Ephesiami 2:8 - Sümi Tiqhelimi Bible

⁸ Kughengu nongu ye küpükini lono aküpülü vechewo xaluvae—eno hiye nongu likhi nongu no shilu ke kumoe, hiye Alhou’w aghò ke—

BAIBEL (BSI)

⁸ Kughengu Alhou wu kupukinino akupulu vechewo ningu xaluvae; eno hiye nonguno shiluke kumoe ikemu hiye Alhou no aghotsukeuke.

Sumi Naga CL (Re-edited) Bible (BSI)

⁸ Kughengu nongu ye aküpülü vecheo küpükini lono xaluvae; eno hi ye nongu ampi ka-agha lono kumoe; ikemu Alhou no tsükeu gho ke,

Ephesiami 2:8 Mawu Ofanana

MATTHEW 16:17

Jisü no khochile, “Jonah nu Simon, no ye akümghaue, kughengu hiye timi küdau no O lau pephe ke kumoe, ikemu I pù kungugha lo akeu no ke.

MATTHEW 20:9

“Aqe kiqemi avelau ayì pungu thiu no mülà kemiqo kümtsü ighino atsala lakhi jume ithulue.

Mark 16:16

Khunoqo no pülüluve püzü baptiz shiveni keno xaluve nani, ikemu khunoqo no pülübemoni keno kiléqhive nani.

Luke 7:50

Jisü no totimi vilo pi, “O küpülü no O xaluvae, aloino wolo.”

John 3:36

Khukhumu Anu shou pülü keu ye lhokta küxü ani, ikemu khukhumu Anu milive keu ye aküxü ithumla nani, kughengu panongu shou Alhou loghukighide acheni ke.

John 4:10

Jisü no li khochile, “Tsalá nono Alhou no tsü keu ghò ithi aghí eno khuu no O vilo azü khu ani keno pa ithi aghí ke aye, no ye pa vilo aküxüpu zü khuni cheke eno pano ti O tsüní cheke.”

John 5:24

“Kuchou no I no nongu vilo pìní, khukhumu I tsa chilu püzü I puwu keu pülüni keno lhokta küxü ithulu nani eno küghathabemo nani ikemu akithí vechesü aküxü lo ikuvae.

John 6:35

Tisheno Jisü no asheshu ghi pi, “Ni ye aküxüpu sho ke. I lau ighi kemi ye khilemu müzüthimo nani, eno I pülü kemi ye khilemu tüghüthimo nani.

John 6:37

I pù no I tsüke miqo kümtsü I lau ighi nani, eno ni ye I lau ighi kemiqo ye khilemu hapuwuvemo nani.

John 6:40

Kughengu I pù pulou ye Anu lau jupuku no pa pülülu kemi kümtsü lhokta küxü alu pe nikeu ke, eno I no ashekha tsalà lono panongu xüputhu nani.”

John 6:44

I puwu keu Apù no sasü ighimo ke thaqhülo ye timi khumu I lau ighi mülae, eno ashekha tsalà lo I no panongu xüputhu nani.

John 6:65

Pa no ishi pikibe, “Hi ghenguno Apù no shilupemo ke thaqhülo ye timi khumu I lau ighi mülae ipi I no nongu vilo pivae.”

Apostolmi 13:39

Moses yeza lo nongu no achipikamla no achekeu, khukhumu pa pülü keu vechewo axiné jeli kümtsü lono khaqhikiphe ithulue.

Apostolmi 14:27

Tilehi ighi kelo pama no akukuhomiqo aqoshi kukütsü püzü Alhou no pama vechewo kiu mülà tsü eno pa no kíshi Jewkumomiqo lau aküpülü hukikha khaqhive tsü keno ti kümtsü pesü pìthitsü.

Apostolmi 15:11

Tishi kepu kumoe! Ampeu Jisü’w küpükini vechewo panongu xalu ketoi ningu ghí xalu kepu pülü cheni.”

Apostolmi 16:14

Ningu tsa ini akemi gholo totimi lakhi je ye Lydia, li ye huzüi keu tiphimini lhidi shi chekemi eno Thyatira mishighüna lono ighi kemi ke. Li ye Alhou mülá chekemi. Ike Paul kükütsü tsa lo amlotsüqhiyilu penike Ampeu no li mlo khaqhi tsüe.

Apostolmi 16:31

Pama no khochile, “Ampeu Jisü shou pülübe lo, tishiaye no eno O kibolomi kümtsü xaluve nanie.”

Rommi 10:14

Tishiaye panongu ye pa pülümo kelo kíshi no pa kuni kea? Eno panongu ye pa ghili chilumo kelo kíshi no pülüluni kea? Eno khiuala no panongu lau akükütsü sütsa pikülhamo kelo panongu ye kíshi no chiluni kea?

Rommi 10:17

Tighenguno, aküpülü ye akükütsü sütsa chilu keu lono ighi cheni, eno akükütsü sütsa ye Khristo ghili pikülha keu vechewo chilu cheni.

Rommi 4:16

Tighenguno, Alhou’w pikiqhi ye aküpülü vechewo ighi cheni, tishianguno pikiqhi ye küpükini vechewo Abraham nuli-kughukoqo kümtsü lau mütsümishei shilu peniye ke—tiye ayeza papelu chekemiqo lau likhi kumo, ikemu Abraham küpülü toi aküpülü aghí kemiqo lau ghí ke. Abraham ye ningu kümtsü papù ke.

Rommi 4:5

Tishiaghimu, timi khuno no pano kümlà shou pükhübemo püzü Alhou khuu alhou kümthami pelo achipikalu pe chekeu shou pükhübe cheni keno, pa no panongu küpülü vechewo achipiu mikuchomi kepi kihitsü cheni.

Rommi 9:16

Tighenguno hiye timi no shinishi keu momu pükapütsa keu shou kumoe, ikemu Alhou’w kimiyekini shou ke.

Galatiami 3:14

Abraham lau kükümgha tsüpüa keu Khristo Jisü vechewo Jewkumomi kümtsü lau ighílu penike ghenguno pa no ningu xachilelu ke, tishi keu lono ningu pelo aküpülü vechewo piqhipüa keu Aghungu Kimthe ithulu peniye ke.

Galatiami 3:22

Ikemu Kuchoyesü no pikeu kiqi lo thowkha kümtsü axiné ghaküsü qholo ani, tishianguno Alhou no kiu piqhipüani keno Jisü Khristo shou pülüluve kemiqo kümtsü pelo khaqhikiphe pikiqhi ithulu peniye ke.

Ephesiami 1:19

eno ningu khunoqo no pülü cheni keno ningu ghenguno paw kimghi müla keu küká kijè akeqo ithulu peniye ke. Aküka tipau ye

Ephesiami 2:10

Kughengu ningu ye Alhou no azüu no ningu ghenguno akümlà kivi kutò pe qhipüakeqo mülà peniye Khristo Jisü vechewo lhophe ke. Eno ningu ye Alhou’w au no mülà keqo ke.

Ephesiami 2:5

pa no ningu no hebideve keu lono thive no ake ghuloki lono Khristo gholo no ningu xüputhu ke—nongu ye küpükini vechewo xaluvae.

FILIPIAMI 1:29

Kughengu nongu pelo Khristo pülülu keu likhi kumo no pa züqhu shi ime nikeu dokivi ghí kophe pe nongu tsüvea ke.

Kolosiami 2:12

Baptiz shikeu vechewo Khristo gholo qhovea ke, eno nongu ghí Alhou no akithí lono Khristo xüputhuve keu küká no mülà akeu lo nongu küpülü vechewo Khristo gholo nongu ghí xüputhuvea ke.

2 Thes. 1:9

Panongu ye alhokupuju kütsakungoi nikeu pesü ghimeqhi nani eno Ampeu gizü lono eno pa juküvü kumto lono khathapheve nani.

IBRIMI 6:4

Timi khunoqo no ghuthu lakhi ye kuchou vethaluvea, khunoqo no kungugha ghò micheluvea, khunoqo no Aghungu Kimthe ghò küsajevea,

1 Peter 1:5

tiye ashekha ghuloki lo xakulu pephe-piyemo ke kutólo aküpülü vechewo Alhou küká no azüto shipe qhipüa nani.