Apostolmi 27:43 - Sümi Tiqhelimi Bible

⁴³ Ikemu aqhe shou zatsüu ye Paul küxü pükhatsü nishi akehu, panongu no kiu shi niye püghü akeno tipau shipemo nike lakhave. Pa no khunoqo azümihi ithi ani keno zükilu lono atüghiu shi ilhe iqive no ayeghi küdau wuve penike azah tsü.

BAIBEL (BSI)

⁴³ ikemu ghushimi akijeuno Paul kuxu xalunishi kelauno suphamiqo pelo panoqo kupughu peitha pemove. Tishinike zuqhu pano ahza tsupuzu khunoqono azu ghathi aghinikeno tipaqo paghi ilhe ilono amuku kughula kudau ghau penikeu shi,

Sumi Naga CL (Re-edited) Bible (BSI)

⁴³ Ikemu aqhe zatsüu no Paul xaluni shi kehu panongu kukughu lakhave. Eno khunoqo no azü ghathi ani keno tipaqo paghi ilhe ilo no amkü lo ipe penike pa no azah tsü,

Apostolmi 27:43 Mawu Ofanana

Apostolmi 23:10

Alau shi müghachhoi kütsala kithe auve kehu zatsüu ye panongu no Paul süthapiniyive nosa keu msàve. Ikehu pa no ghüshimiqo vilo iqi no angukamu sǘ no panongu lau no Paul sasü ghüshimi kungoki lo saighive lo pi azah tsü.

Apostolmi 23:24

Paul ghenguno khurshiqo kutotsülo, tishianguno akivishi pa khesawo Angh Felix tolu kepu shini ke.”

Apostolmi 27:11

Ikemu aqhe shou zatsüu no Paul no pikeu tsa ini tsümo no zükilu küsàu ngò zükilu mpeu pama no mijetsü keu tsa inive.

Apostolmi 27:3

Tishiwo thoghiu ningu ye Sidon toluve; ikelo Julius no Paul küpüqhiyi kehu, pa no avehupu shi akeqo tsüpe niye pa küsàmiqo lau wulu pe.

Apostolmi 27:31

Ikehu Paul no aqhe shou zatsüu eno ghüshimiqo vilo pi, “Timi hipaqo no zükilu gholo ngomo kelo nongu ye xü müla nani.”

Apostolmi 27:42

Tishi akelo ghüshimiqo ye akughumiqo pelo azü mihisü pove pemo niye pìthíve nikeu shi püghüve.

2 Kor. 11:25

Ghuthu küthü asüthalu pesü I heqhi pe püani, ghuthu lakhi ye atu pesü I veqhi pe püani, ghuthu küthü I no chekeu shuka-ki kuboleve keu shipüani, ghuthu lakhi ni ye putho-pucho lakhi azüghi lo ngo püani,