Ephesiami 1:4 - Sümi Tiqhelimi Bible

⁴ Kughengu Alhou no ayeghi lhosü mphi züu no ningu pelo pa nhekithe lo akimthe eno tukutiye küha keu küxü xüpe niye pa no Khristo lono ningu kishelu ke. Kikimiye lono

BAIBEL (BSI)

⁴ Tiye ayeghiqha lhomphi lono Alhou no ninguye pawu shipenike Khristo gholono ningu kishephevae, tishianguno ninguno pa zulo akimthe shichepe eno pimi pemoniyeke.

Sumi Naga CL (Re-edited) Bible (BSI)

⁴ kughengu ayeghiqha boqha ghomphi lono Pa no Khristo gholono ningu kishelu keu ye ningu pelo Pa zülo tukutiye kühano akimthe shipeniye ke. Kikimiye lono

Ephesiami 1:4 Mawu Ofanana

MATTHEW 24:22

“Tsalá atsala tipaqo no kughukhove moaye, timi khumu xüluni chemoe, ikemu kisheluve kemiqo je lono atsala hipaqo ye kughukhove nani.

MATTHEW 24:24

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye kisheluve kemiqo ghí pishiqhi niye shi nani.

MATTHEW 24:31

Eno pa no afuko ghügha kijè gholo no paw kungumiqo puwu nani, eno panongu no ayeghi cheku bidí lono pa no kisheluve kemiqo hekütsü süghi nani, eno tiye ayeghi ashekha lono ashekha kutólo kisheluve kemiqo süghi nani.

MATTHEW 25:34

“Tile no Akükau no pa u ajeu iqa akeqo vilo pi nani, ‘Ighilo, nongu I pù no kümghave tsü keqo; O mheghi lu lo, ayeghiqha pulhosü ake ghuloki lono kükaphu O ghenguno kutò pe püakeu ke.

John 10:16

Ni ye khaküthabo hilehi küha keu ambe kütauqo anie. Ni ye panongu ghí süghi moayesa ani. Panongu ghí I sütsa ini nani, eno tilehi ye ambe loji lakhi ngò ambe kheu lakhi anani.

John 15:16

Nongu no I kishelu ke kumoe, ikemu I no nongu kishelu eno nongu pelo wu no axathi ado kushuwa pithí chekeu pithipe niye süküsü shilu ke eno tishi keu vechewo nongu no I je lono kiu-kiumu khu aye I pù no nongu tsü nani.

John 17:24

“Apùo, ni ye nono khunoqo pesü I tsü keno panoqo pelo I no khilehi ani keno tile I gholo ape nishi ani eno I juküvü ithulu penishi ani, tiye nono ajuküvü I tsü keu ke, kughengu nono ayeghi pulhosü mphi züu no I kimiye ke.

Apostolmi 13:48

Kughou Jewkumomiqo no hi chilu keno panongu ye alokivishi Ampeu tsa gihue; eno khunoqo lhokta küxü lo kishesüluve keno pülübeluve.

Apostolmi 15:18

hiye khaghi no ithi akeu thimeqo ke.

Apostolmi 18:10

Kughengu I no O gholo ani, eno khunomu O ghüzamo nani, kughengu mishighüna hipau lo iw timi kutomo anike.”

Rommi 8:33

Khuu no Alhou no kisheluve kemiqo shou akipimí tsülu nani kea? Achipikalu pe chekeu ye Alhou no ke.

1 Kor. 1:8

Pa no ashekha kutólo ghí nongu pelo mutotoilu pe nani, tishianguno nongu pelo ningu Mpeu Jisü Khristo tsalà ighi kelo tukutiye küha no aghí peniye ke.

Galatiami 5:13

I thiküzümi eno I chelimiqo, nongu ye kuqhopheve keu küxü xüpe niye kulù ke. Ikemu nongu ye kuqhophevea kepi tino ajekukivi shive no timi lhoaye pulou lo chhosü wuve kevilo; tishini ke züqhulo kikimiye vechewo akuchunu shi püzü nongu lakhi no lakhi qe lo.

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

Ephesiami 2:10

Kughengu ningu ye Alhou no azüu no ningu ghenguno akümlà kivi kutò pe qhipüakeqo mülà peniye Khristo Jisü vechewo lhophe ke. Eno ningu ye Alhou’w au no mülà keqo ke.

Ephesiami 3:17

tishi keu lono aküpülü vechewo Khristo pelo nongu mlo lo pa kungo-a shilu peniye ke. Eno I no inikhu akeu ye nongu pelo kikimiye lo aboqha shiluve eno akuhu qüsüluve peniye ke,

Ephesiami 4:2

Alhokuthu aqhokighe eno akümtsha shilo; kheakulu shilo eno kikimiye lono lakhi no lakhi lau küsüqhikulu shilo.

Ephesiami 5:2

eno Khristo no ningu kimiye no pa likhi pa ikhiphe pesü ningu ghenguno Alhou lau axokütsüngü kümlagho eno aghakishi lakhi shi tsüve keu toi, kikimiye lono xüche lo.

Ephesiami 5:27

eno axiné küha no momu idivemo momu kütau tukutiye kiumu küha no akimthe eno jekujeli küha no li pesü pa likhi pa lau jukighilepu kukuhou lakhi shitsü niye ke.

FILIPIAMI 2:15

tishianguno nongu pelo tukutiye küha no akimthe shi püzü, “tuchighi keu eno küsakügha tiqheli lo Alhou nuli akipimí küha keqo,” shilu pe nani. Tisheno nongu ye panongu gholo atsütsǘ lo ayepuqo toi vüipeghi nani.

Kolosiami 1:22

Ikemu itehi ye tukutiye küha eno ngukube kepu kiumu küha no akimthe shi pa zülo ighilu penike ghenguno Khristo shi phimpi kithí vechewo pa no nongu sasü külashiluvae—

Kolosiami 2:2

I kimiji ye panongu pelo amlo shikumtolu eno kikimiye lono küqhalu peniye ke, tishianguno panongu pelo Alhou’w tuqhou, khikhi Khristo ampi keno, tipau kinikülü shi akeu kupukülai shi vethalu peniye ke.

Kolosiami 3:12

Tighenguno, Alhou no kimiye no akimthe shi xüpe niye kisheluve kemi akehu, kimiyeqhiyi keu, küpüqhiyi keu, akuchunu shikeu, akümtsha eno kutuukulu shikeu pesü nongu likhi nongu nanu shi pepulo.

1 Thes. 3:12

Ningu no nongu kimiye keu toi, Ampeu no nongu pelo lakhi no lakhi kimiyelu eno timi kümtsü kimiye keu lo alau thuwulu eno qochili apeniu.

1 Thes. 4:7

Kughengu Alhou no ningu kulù keu ye ningu pelo mithekumo lo xüpe niye ke kumoe, ikemu akimthe shi xüpe niye ke.

2 Tim. 1:9

Pa no ningu xaluvae eno akimthe küxü lo xü penike ningu kulù ke—ningu no kiuala shilu keu ghenguno kumoe ikemu pa kimiji eno küpükini vechewo no ke. Küpükini hipau ye inahuu no Khristo Jisü vechewo ningu tsüvae,

2 Tim. 2:10

Tighenguno ni ye kisheluve kemiqo ghenguno thime kümtsü puqheluve acheni, tishianguno panongu ghí Khristo Jisü lolo xakulu gholo lhokta juküvüpu akeu ithulu peniye ke.

2 Tim. 2:19

Tishiaghi namu, Alhou kumto boqha ye ithamo no athoshi aphi eno atsa hipau mekhave no hitoi küxüpuku pe püani: “Ampeu ye khunoqo no paw timi keno ithi ani,” eno, “Ampeu je pipheluve kemi kümtsü küsakügha lau no tsüghüve moayesae.”

James 2:5

I thiküzümi eno I chelimiqo, hi inilo: Alhou ye ayeghiqha nhethi lo khunoqo no athokhami keno panoqo pelo aküpülü lo kinikülü shi no khunoqo no pa kimiye cheni keno tipaqo lau akükaphu piqhipüa keu ighílu penike kishelu ke kumo keshea?

1 Peter 1:2

Apù Alhou lokütsü vechewo kisheluve kemiqo, Aghunguw shikimthe keu kümlà vechewo Jisü Khristo gholu peniye eno pa jì no küzüteve kemiqo: Küpükini eno aloino keu no kupukuno shi nonguw shilu peniu.

1 Peter 1:20

Pa ye ayeghiqha pulhosü mphi lono kisheluve ke, ikemu nongu ghenguno ashekhau do hipaqo lono pa pephe-piye ke.

1 Peter 2:9

Ikemu nongu ye kisheluve kemi timiqo, akükau chine kümlamì, akimthe shiye eno Alhou’w paküta keu mheghiqo ke, tishi keu vechewo nongu pelo khuu no paw akichiqhipu küvü lo süghi niye àküzǘ lono nongu kuphelu keno pa sheqhe ghi asheshu peniye ke.

2 Peter 3:14

Tishiaye, kimiye chekemi shompamiqo, nongu no hipau khekulhoshi anike ghenguno thowkha lo pükapütsa püzü tukutiye küha keu, nguku kepu küha keu eno pa gholo külakishi akeu phulu pelo.

1 John 4:16

Ike tighenguno ningu no ithi no Alhou’w kikimiye ningu ghenguno akeu shou pükhü acheni. Alhou ye kimiyekiniu ke. Khukhumu kikimiye lo xü keu ye Alhou gholo xü cheni, eno Alhou no panongu gholo xü acheni.

Piyeküsü 13:8

Ghiqhive keu Ambeti’w aküxüpu kaku lo aje yèpuku püaghi kemi nguno alau ye ayeghi lhophe kelo no acheghi kemi kümtsü tüghashi hu mülá nani.

Piyeküsü 17:8

Nono tüghashi khikhi ithulu keno tihu ghuthu lakhi ye xüache, ikemu itehi ye kühavae, tishiaghimu ghuthu lakhi aqokutho lono ipeghi püzü kütsakungove nike wu nani. Ayeghi lhophe ke lono aküxüpu kaku lo ayeghi lo xüküami khunoqo je yèpüaghimo nike no panongu ye tüghashi hu ithulu kelo akümzave nani, kughengu tüghashi hu ye ghuthu lakhi xüache, ikemu itehi ye kühavae, eno tishiaghimu ghuthu lakhi ipeghi nani ke.