Apostolmi 9:2 - Sümi Tiqhelimi Bible

² no pa vilo Damascus lo Synagogqo ghenguno yèsüqo khu, tishianguno tilau Ampeu Là püla chekemi, kipitimi na totimi namu, pa no phulu kemiqo akughumi shi sasü Jerusalem lo ighi niye ke.

BAIBEL (BSI)

² Damaska lo Sinagog qo lau kilethi sutsukeu yesu khu, tishianguno tilau Ampeu La papekemiqo kiptimi na totimi namu pano phulukemi thaqhu tshu sasu Jerusalem lo saighi nikeu shi.

Sumi Naga CL (Re-edited) Bible (BSI)

² Damascus sinagog lo tsüpuwu kepu yesü khu, tishianguno khuana Alaghi laumi, kiptimi na totimi namu, pa no phulu aye küghape Jerusalem lo ighi niye ke.

Apostolmi 9:2 Mawu Ofanana

MATTHEW 10:17

Nolikhi nongu khekuto alo; nongu pesü no-a lo mijetsümiqo u lo sǘve no synagogqo lono nongu heqhi nani.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

Apostolmi 18:25

Pa ye Alhou sükümsa laghi lo akivishi shika puthu püa kemi, eno pa ye John baptiz likhi ithi akemi kemu ighono pulopiniyi shi Jisü ghili pikülha eno piküqümo no kütsü pìye chekemi ke.

Apostolmi 19:23

Tipau dolo tilehi Ampeu là püla chekeu vehu lo aküpüna kijè ipeghive.

Apostolmi 19:9

Ikemu panoqo gholo khami ye amlo kuthò shiauve no pülütsümo eno aqha zülo no Ampeu là püla chekemi ghili lhoküsa piae. Ikehu Paul ye panoqo qhive no wuve. Pa no pa gholo küpülümiqo sasü wu no tsalà kipetsü akükütsü ki Tyrannus lo kumqo no küptsa ache.

Apostolmi 24:14

Tishimu, panongu no akumou ke ipi chekeu Laghi hu I no püla chekemi lakhi shi püzü ningu pù-asüqo Lhou mülá cheni kepi ni ye ikhilu ani. I no pülü akeu ye hi kümtsü Ayeza eno Tungkupumiqo kaku lo yèpüa keu kiqi lono ke,

Apostolmi 24:22

Ikelo Felix, khuu Ampeu Là püla chekemi ghili akivishi ithi akeno pa no atsa kügha akeu tukiqhe puwuve. Eno panoqo vilo ishi pi, “Kughou zatsüu Lysias no ighini keno tile no I no O tsa xatha tsüní ipive.”

Apostolmi 26:10

Eno tihutoi Jerusalem lo I no hitoi shike. Achinetou kükagha lono, I no Ampeu’w timi kutomo akughuki lo khathave, eno kughou panongu pìthíve nikeu shi keno I no panongu lachile keu shi iw pulobe sǘtsü cheke.

Apostolmi 26:12

“Hitoi kicheghüzü shi chekeu tsalà lakhi lo ni ye achinetou no kükagha eno aküka I tsü keu pesü Damascus lo wuche ke.

Apostolmi 6:9

Ikemu ghochile keu ipeghive, tiye synagog lo kuqhopheve kemiqo (ishi panongu jeku cheke) Jewmi Cyrene, Alexandria eno Cilicia, Asia bocho lono ighi kemiqo no Stephen sasü kütsala thuve.

Apostolmi 7:19

Pa no niw timiqo pishikiqhipu shi peitha no ningu pù-asüqo qhasü eno anguka lono panongu ngá kughunuqo thive peniye ikhipeve pe ke.

Apostolmi 9:14

Eno pa ye achinetou lau no azah luve no hilau O je ku aghí kemi kümtsü küghaluve niye ighi anie.”

Apostolmi 9:21

Pa tsa chilu kemi kümtsü no akümzave eno ishi iniju kilé, “Timi hipau ye Jerusalem lo Jisü je picheghi kemi thaqhü kütsakungo cheke kumo keshea? Eno pa no hilau ighi keu kimiji ye Jisü jeku chekemiqo akughumi shi achinetomiqo lau sasü wu niye ighike kumo keshea?”

2 Kor. 11:32

Damascus lo akükau Aretas qholo akeu angh no I kügha nike ghenguno Damascus mishighüna homxa pe khekutoluve ke.

Galatiami 1:17

Ni ye khunoqo no I züu apostolmi shi ache keno ju nike ghenguno Jerusalem lo iqhomoe, ikemu ni ye Arabia lo wuve ke. Tithiu no ni ye Damascus lo ideghive ke.