Ephesiami 3:4 - Sümi Tiqhelimi Bible

⁴ Tishiaye, hipau philu keu lo nongu ye Khristo’w tuqhou hu iw juchhokulu lo vethakulupu shi nanie,

BAIBEL (BSI)

⁴ Ino kiu yeveakeno tipau nonguno phiju aye, Khristo wu tuqhou kukughu ino jupililu akeu nonguno ithikutolu nani.

Sumi Naga CL (Re-edited) Bible (BSI)

⁴ Nongu no hi philu kelo I no Khristow tuqhou jupililu akeu vethailo tolu nani.

Ephesiami 3:4 Mawu Ofanana

MATTHEW 13:11

Pa no khochile, “Kughengu kungugha kükaphuw tuqhou kighithi ye nongu tsüvae, ikemu panongu ye tsü püamoe.

Luke 8:10

Jisü no pi, “Alhou kükaphuw tuqhou ghili ithukulupu pesü nongu tsüvae; ikemu ni ye kütami lau ye kimghi pìye keu lono pi cheni, tishianguno, “ ‘panongu ye ju pülaghi ithumla nani, eno ini pülaghi vethamla nani.’

Rommi 11:25

Athiküzümi eno achelimiqo, ni ye nongu pelo Alhou’w tuqhou hipau ghili ithi penishi anie, tishianguno nongu pelo nongu likhi nongu pülüpivi apemo niye ke: tiye hike, Israelmi shou amlo hekike keu ikughi akeu ye Jewkumomiqo khije Alhou lau ighi kepu shi ani keno tipaqo ighikupu mphi kutólo likhi ke,

Rommi 16:25

Itehi ye I no pikülha chekeu tsakiviu lono piche keu toi, Alhou khuu no nongu pelo tolu pe keno ajuküvü kümtsü pe pa tsülo. Jisü Khristo ghili kükütsü sütsa hipau no nongu Jewkumomiqo ghenguno Alhou’w tuqhou küsüpüa chekeu pephe-piye anike, hiye tiqheli kushuwa kutólo küsüpe püa chekeu lakhi ke.

1 Kor. 13:2

Ni ye tungkuptsa pikulupu ghò aghiluvi eno akümzapu tuqhou jeli ngò akighithi kümtsü ithikutolu aghiluvi, eno ni ye naghuto tukiqeve kulupu küpülü aghiluvi, ikemu kikimiye küha aye ni ye kiumu kumoe.

1 Kor. 4:1

Tishiaye, nongu ye hitoi ningu ikhilu kepue: tiye Khristo qemiqo toi eno Alhou no paw tuqhou pephe-piyeve keu pichebeve kemiqo toi ikhilu kepu ke.

2 Kor. 11:6

Ni ye atsapimi lakhi shi püzü shitsa shi aghimoluvi, ikemu ni ye akighithi küha ke kumoe. Ningu ye alaghi thowkha lono hipau mütsümishei shi nongu lau pìyevae.

Ephesiami 1:9

eno pa lokivipu ghola kiqi lono pa no ningu lau Alhou pulou tuqhou khikhi Khristo lono kimiji püa keno tipau ningu lau pephe-piye ke.

Ephesiami 3:3

tiye, I no ikhonhei shi yèpe qhipüa keu toi piyeküsü vechewo I lau Alhou’w tuqhou pìye keu ke.

Ephesiami 3:9

eno Alhou khuu no thime kümtsü lhosü keno pa gholo wove keu tiqheliqo lo küsüpüa keu tuqhou hipau kümtsü lau mütsümishei ithikulupu shilu peniye bemakho I tsüke.

Ephesiami 5:32

Hiye ighono tuqhou lakhi ke—ikemu ni ye Khristo eno akukuhou ghili pi anike.

Ephesiami 6:19

I ghenguno ghí inikhu tsü alo. Tishianguno kugho-kughomu I no atsa pìní kelo I pelo msàmo no atsakiviuw tuqhou ithilu pe kepu tsaqo I tsüpe niye ke,

Kolosiami 1:26

Hiye ado kusho eno wove keu tiqheli lo timiqo lau no küsüpe püa chekeu Alhou’w tuqhou vehu ke, ikemu itehi ye Ampeu’w timiqo lau pephe-piyevae.

Kolosiami 2:2

I kimiji ye panongu pelo amlo shikumtolu eno kikimiye lono küqhalu peniye ke, tishianguno panongu pelo Alhou’w tuqhou, khikhi Khristo ampi keno, tipau kinikülü shi akeu kupukülai shi vethalu peniye ke.

Kolosiami 4:3

Eno Alhou pelo atsakiviu ghenguno ningu laghi khaqhi tsü penike ningu ghenguno ghí inikhu tsü alo, tishianguno ningu pelo Khristo’w tuqhou ghili pesü asheshulu pe kepu shi, kughengu ni ye hi ghenguno akughuki lo anike.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

1 Tim. 3:9

Panongu ye alolo kighithi mütsümishei shi no aküpülü thonhei keu kuchou hu tsüqüpe moayesae.