Apostolmi 5:16 - Sümi Tiqhelimi Bible

¹⁶ Jerusalem sükümxa lo mishiphu akeqo lono küsükinimi eno mithekumo ghungu no ghimeqhi akemiqo sasü ighino aqokitikhi kumqo, eno panongu kümtsü shikipivi ithulue.

BAIBEL (BSI)

¹⁶ Jerusalem che-axulo aphu akeqo lono timi aqokitikhi ighikha eno kusukinimi ngo tughakusano ghimeqhikeqo saghi kelo panoqo kumtsu shipivilukha.

Sumi Naga CL (Re-edited) Bible (BSI)

¹⁶ Jerusalem cheaxü lo mishiphuqo lono küsükinimi ngo tüghaküsa no ghimeqhi akeqo saghi, eno panongu kümtsü shikipivi ithulue.

Apostolmi 5:16 Mawu Ofanana

MATTHEW 2:16

Kughou Herod no alokütsümiqo no pa pishiqhivea ipikeu ithive keno, pa ye muqhumüzaive, eno pa no Bethlehem eno sükümxa lo anu ampe kini eno tinguno aqhouqo kümtsü pìthíve penike azah tsüve, tiye pa no alokütsümiqo lau no ayepu ipeghi keu do ithive keu kiqiju püzü shike.

MATTHEW 4:24

Jisü ghili Syria qha kümtsü külha wove, eno timiqo no aküsǜ jeli sǜ akemi, ighono minheqhi sǜ akemi, tüghaküsa no tsüghape akemi, kilighakipemi, eno aphimpi ithamlave kemiqo kümtsü pa lau saighi; eno Jisü no panongu shipivi tsüe.

MATTHEW 8:16

Kughou avela shive keno, tüghaküsa no tsügha pesü akemi kutomo Jisü lau saighi, ikehu pa no pa tsa vechewo tüghaküsa ghawuqo hapheve tsü eno küsükinimi kümtsü shipivi tsü.

Luke 5:17

Ghulo lakhi Jisü no kütsüa, eno Phariseemi ngò ayeza kükütsümiqo ghí tile iqa ae. Panongu ye Galilee, Judea eno Jerusalem noqo phu kümtsü lono ighi. Eno Alhou’w shipivi kulupu küká Jisü gholo ae.

Luke 6:18

panongu ye pa tsa ini eno panongu küsǜ shipivi tsüpe niye ighikhae. Ikelo mithekumo ghungu no pünaqhi pe akemiqo shikipivi ithulue,

Luke 9:11

ikemu aqokitikhi no ti ithive no pa papesü ighi. Pa no panoqo sasülu püzü Alhou kükaphu ghili pesü panongu vilo pi, eno khunoqo no shikipivi avehupu shi akeno tipaqo shipivi tsüe.

John 14:12

Kuchou no I no nongu vilo pìní, khukhumu I shou pülü kemi ye I no shi chekeu kümlàqo shi nani, eno panongu ye hipaqo nguno akijeu kümlà ghí shi nani, kughengu ni ye Apù lau wucheni ke.

Apostolmi 4:30

O qeu akimtheu Jisü je vechewo shikipivi eno akümzapu ngò amichipu kümlà shilu penike ow chhopuwo tsülo.”

Apostolmi 5:15

Tishikehu, Peter no vechesü wuche kelo phimpi yekükhü likhimu küsükinimi khami shou ikughilu peniye timiqo no küsükinimiqo sasü ighino alaghila mükü lo alipa eno ayephuqo lo püzü pe qhike.

Apostolmi 5:17

Ikehu achinetou eno pa gholo kutubo kichemi ngò Sadduceemi mqo gholo kihiküsümi kümtsü anhekushu no chhitoive.

1 Kor. 12:9

eno Aghungu tipau hu no lakhi lau aküpülü ghò tsü cheni, kütami lau Aghungu tipau vechewo shikipivi ghò tsü cheni,

James 5:16

Tighenguno nongu xinéqo pesü lakhi no lakhi vilo piphe lo eno nongu ye viluve nike ghenguno lakhi no lakhi ghenguno akighini shilo. Amikuchomi kighini lo aküka kijè eno shikulupu anie.