Apostolmi 6:9 - Sümi Tiqhelimi Bible

⁹ Ikemu ghochile keu ipeghive, tiye synagog lo kuqhopheve kemiqo (ishi panongu jeku cheke) Jewmi Cyrene, Alexandria eno Cilicia, Asia bocho lono ighi kemiqo no Stephen sasü kütsala thuve.

BAIBEL (BSI)

⁹ Ikemu Aghoshi Sinagog ipi kuchekeu lo kihikusumi Kuriniami, Aleksandriami, Kilikiami, Asiami ighi kumqono lachile Stifan sasu kighethu.

Sumi Naga CL (Re-edited) Bible (BSI)

⁹ Tile timi khami Kuqhopheve kemiw Sinagog (aje ishi piche) lo kihimpemi, Cyrenemi, Alexandriami, Cilicia eno Asiami, no Stephen sasü kütsala thuve.

Apostolmi 6:9 Mawu Ofanana

MATTHEW 10:17

Nolikhi nongu khekuto alo; nongu pesü no-a lo mijetsümiqo u lo sǘve no synagogqo lono nongu heqhi nani.

MATTHEW 23:34

Tighenguno I no nongu lau tungkupumi, alokütsümi eno shikükamiqo puwu nani. Panongu khami nongu no pìthíve nani eno kros lo yedave nani; kütami khami nongu no synagogqo lono heqhi nani eno mishiphu lakhi lono lakhiu kutólo hakuqoqhi nani.

MATTHEW 27:32

Panongu no khalau wuche kelo, Cyrenemi lakhi Simon ipikeu sholu, ikelo ghüshimiqo no anguka lono pa pelo Jisü’w kros xapu pe.

Mark 13:9

“Nongu ye nolikhi nongu khekuto amoayesae. Nongu pesü no-a lo mijetsümiqo u lo sǘve no synagogqo lono nongu heqhi nani. Eno I je ghenguno nongu ye angh eno kükamiqo zülo puthugho no panongu lau I shepe shi nani.

Luke 21:12

“Hipaqo kiumu shimphi lono panongu no nongu küghaluve püzü pishi-puju nani. Panongu no nongu kügha pesü Synagog tsakükügha-a lo tsüve no akughuki lo sǘve nani, eno I je ghenguno nongu sasü kükami ngò anghqo zülo sawu nani.

Apostolmi 11:20

Ikemu panongu gholo khami ye Cyprus eno Cyrene lono Antioch lo wu no Ampeu Jisü tsakiviu ghili pesü panongu vilo likhi kumo no Greekmiqo vilo ghí pithuve.

Apostolmi 13:1

Antioch kukuhou lo tungkupumi ngò kütsü chekemiqo ae. Tiye Barnabas, Simeon tsübui kemi ipi ku chekeu, Cyrene lono ighi keu Lucius, Manaen (khuu angh Herod gholo kümtsa saputhu keno) eno Saul ke.

Apostolmi 13:45

Kughou Jewmiqo no timi kutomo akeu ithulu keno panongu ye anhekushu no chhitoive. Eno panongu no Paul no pikeu tsa lachile eno pa shou küthakügha shie.

Apostolmi 15:23

Panongu gholo ishi yèpe tsüpuwu: Apostolmi eno kichimi, nongu thiküzümiqo, Antioch, Syria eno Cilicia lo Jewkumomi küpülümi akemiqo lau: Petha tsü ani.

Apostolmi 15:41

Pa no Syria ngò Cilicia qhalo wu no akukuhouqo shikumto tsüe.

Apostolmi 16:6

Asia bocho lo atsakiviu kütsü pemo nike Aghungu Kimthe vechewo lakhave kehu Paul ngò pa küsàmiqo ye kicheghüzü shisü Phrygia eno Galatia ko-aqha kümtsü lo wue.

Apostolmi 18:24

Tishi akelo Alexandria lo xüküami Jewmi lakhi Apollos ipikeu ghí Ephesus lo ighi. Timi hipau ye akighithimi eno Kuchoyesü tsaqütsalei ithi akemi ke.

Apostolmi 19:10

Ampe kini kutólo Paul no hitoi shi ache, tishi keu vechewo Asia bocho lo xü akemi Jewmiqo ngò Greekmiqo kümtsü pelo Ampeu tsa chilu peniye ke.

Apostolmi 19:26

Nongu ampi no ithulu eno chiluvea ke, hilau Ephesus lo likhi kumo no kuchou lo ye Asia bocho kuchopu lo Paul ipikeu hipau no timi kutomo müsüluvea eno sà küghüzüvae. Pa no pikeu no timi u no mülà keu lhou ye khilemu alhou kumoe ipie.

Apostolmi 21:27

Kughou atsala akütsüniu ashekha shive niye akeno, Asia bocho lono ighi kemi Jewmi khami no achineki lo Paul ithuluve. Panongu no aqokitikhi kümtsü xukutho püzü pa küghaluve,

Apostolmi 21:39

Paul no khochile, “Ni ye Cilicia lo Tarsus lono ighi kemi Jewmi ke, inapügha mishighüna lo aghakütsami kumoe. Kimiye no I pelo timiqo pütsalu pelo.”

Apostolmi 22:19

“I no ishi khochile, ‘Ampeu, I no synagog lakhi lono lakhi lo wu no O pülü chekemiqo heqhi eno akughu shive chekeu timi hipaqo no ithi anike.

Apostolmi 22:3

“Ni ye Jewmi ke, Cilicia lo Tarsus phughi lono punú kemi, ikemu aphughi hipau lono saputhu ke. Ni ye Gamaliel qholo no phi kemi eno tsaqütsalei ni pù-asüqo yeza lo qokipheluve kemi. Ishí nongu no shi akeu toi ni ghí Alhou ghenguno ighono minemighei chekemi ke.

Apostolmi 23:34

Angh no yekili phijua no pa ye khipau ghakhu bocho lono ighi keno iniju. Paul ye Cilicia lono ighi kemi ipi ithive kelo,

Apostolmi 24:18

Panongu no I no achineki khala lo hipau shi aghí keu ithulu kelo ni ye chine-chini ye kiqi lono I shikimtheve no ake. Tilehi timi aqokitikhimu I gholo küha momu ni ye khiuala aküpüna lomu chhosümoe.

Apostolmi 26:11

Ghuthu kutomo ni ye panongu ghimeqhi nike ghenguno synagog lakhi lono lakhi lo wuche, eno anguka lono pano likhi pano chine pipüthave peniye shiche ke. Ni ye panongu pishi-puju nikeu no kütakihi acheke, ikehu inami mishighünaqo lo ghí I no panongu hawu niye wuche ke.

Apostolmi 6:10

Ikemu panongu ye pa no Aghungu no alokütsü pa tsü no piakeu lo puthugho no ghechile mülave.

1 Kor. 1:20

Alokütsüu ye khile ani kea? Ayeza kükütsüu ye khile ani kea? Hipau tiqheliw phukuthomiqo ye khile ani kea? Alhou no ayeghilomi lokütsü pesü nikhanigha shive tsüke kumo keshea?

Galatiami 1:21

Tisheno ni ye Syria ngò Cilicia ghakhu lo wuke.