Apostolmi 5:12 - Sümi Tiqhelimi Bible

¹² Apostolmiqo no timiqo gholo amichipu eno akümzapu kümlàqo kutomo shie. Eno küpülümi kümtsü Solomon ki sheqho lono kumqo no kusholu ache.

BAIBEL (BSI)

¹² Apostolmino timiqo gholo amchipu eno akumzapu kutomo shiphepiyelu. Kupulumi kumtsu Solomon kisheqholo kuhokumqo che.

Sumi Naga CL (Re-edited) Bible (BSI)

¹² Apostolmi no timiqo gholo amchipu eno akümzapu kümla kutomo mla ae. Panongu kümtsü Solomon kisheqho lono kumqo che.

Apostolmi 5:12 Mawu Ofanana

Mark 16:20

Tisheno akhopemiqo no chewu püzü aqha kümtsü lo kütsüe, eno Ampeu no panoqo gholo mülà eno pa tsa shikupu akeu shi amichipu kümlàqo mülàe.

John 10:23

eno Jisü ye achineki khalau Solomon ki sheqho lo alà che ghi ae.

John 4:48

Jisü no pa vilo pi, “Nongu ye amichipu ngò akümzapuqo ithulumo kelo ye khilemu pülümo nani ke.”

Apostolmi 1:14

Apostolmiqo ye tamo no totimiqo eno Jisü pazá Mary ngò pa thiküzümiqo gholo kümtsü küqha no inikhu ache.

Apostolmi 14:3

Ike Paul ngò Barnabas pama ye ado kushuwa tilehi ngo no Ampeu ghenguno akumto shi pia, eno pama no küpükini kükütsü tsape shikeu kimchitsü akeu shi Ampeu no pama pelo amichipu eno akümzapu kümlàqo shilu pe.

Apostolmi 16:18

Li no ghulo atsütsǜ hitoi shiauve. Ikehu Paul ye azüzüve no tsüghüwo aghawu vilo pi, “Jisü Khristo je lono O pelo li qhive no ipeve penike I no azah O tsü anie!” Tipa mtsa aghawu no li qhive no wuve.

Apostolmi 19:11

Alhou no Paul vechewo müzamghalei kepu amichipu kümlàqo shie,

Apostolmi 2:46

Tsalà kipetsü panongu aqoshi achineki khala lo tamo no kusholu ae. Panongu no panongu ki lo kümtsa asho mülà no amlo kuchou lono Alhou sheqhe eno timi kümtsü lopu shilu keu lo alokivishi asho kijé chue. Eno tsalà kipetsü khunoqo xakulu ithulu keno Ampeu no tipaqo pesü panongu mqo lo sülupe ke.

Apostolmi 28:9

Kughou hipau shive keno, züdoyeghi lo akemi kütamiqo kümtsü ighino shipivilue.

Apostolmi 3:11

Timi hu no Peter ngò John pama sünhepe akelo tile timi kümtsü no akichiqhive no Solomon Ki sheqho ipi chekeu-a lo panongu lau posü ighi.

Apostolmi 4:30

O qeu akimtheu Jisü je vechewo shikipivi eno akümzapu ngò amichipu kümlà shilu penike ow chhopuwo tsülo.”

Apostolmi 9:33

Tilehi pa no timi lakhi Aeneas ipikeu kusholu, pa ye aphi ithamlave no ampe tache azüa dapesü acheke.

Apostolmi 9:40

Peter no panongu kümtsü achebo lono khalau ipeve pe; tisheno pa no qhoqhünhe no inikhu. Pa no thive keu totimi küdau tsüghǜ ighi püzü ishi pi, “Tabitha, ithuvelo.” Li no anhethi tsükhove, eno pishipuwo Peter ithulu kelo, li no ithu iqave.

Rommi 15:19

Panongu ye amichipu ngo akümzapu küká eno Alhou Ghungu küká vechewo pütsaqhilu ke. Ike Jerusalem lono homüxa süsü Illyricum kutólo ni ye Khristo tsakiviu kümtsü pe asheshuvae.

2 Kor. 12:12

Ni ye tsükhoi shi no nongu lau apostolmiw kuchou michiqo gholo amchipu, akichiqhipu eno akümzapu kümlàqo pephe-piye ke.

IBRIMI 2:4

Alhou ghí xakulu hu ye amichipu, akichiqhipu, eno akümzapu kümlà jeliqo eno pa pulou kiqi lono kijé tsü keu Aghungu Kimthe ghòqo vechewo thopi shitsü ke.