Apostolmi 28:16 - Sümi Tiqhelimi Bible

¹⁶ Kughou ningu no Rome lo ighive keno Paul ye ghüshimi no ngokhe no pa likhi ngolu pe nikeu shive.

BAIBEL (BSI)

¹⁶ Kughou Rom lo ninguno ighikeno, Paul ye ghushimi lakhino pa kheghi pa likhi pa kutashi ngolupe nikeu pulovetsu.

Sumi Naga CL (Re-edited) Bible (BSI)

¹⁶ Kughou ningu no Rome lo iloghi keno, Paul ye ghüshimi lakhi no pa kheno pa kutoshi ngolu penike azah tsü.

Apostolmi 28:16 Mawu Ofanana

Apostolmi 18:2

Tilehi Paul no Pontus nó ghami Aquila ipikeu Jewmi lakhi sasü kusholu. Aquila ghí tipau dolo no pa nipu Priscilla sasü Italy lono ighi ae, kughengu Qhasükükau Claudius no Jewmi kümtsü vilo Rome phughi qhive no chevelo pi azah tsüke. Paul no pama pütsa niye wu,

Apostolmi 19:21

Hipaqo kümtsü shive kethiu Paul ye Macedonia ngò Achaia vechesü Jerusalem lo kicheghüzü shini keu vehu kughuluve. Pa no ishi pia, “I no tilau wuve kethiu ni ye Rome ghí xuju moayesa anie.”

Apostolmi 2:10

Phrygia eno Pamphylia, Egypt eno Cyrene phivilo Libya lono ighi kemi; Rome lono xukujumi

Apostolmi 23:11

Tipa jì Ampeu no Paul phivilo puthugho no pi, “Amlo kumto shilo! Jerusalem lo nono I shepe shitsü ketoi, Rome lo ghí no ye I shepe shitsü moayesae.”

Apostolmi 24:23

Pa no aqhe shou zatsüu vilo Paul khekuto lo pi azah tsüve, tishimu Paul lakhamo no kiu shikepu keno shilu pe eno pa küsàmiqo pelo pa vehupu jeliqo jukuto penike puloza tsüve.

Apostolmi 27:3

Tishiwo thoghiu ningu ye Sidon toluve; ikelo Julius no Paul küpüqhiyi kehu, pa no avehupu shi akeqo tsüpe niye pa küsàmiqo lau wulu pe.

Apostolmi 27:31

Ikehu Paul no aqhe shou zatsüu eno ghüshimiqo vilo pi, “Timi hipaqo no zükilu gholo ngomo kelo nongu ye xü müla nani.”

Apostolmi 27:43

Ikemu aqhe shou zatsüu ye Paul küxü pükhatsü nishi akehu, panongu no kiu shi niye püghü akeno tipau shipemo nike lakhave. Pa no khunoqo azümihi ithi ani keno zükilu lono atüghiu shi ilhe iqive no ayeghi küdau wuve penike azah tsü.

Piyeküsü 17:18

Nono totimi ithulu keu hu ye ayeghi lo kükamiqo shou ayè pe achekeu mishighüna ajekipiu ke.”

Piyeküsü 17:9

“Hipau lo alokütsü akeu kükümsü avehupu shi anie. Akütsü tsünì ye totimi hu no iqa chekeu ato tsünì hu ke.