FILIPIAMI 1:5 - Sümi Tiqhelimi Bible

⁵ tiye nongu no atüghiu tsalà lono ishi kutólo atsakiviu kümlapù lo kütünaküqha keu ghenguno ke.

BAIBEL (BSI)

⁵ kughengu atughiu tsala lono ishi kutolo atsakiviu pikulhakeu kumlalo nonguno igholo ime kuqha achenike,

Sumi Naga CL (Re-edited) Bible (BSI)

⁵ kughengu atsakiviu kümlapu huthuke tsala lono ishi kutolo nongu no atüna kivishi kutupo tsüke.

FILIPIAMI 1:5 Mawu Ofanana

Apostolmi 2:42

Küpülümiqo no pulopiniyi shi apostolmi no kütsü keu pape, kuposhu, asho süpho kijé chu, eno akighini shie.

Rommi 11:17

Pighi achekeu olive sübo lo aloka khami no icheiqive kelo aghalow olive loka süwo tipau gholo kimepe qhive keu toi, nongu Jewkumomiqo ye aghasa lo olive sübo müzü toi kemu itehi ye lojiputhuve keu olive kuhu lo küsajelu ake toi Jewmi küxü lo kinikülü küsajelu anie.

Rommi 12:13

Nongu no aghí keu pesü Ampeu’w timi khunoqo no avehupu shi ani keno panongu sasü küsaje lo. Inami sasükinimi shilo.

Rommi 15:26

Kughengu Macedonia eno Achaia lo küpülümiqo ye Jerusalem lo Ampeu’w timiqo gholo kumlhomiqo kuphu nike amlokiqi shi akümlagho qhakütsü ke.

1 Kor. 1:9

Alhou ye pükhübekuluu ke. Pa no pa Nu eno ningu Mpeu Jisü Khristo gholo kuposhu peniye nongu kulù ke.

2 Kor. 8:1

Athiküzümi eno achelimiqo, ningu ye Alhou no Macedonia kukuhouqo lo küpükini tsü keu ghili nongu pelo ithi penishi ani.

Ephesiami 3:6

Alhou’w tuqhou hipau ye atsakiviu vechewo Jewkumomiqo no Jewmiqo gholo aqó shi amheqhi kiyighimi shikeu, aphimpi lakhi lo aqó shi kihiküsümi shikeu, eno Khristo Jisü’w pikiqhi lo aqó shi küsaje keu ke.

FILIPIAMI 1:12

Athiküzümi eno achelimiqo, kuchou lo ye I lau kiu shive keno tino atsakiviu pekholu kepu shilu kepi ni ye nongu pelo ithi penishi ani.

FILIPIAMI 1:16

Aloke láu no kütsü chekemiqo ye ni ye atsakiviu sükusho ghenguno akughuki lo sǘ pe püakeu ithi ghi kikimiye láu no kütsü cheni.

FILIPIAMI 1:27

Kiu-kiu shive namu, nongu likhi nongu pesü Khristo tsakiviu lo kiu aküzüpu keno tipau shilo. Tishianguno I no ighino nongu sasü kusholu na, I küküha lo nongu no kíshi ani keno tipau ghili likhi chilu namu, nongu no amlo lakhi shi no puthugho akeu, eno atsakiviu küpülü ghenguno akükümsü lakhi shi no pükapütsa akeu I pelo chilu pelo.

FILIPIAMI 1:7

I no nongu kümtsü ghili hipau ghola lono kümsü akeu achipi ke, kughengu nongu ye I mlo lo ani, ike I tsüghape aghina momu atsakiviu süsho eno shikumto aghí namu nongu kümtsü no I gholo Alhou’w küpükini küsaje anike.

FILIPIAMI 2:12

Tighenguno, I no kimiye chekemi shompamiqo, I no akelo nguno alau no I no küha kelo nongu no alhokuthu aghokulu shi acheke toi msà khokhoshi nonguw xakulu xathi pìyelo,

FILIPIAMI 2:22

Ikemu nongu no ithi akeu toi Timothy ye pa likhi pa ye khuu keno kimichivae, kughengu anu lakhi no apù gholo mülà küqha ake toi pa ye atsakiviu kümlapù lo I gholo mülà küqha ighivae.

FILIPIAMI 4:3

Iyei, I küsàmi kuchouqo, ni ye nongu vilo totimi hipaqo kuphulo ipi qhüiniju ani kughengu panongu ye Clement gholo eno I gholo mülà küqha chekemi kümtsü gholo küqha püzü atsakiviu ghenguno I gholo kutubo no mülà ache kemiqo ke, eno panongu je ye aküxüpu kaku lo anie.

Philemon 1:17

Ike tsalá nono ni ye kütüna akemi lakhi kepi kümsü aghí aye, I sasǘ akeshi no ye pa sasülu tsülo.

IBRIMI 3:14

Kuchou lo ye ningu no atüghi lo pülütoilu keu hu ashekha kutólo ithamo no tsüqüpe aye ningu ye Khristo gholo küsaje niye ighiluvea ke.

2 Peter 1:1

Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani:

1 John 1:3

Ningu ye ningu no kiu ithuluvea eno chiluvea keno tipau pesü nongu lau asheshu acheni, tishianguno nongu ghí ningu gholo kuposhulu peniye ke. Eno ninguw kuposhukulu ye Apù gholo eno pa Nu Jisü Khristo gholo ke.

1 John 1:7

Ikemu pa no aküvü lo akeu toi, ningu no aküvü lo xü aye, ningu ye lakhi no lakhi sasü kuposhu ani, eno pa Nu Jisü jì no axiné kümtsü lono ningu shikimthe tsü acheni.