Apostolmi 3:19 - Sümi Tiqhelimi Bible

¹⁹ Tishiaye amlo pebideve lo, eno Alhou lau xaide ighilo, tishianguno nongu xinéqo nuxave tsü penike eno aghüthipüxü keu do tipau ye Ampeu lau no ighi peniye ke,

BAIBEL (BSI)

¹⁹ Axine lono xaideghilo eno Alhou lau tsughu ighilo, tishianguno pano nongu xineqo pevetsu nani,

Sumi Naga CL (Re-edited) Bible (BSI)

¹⁹ Tighenguno xaidelo, eno nongu xine nuxave tsü penike tsüghü ighilo,

Apostolmi 3:19 Mawu Ofanana

MATTHEW 13:15

Kughengu timi hipaqo mlo ye mükamüghaivea ke; panongu kìní ye ini kushughivae, eno panongu ye pano nhethi miyiluvae. Tishimo ke aye panongu nhethi no ithuluni cheke, panongu kìní no chiluni cheke, panongu mlo lono vethaluni cheke eno xaideghi aye, I no panoqo shipivi tsüní cheke.’

MATTHEW 18:3

Eno pa no pi: “Kuchou no I no nongu vilo piani, nongu no kilive püzü itimi lakhi toivemo ke thaqhülo, nongu ye khilemu kungugha kükaphu lo ilo müla nani.

Luke 1:16

Pa no Israelmi kutomo panongu Mpeu Lhou lau saideghi nani.

Luke 22:57

Ikemu Peter no li lachile ghi pi, “Totimio, ni ye pa mthae.”

Apostolmi 1:6

Panongu no pa homüxa pe ngo no pa vilo iniju, “Ampeu, no ye atüqhüdo hipau lono Israel kükaphu sachile süghi niye ani keshea?”

Apostolmi 11:18

Kughou panongu no hi chilu keno, panongu ye kiumu lachilelu keu shimove eno Alhou sheqhe ghi ishi pi, “Tishiaye, Alhou ye Jewkumomiqo kutólo ghí amlo pebide keu vechewo aküxüpu shilu penike puloza tsüvae.”

Apostolmi 11:21

Ampeu küká panongu gholo ae, eno timi kutomo no pülüluve püzü Ampeu lau xaideghiluve.

Apostolmi 15:3

Akukuhou no panongu puwuve, eno panongu no Phoenicia eno Samaria vechesü kicheghüzü shiche kelo Jewkumomi no kíshi Alhou lau xaideghilu ani keno panongu vilo pitsü. Asütsa kithé hipau chilu püzü küpülümiqo kümtsü no alokivishive.

Apostolmi 17:26

Pa no timi lakhi lau no shiyeqo kümtsü lhoe, eno tipaqo pelo ayeghiqha kuchopu lo küghünalu pe ke; panongu pelo ado khikuto akepu eno alughi khipau kutólo küghüna kepu keno pa ampi no kimchipheve tsüe.

Apostolmi 2:38

Peter no khochile, “Nongu kümtsü nongu xinéqo qhivetsü penike ghenguno amlo pebideve no Jisü Khristo je lono baptiz shiluve lo. Eno nongu no Aghungu Kimthe ghò ithulu nani.

Apostolmi 28:27

Kughengu timi hipaqo mlo ye mükamüghaivae; panongu ye panongu kìní lono akushukulu chilu cheni, eno panongu ye panongu nhethi miyiluvae. Tishimo aye panongu nhethi no ithuluni che, panongu kìní no chiluni che, panongu mlo lono vethalu no xaideni che, eno I no panongu shipivi tsüní cheke.’

Apostolmi 3:20

eno tishi keu lono pa no Messiah, khuu nongu ghenguno süküsü shipe püani keno puwu nani—tiye Jisü ke.

Apostolmi 3:21

Alhou no khaghi no akimthemi tungkupumiqo vechewo piqhipüa keu toi Alhou no thowkha akithé shikitheve keu do ighi mphi kutólo pa ye kungugha lo ngo aghí moayesae.

Rommi 11:25

Athiküzümi eno achelimiqo, ni ye nongu pelo Alhou’w tuqhou hipau ghili ithi penishi anie, tishianguno nongu pelo nongu likhi nongu pülüpivi apemo niye ke: tiye hike, Israelmi shou amlo hekike keu ikughi akeu ye Jewkumomiqo khije Alhou lau ighi kepu shi ani keno tipaqo ighikupu mphi kutólo likhi ke,

2 Thes. 1:10

Tipau tsalà lo Ampeu’w akimthemiqo no pa juküvü shi nani eno pa pülüluve kemiqo kümtsü no pa sümsa ghi sheqhe nani. Nongu ghí hilehi kihisü ani, kughengu nongu no ningu küxü shepe nongu tsü keu pülü ke.

2 Thes. 1:7

eno nongu ghimeqhi akemi lau no nongu likhi kumo no ningu ghí ghulu tsü nani. Hiye kughou kungugha lono vüqalei keu ami eno Ampeu’w kungumiqo kumto gholo no Ampeu Jisü pephe-piye nike no tipau tsalà lono shi nani.

2 Tim. 2:25

Mujochile chekemi vilo agholau no shika moayesae. Alhou no panongu mlo pebide tsü no kuchou ithikulupu laghi lo sawu nani kepi lajupu qhi moayesae,

IBRIMI 4:1

Tighenguno, pa kulhokiqhi-a lo ilo nikeu shoqhi ye itehimu aphike ghenguno, ningu khumu ikiqive aghí keu shipemo nike ghenguno tsaqütsaleini nolo.

1 Peter 2:25

Kughengu “nongu ye ambe no kawuve ake toi ke,” ikemu itehi nongu ye Ambe Kheu eno nongu ngulhoqo Jukükütsüu lau ideghivae.

2 Peter 3:8

Kimiye chekemi shompamiqo, ikemu thime lakhi hipau kümsüma kevilo: Ampeu gholo atsala lakhi ye ampe 1,000 toi ke, eno ampe 1,000 ye atsala lakhi toi ke.

Piyeküsü 21:4

‘Pa no panongu nhethi lono anhezü kümtsü isüve tsü nani. Tilehi khilemu akithí küha nani,’ mloqa keu, aküqa momu aghime kühave nani, kughengu aqau thimeqo ye wovae.”