Ephesiami 2:3 - Sümi Tiqhelimi Bible

³ Ningu kümtsü ghuthu lakhi lo ye panongu gholo xüche ke, tiye ningu shi-aji no mine keu ghapiqi ghi eno tipau no shinishi keu ngò tipau kükümsü pape keu vechewo xüache ke.

BAIBEL (BSI)

³ Ghuthu lakhiye ningu kumtsu timi tipaqo toi ningu shi-aji pulouno minheqhikeu xapusu xucheke eno ningu phimpi akukumsuno minechekeu papecheke, ikehu timi kutamiqo toi ninguye alhoaye lono Alhou loghu sholukemi shicheke.

Sumi Naga CL (Re-edited) Bible (BSI)

³ ningu kümtsü ghuthu lakhi loye tipaqo gholo pitipüza ashi pulou shiche, aphimpi eno akükümsü no mine keu ghakiqipu shiche, eno ashi lomi toi ningu lhoaye no aloghu puni keu tianuli shi ache.

Ephesiami 2:3 Mawu Ofanana

Mark 4:19

ikemu hipau küxü lo mloküsaqo, aküakini pishikiqhi eno kütau thime jeli mine keu no ighino Alhou tsa küpühalu eno tino athi pithí mülave pe chekeu kiqi ke.

John 1:13

panongu no Alhou nuli shilu keu ye timi lhoaye lono punúlu keu kumoe, tikumo no timiw xakütha momu timi pulou lono kumoe, ikemu Alhou vechewo ke.

John 8:44

Nongu ye nongu papù tüghami’w ke, eno nongu ye nongu papù no shinishiqhiyi achekeqo shi anishi cheni ke. Pa ye abothu lonomu hekiqhimi ke, kuchou papemo ke, kughengu pa lolo kuchou küha ke. Kughou pa no alatsa pìní keno pa ye pano tsau no pi cheni kughengu pa ye alatsa kipimí lakhi ke eno akimikiqo papù ke.

Apostolmi 14:16

Wove keu lo pa no shiyeqo kümtsü pelo pütüta là lo che pe ke.

Rommi 1:24

Tighenguno Alhou no panongu ikhiphe pe panongu mlo lo kipito kimthe kumo kümlà shinishiqhiyi keu lo tsüve ke. Ikehu panongu ye lakhi no lakhi lau panongu phimpi ju-aje shipüsa ghi kipito mikucho kumo kümlà shike.

Rommi 11:30

Ado lakhi lo nongu Jewkumomiqo ye Alhou gholumo no ache kemu itehi ye Jewmi ghokulu kumo ghenguno nongu no Alhou’w kimiyekini ithulu ketoi,

Rommi 13:14

Tishini ke züqhulo, Ampeu Jisü Khristo pesü nongu ghünanu shi pepuluvelo, eno kíshi no ashi-aji ghapiqi tsüní keno tipaqo ghili kümsü akevilo.

Rommi 2:14

(Kuchou lo ye, kughou Jewkumomi khunoqo ayeza küha kemu alhoaye lono ayeza lono shilo pikeu shini cheni keno panongu ye ayeza küha namu tino pano likhi pano ghenguno ayeza lakhi shive cheni.

Rommi 5:10

Kughengu tsalá ningu no Alhou ghümi shi aphi lo thotsü pa Nu kithí vechewo pa sasü külashilu aye, ningu ye külashiluva ake tinguno alau pa küxü vechewo ningu süsholu nani.

Rommi 5:9

Itehi ningu ye pa jì vechewo achipikaluve akehu tinguno alau shi ningu ye pa vechewo Alhou loghu lau no süsholu nani!

Rommi 6:12

Tighenguno axiné pelo O phimpi thiveniküau qhasü pesü O phimpi pelo küsakügha kümlà shinishi keu gholu pe kevilo.

Rommi 7:18

Kughengu I no ithi akeu no I lolo I xiné lhoaye lo pa kutoshi no akivi achemoe. Kughengu ni ye kiu no akivi keno tipau shinishiqhiyi acheni, ikemu ni ye tipau shilu chemoe.

Rommi 9:22

Tihutoi, Alhou ye pa loghu eno pa küká pephe-piye kulupu chipiu aghí pinamu, pa ye pa loghu ikughi niye shi akemiqo shou shishe kutuuve cheni. Timi tipaqo ye kütsaleve nikeu shi kughupe qhive kemiqo ke.

1 Kor. 4:7

Kughengu khuu no kütami kümtsü nguno nongu küta shilu pe kea? Alhou no nongu tsümo keu nongu ye kiu ani kea? Eno nongu no kiu ani keno tiye Alhou no nongu tsü aye, nongu ye kushiye pa no nongu tsümo ketoi qheza ani kea?

2 Kor. 7:1

Tighenguno kimiye chekemi shompamiqo, ningu ye pikiqhi hipaqo ani kehu Alhou gihu keu ghenguno thowkha lo akimthe kupukülai shini ke aphimpi ngò aghungu shikuchubeve chekeqo thime kümtsü lau no ningu likhi ningu shikimtheveni nolo.

Galatiami 3:22

Ikemu Kuchoyesü no pikeu kiqi lo thowkha kümtsü axiné ghaküsü qholo ani, tishianguno Alhou no kiu piqhipüani keno Jisü Khristo shou pülüluve kemiqo kümtsü pelo khaqhikiphe pikiqhi ithulu peniye ke.

Ephesiami 2:2

Tiye nongu no kughou hipau yeghi laghiqo ngò amlhü kükaphu yekipe khikhi itehi khunoqo no agholu chemo keno tipaqo gholo mülà akeu ghungu pape chekeu küxü lo xüache keu hu ke.

Ephesiami 4:22

Ikemu nonguw khaghi küxü ghola vehu lo nongu vilo nongu lhoaye aqau khikhi ti pishikiqhi kükümsü no shikuchubevea keno tipau ikhiqhivelo ipi shika ke;

Kolosiami 1:21

Ghuthu lakhi lo nongu ye Alhou lau no putosü pe acheke eno nonguw küsakügha ghiliaye ghenguno nongu mlo lono Alhou ghümi shi acheke.

1 Thes. 4:13

Athiküzümi eno achelimiqo, ningu ye nongu pelo kithimi ye kíshivea kela ipi avehuizü penishi amoe. Tishianguno nongu pelo lajupu küha kemiqo toi amlokighishi shi apemo niye ke.

1 Thes. 5:6

Ike tishiaye, ningu ye kütami toi zü akepu kumoe, ikemu ningu tsükhutsüvai eno alokütsü shini nolo.

1 Tim. 6:9

Khunoqo no kinikulu shinishi cheni keno panongu ye ghukuju, alichhe, nikhanigha jeli eno shiküpüsapu kükümsü khipaqo kütsakungo keu lo timi sailove cheni keno ghukuju tipaqo lo ikiqive cheni.

Titus 3:3

Ghuthu lakhi ye ningu ghí nikhanigha, agholumo kemi, pishikiqhimi, eno minemighei keu ngò alokughuno jeli no qhasü pe acheke. Ningu ye axeküsü eno anhekushu lo xüche, ningu no kütami jumithi eno kütami no ningu jumithi ishi acheke.

1 Peter 1:14

Aghokulumi itimi toi shilo, nongu no kümthami küxü lo xüache ke ghuloki lo küsakügha shinishiqhiyi keu nongu lolo achekeu lau puloküqha kevilo.

2 Peter 2:14

Shupu nikeu kükümsü no panongu nhethi chhitoi eno panongu ye axiné shini keu khilemu tave chemoe; panongu ye a-a shimo kemi saküghüzü cheni; panongu ye alakimine lo shitsa ke—müsüini keu tiqo ke!

2 Peter 2:18

Kughengu panongu kichí ye abokümsa ngò aqheküza tsaqo likhi ke eno ashi lakimine kükümsü ghenguno khunoqo no shikipimi küxü lo xüache püzü tipau lono akushukulu pokajosü wucheni keno tipaqo müsü cheni.

1 John 2:16

Kughengu ayeghiqha lo thime kümtsü—ashi-aji no mine chekeu, anhethi no mine chekeu, eno aküxü qheküza—hipaqo ye Apù lau no ighi chemoe ikemu ayeghiqha lau no ighi cheni.

1 John 2:8

Tishimu ni ye nongu lau azakütsü akithé lakhi yè anie; tipauw kuchou ye pa lolo eno O lolo no ithulu cheni, kughengu àküzǘ ye wove ani eno aküvü kuchou hu ye vüipeghivae.