FILIPIAMI 1:10 - Sümi Tiqhelimi Bible

¹⁰ tishianguno nongu pelo kiu no akiviu keno jupililu pe eno Khristo tsalà ghenguno akimthe eno tukutiye küha püzü,

BAIBEL (BSI)

¹⁰ tishianguno nonguno akiviu kiu keno kishelu nani eno Khristo Tsalalo nonguye muqhamiqhiyi eno tukutiye kuha nanike.

Sumi Naga CL (Re-edited) Bible (BSI)

¹⁰ tishianguno kiu no akighiche keno nongu no kishelu no Khristo Tsala loye mqhamqhiyi eno tukutiye küha püzü

FILIPIAMI 1:10 Mawu Ofanana

MATTHEW 16:23

Jisü no tsüghǜ ighino Peter vilo pi, “I lau no chevelo, Satan! No ye I ghenguno aküpüxapu shi anie; O kükümsü lo Alhou lau no ighi keu kükümsüqo kumo püzü timi lau no ighi keu kükümsüqo likhi anie.”

MATTHEW 26:33

Peter no khochile, “O lau kiu shi niye ani keno tipau ghenguno kümtsü no O qhive namu, ni ye khilemu tishimo nani.”

John 1:47

Kughou Jisü no Nathanael no pa küdau chekeu ithulu keno pa no Nathanael ghili ishi pi, “Israelmi kuchou no hi chenie. Pa lolo pishikiqhi kühae.”

John 3:20

Küsakügha shi chekemi kümtsü no aküvü mithi ke, eno panongu kümlàqo pepheve nikeu kümsà lau no aküvü lo ighi chemoe.

Apostolmi 24:16

Ikehu ni ye Alhou eno timi zülo I lolo kighithi akeu mütsümishei qhini ke pükapütsa acheni.

Rommi 12:2

Hipau yeghilomi ghola ha kevilo, ikemu nongu kükümsü shikithelu keu vechewo nongu lolo pekililu lo. Tishilu aye Alhou pulou ye kiu keno nongu no tipaqo kimchilu eno ithikütüta shilu nani. Alhou pulou ye akivipu, ikhilu küzüpu eno kupukülai ke.

Rommi 12:9

Kikimiye ye amikucho shi moayesa. Kiu no küsakügha keno mithi lo; kiu no akivi keno mutotoi tsüqüluve lo.

Rommi 16:17

Athiküzümi eno achelimiqo, timi khunoqo no kijetha keu süghi cheni eno nongu pelo axiné lo ilove peniye shi cheni keno tipaqo jukuto penike I no nongu qhüiniju ani. Panongu ye nongu no akükütsü ithiluve keu lono bidelau kütsü cheni ke. Panoqo lau no putosü alo.

Rommi 2:18

nongu no pa pulou ithi eno ayeza vechewo nongu shikave keu ghenguno kiu no achipiu keno pulolu cheni aye;

Rommi 7:16

Eno I no kiu shinishi chemo keno tipau shi aye, ayeza ye akivi kepi I no tipau lo pulosü tsü ani.

Rommi 7:22

Kughengu ni ye I lolo Alhou yeza lo alokiqi acheni;

Rommi 8:7

Timi lhoaye no ghasüpe akeu kükümsü ye Alhou ghümi ke; eno tiye Alhou yeza qhoqhü chemoe, momu qhoqhü müla nanie.

1 Kor. 1:8

Pa no ashekha kutólo ghí nongu pelo mutotoilu pe nani, tishianguno nongu pelo ningu Mpeu Jisü Khristo tsalà ighi kelo tukutiye küha no aghí peniye ke.

1 Kor. 10:32

Jewmi na, Greekmi na Alhou kukuhomi shi aghí namu shokukholu pemo kepu shi xülo.

1 Kor. 8:13

Tighenguno, I no kiu chu cheni keno tino I thiküzümi momu I chelimi pelo axiné lo ikiqi ilove pe aghí aye, ni ye khilemu akiniù ashi chumae, tishianguno I vechewo panongu pelo ikiqive pemo nike.

2 Kor. 1:12

Ningu kijuvilei chekeu ye hike: Ningu no ayeghi hipau lo xü chekeu, eno akhotoshi nongu sasü akimthe eno Alhou lau no amikucho shi kütshükime keu ye ningu lolo kighithi no ashepe shitsü ani. Ningu ye ayeghi lokütsü shou pükhümoe ikemu Alhou’w küpükini shou pükhübe ke.

2 Kor. 2:17

Ningu ye kütamiqo toi alá shini keu ghenguno Alhou tsa pesü mülalei shi jechu chemoe. Tishini ke züqhulo, ningu ye Khristo lono amikucho shi no Alhou lau no ighi kemi toi Alhou zülo pi acheni.

2 Kor. 6:3

Ninguw pichebekümlà pipüsa pemo niye ningu ye timi khuu ghengu nomu apukhu küpüsüpu shimoe.

2 Kor. 8:8

Ni ye nongu vilo azah tsü amoe, ikemu kütamiqow pulopiniyi gholo kimghi keu vechewo ni ye nonguw kikimiye mikucho peju nishi anike.

Galatiami 5:11

Athiküzümi eno achelimiqo, I no itehi kutólo aphighüyiko-küghá ghili kütsü cheghi aye, kushiye itehi kutólo I pishi-puju aní kea? Tishi aghí aye Khristo kros ghili kütsü chekeu lo khiumu küpünamoveni cheke.

Ephesiami 4:15

Tishini ke züqhulo, kikimiye lono kuchou tsa pikeu lono ningu ye alaghi jeli lono Khristo khuu no akütsü keno pa phimpi lo tekhoilu ghi thuwulu nani.

Ephesiami 5:10

eno kiu no Ampeu pulou shilu cheni keno tipau phulo.

Ephesiami 5:27

eno axiné küha no momu idivemo momu kütau tukutiye kiumu küha no akimthe eno jekujeli küha no li pesü pa likhi pa lau jukighilepu kukuhou lakhi shitsü niye ke.

Ephesiami 6:24

Khunoqo thivemo nikeu kikimiye pesü ningu Mpeu Jisü Khristo kimiye acheni keno panongu kümtsü lau küpükini apeniu.

FILIPIAMI 1:16

Aloke láu no kütsü chekemiqo ye ni ye atsakiviu sükusho ghenguno akughuki lo sǘ pe püakeu ithi ghi kikimiye láu no kütsü cheni.

FILIPIAMI 1:6

Hitoi pülükibe akeu lo, Alhou khuu nongu lolo akümlà kivi huthuphe keno ashekha kutólo pa no nongu sasü wu nani, eno tiye Khristo Jisü tsalà ighimo ke kutólo ke.

FILIPIAMI 2:16

Tiye nongu no ithamo no aküxüpu tsa pelu keu lono shilu nani ke. Tishilu keu vechewo ni ye adou lono pokive püamo momu mülà pe püamo kepi Khristo tsalà lo agijivileilu nani.

1 Thes. 3:13

Pa pelo nongu mlo shikumto tsü peniu, tishianguno Ampeu Jisü no paw akimthemiqo kümtsü sasü ighi kelo ningu Papù eno Alhou zülo tukutiye küha no akimthe shi ighilu peniye ke.

1 Thes. 5:21

ikemu tipaqo kümtsü peju lo; kiu no akivi keno tipau shichelo,

1 Thes. 5:23

Alokughuno tsü chekeu Lhou ampi no thowkha kümtsü lo akivishi nongu shikimthe tsü peniu. Ningu Mpeu Jisü Khristo ighi kelo nongu ghungu, angulho eno aphimpi kümtsü tukutiye küha no kupukülai shi qhilu peniu.

1 John 4:1

Kimiye chekemi shompamiqo, aghungu kümtsü pülü kevilo, ikemu aghunguqo hu ye Alhou lau no ighi keu keo mokeno peju lo, kughengu kichileu tungkupumiqo kutomo ayeghiqha lo ipeghivae.

Piyeküsü 2:2

I no O kümlàqo, nono ime mülà akeu eno nono tsükhoi shi akeu ithi ani. No ye küsaküghamiqo lau küsüqhilu chemo keu I no ithi ani eno nono apostolmi kumomu apostolmi kepi pükha chekemiqo peju no panongu ye kichileu kepi phupheluve keu ghí I no ithi ani.