghokulu shi acheke toi msà khokhoshi nonguw xakulu xathi pìyelo,

FILIPIAMI 2:13

kughengu Alhou no pa kimiji kivi shikupulu penike eno pulolu penike ghenguno nongu lolo mülà acheni.

FILIPIAMI 2:16

Tiye nongu no ithamo no aküxüpu tsa pelu keu lono shilu nani ke. Tishilu keu vechewo ni ye adou lono pokive püamo momu mülà pe püamo kepi Khristo tsalà lo agijivileilu nani.

Kolosiami 2:12

Baptiz shikeu vechewo Khristo gholo qhovea ke, eno nongu ghí Alhou no akithí lono Khristo xüputhuve keu küká no mülà akeu lo nongu küpülü vechewo Khristo gholo nongu ghí xüputhuvea ke.

1 Thes. 1:3

Ningu ye ningu Lhou eno Apù zülo nongu küpülü vechewo akümlà ipeghi keu, kikimiye vechewo nongu kümlà kite keu, eno ningu Mpeu Jisü Khristo lono lajupu akeu no müzüsütsü keu vechewo nongu no kutuukulu shi akeu kümsülu acheni.

2 Thes. 1:11

Hipau amlo lo qhi no ningu ye tamo no nongu ghenguno inikhu acheni. Tishianguno ningu Lhou pelo pa no nongu kulù keu lo aküzüpu shilu, eno pa no pa küká kumto pesü nongu kivipu eno aküpülü lono akümlà shikeu kümtsü shikupulu peniye ke.

2 Thes. 3:4

Ningu no azah nongu tsü keu thimeqo gholu aghí nani eno gholu ache nani kepi ningu ye Ampeu lono pükhübe ani.

Philemon 1:21

O ghokulu shou pülükibe qhi no, ni ye O lau yè ani, no ye I no khu akeu nguno alau mülà nani kepi pülü ani.

IBRIMI 10:35

Tighenguno nonguw pülükibe pheve kevilo; tiye kinikülü shi qesaxu tsü nani ke.

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

1 Peter 5:10

Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.

2 Peter 3:10

Ikemu Ampeu tsalá ye küpkami lakhi toi ighi nani. Atsütsǘ lo akeqo ye asütsa kuloghi lakhi igha no hauve nani; lhokejeli ye ami lono pitipühave nani, eno ayeghi ngò tilehi mülasüpüa keu thimeqo ye kümtsü pitipühave nani.