Apostolmi 3:21 - Sümi Tiqhelimi Bible

²¹ Alhou no khaghi no akimthemi tungkupumiqo vechewo piqhipüa keu toi Alhou no thowkha akithé shikitheve keu do ighi mphi kutólo pa ye kungugha lo ngo aghí moayesae.

BAIBEL (BSI)

²¹ Alhou no puzuuno pawu tungkupmi pelo azunathaghi pipuakeu toi, thwokha shikithe chilemoke kuto paye kungughalo aghimasae.

Sumi Naga CL (Re-edited) Bible (BSI)

²¹ Alhou no kushuo lono Pa kimthe tungkupmi vecheo pipüa ketoi, thokha athoputho moke kutolo, kungugha no pa saluve masae.

Apostolmi 3:21 Mawu Ofanana

Luke 1:70

(pa no püzüu paw akimthe tungkupumi vechewo pipüa ke),

Apostolmi 1:11

Pama no ishi pi, “Galileemiqo, nongu ye kushiye hile puthugho no atsütsǘ lo ju ani kea? Jisü khuu nongu lau no kungugha lo sawuve akeno pa ye nongu no kungugha lo pa sawuve keu ithulu ketoi akiniù ideighi nani.”

Apostolmi 10:43

Timi khuu no pa pülüni keno pa je vechewo axiné qhikütsü ithulu nani ipi Tungkupumi kümtsü no pa shepe shitsü.”

Apostolmi 3:19

Tishiaye amlo pebideve lo, eno Alhou lau xaide ighilo, tishianguno nongu xinéqo nuxave tsü penike eno aghüthipüxü keu do tipau ye Ampeu lau no ighi peniye ke,

Apostolmi 3:20

eno tishi keu lono pa no Messiah, khuu nongu ghenguno süküsü shipe püani keno puwu nani—tiye Jisü ke.

Rommi 8:21

lhoqhipüa keqo pelo tsümave niye akeu kütsügha lono kuqhopheve no Alhou nuliqo juküvü gholo küsajelu pe nikeu ghenguno ke.

IBRIMI 1:1

Wove keu lo Alhou no tungkupumiqo vechewo ghuthu kutomo eno alaghi jeli lono ningu pù-asünoqo pütsa cheke,

2 Peter 1:21

Kughengu tungkuptsa ye khilemu timi pulou lono hukuthu shi ighi püamoe, ikemu tungkupumiqo ghí timi shi anamu Aghungu Kimthe no mijetsü keu vechewo Alhou lau no ighi keu tsape pi cheni ke.

2 Peter 3:2

Ni ye nongu pelo wove keu lo akimthe tungkupumiqo no atsa pikeqo ngò ningu Mpeu eno Xakuluu no nonguw apostolmiqo vechewo azakütsü tsü keqo kümsüchilelu penishi ani.

Piyeküsü 18:20

“Nongu kungugha lo akemiqo, li kütsave keu lo alovishelo! Nongu Alhou’w timiqo, alovishelo! Apostolmi ngò tungkupumiqo, alovishelo! Kughengu li no nongu shou küghathabe keu pesü Alhou no li shou küghathabevae.”

Piyeküsü 22:6

Kungumi no I vilo pi, “Atsa hipaqo ye pükhübekulupu eno kuchou ke. Ampeu Alhou khuu no tungkupumiqo lau müzüsütsü cheni keno, pa no pa qemiqo vilo thime hipaqo itheno shikupu moayesa akeu pìye niye paw kungumi puwu ke.”