Apostolmi 24:24 - Sümi Tiqhelimi Bible

²⁴ Atsala hami thiu Felix no pa nipu Drusilla sasü ighi, li ye Jewmi ke. Pa no Paul ku puwu eno Paul no Khristo Jisü pülü akeu ghili kütsü kelo inia.

BAIBEL (BSI)

²⁴ Ghulo kini kuthu-a thiu Feliks ngo pa nipu Drusilla pama ighi, liye Judami. Feliks no Paul ku-saghipe eno pano Jisu Khristo lau akupulu akeu pesu pi akelo Feliks ye initsuae.

Sumi Naga CL (Re-edited) Bible (BSI)

²⁴ Atsala hami thiu Felix ngo pa nipu Drusilla, khuu Jewmi keno, pama no Paul kusaghipe, eno pa no Jisü Khristo lau aküpülü akeu ghili pikeu ini.

Apostolmi 24:24 Mawu Ofanana

Mark 6:20

kughengu Herod no John ye amikuchomi eno akimthemi lakhi kepi ithi no pa sümsa eno süsho acheke. Kughou Herod no John ghili chilu keno pa ye ighono avehuizüve; tishimu pa ye John tsa ini nishive.

Luke 19:3

Pa ye Jisü ye khuu keno ju nishiqhiyi ake, ikemu pa ye shitimi kehu aqokitikhi ghenguno Jisü jumla no ae.

Luke 23:8

Kughou Herod no Jisü ithulu keno, pa ye ighono alovive, kughengu pa ye ado kushuwa lono Jisü ithulu nishiqhiyi ake. Pa no pa ghili chilu chekeu kiqi lono, akümzapu michipu khami pa no shikeu ju niye lakuju shi ake.

Apostolmi 16:31

Pama no khochile, “Ampeu Jisü shou pülübe lo, tishiaye no eno O kibolomi kümtsü xaluve nanie.”

Apostolmi 20:21

Ni ye Jewmi ngò Greekmiqo kinikujo vilo ghí panongu ye Alhou lau xaideighi no amlo pebideve püzü ningu Mpeu Jisü shou pülübe moayesa kepi shukiphe shive tsüae.

Apostolmi 24:25

Paul no achipiumikucho, alikhi aghasükulu eno küghakütha ighi niye akeu ghili pi akelo Felix ye msàve eno pi, “Itehi ghengu ye tino taveni! No ye wuluve nani. I no kughou no ado shiluni keno I no O kupuwuni.”

Apostolmi 26:22

Ikemu Alhou no ishí tsalà kutólo I kuphutsü ke; tishikehu ni ye hilehi puthugho no kijemi ngò kitilami kümtsü lau I shepe tsülu ani. Ni ye tungkupumiqo ngò Moses no kiu shi nani keno pitsü keu nguno alau ye kiumu alá piamoe, tiye—

Galatiami 2:16

Tishimu ningu no ithi akeu no timi lakhi ye ayeza pape keu vechewo achipikalu chemoe, ikemu Jisü Khristo shou pülü keu vechewo no ke. Ike ningu ghí ayeza pape keu vechewo kumo no Khristo shou pülü keu vechewo achipikalu penike ghenguno Khristo Jisü shou ningu küpülü qhicheni ke, kughengu ayeza papelu keu vechewo timi khumu achipikamla nani ke.

Galatiami 2:20

Ni ye Khristo gholo yedaküqhavae eno ni ye I ghò shi xü anike kumovae, ikemu Khristo no I lolo xü anie. Itehi I phimpi lo xü akeu küxü ye Alhou Nu khuu no I kimiye eno I ghenguno pa küxü tsüve keno pa shou aküpülü qhi no xüani.

Galatiami 3:2

Ni ye nongu lau no thime lakhi ithive nishi anie: Nongu ye ayeza lo shikupulu keu vechewo Alhou Ghungu ithulu keo nongu no kiu chilu keno tipau pülü keu vechewo no kea?

1 John 5:1

Jisü ye Khristo kepi pülü chekemi kümtsü Alhou lau no ighi keu nuliqo ke, eno apù kimiye chekemi kümtsü pa nuliqo ghí kimiye acheni.

Jude 1:3

Kimiye chekemi shompamiqo, ni ye nongu lau ningu no xakulu küsaje akeu ghili yè nishiqhiyi akemu, ni ye nongu lau Alhou’w akimthe timiqo lau ghuthukhavi ghenguno aküpülü pichetsü keu vehu lo yè eno nongu pelo tipau kütsala penike hakite ani.

Piyeküsü 14:12

Hiye Alhou’w timi khunoqo no Alhou zakütsü pape cheni eno Jisü lau amikucho shi cheni keno panongu sheamzü lo kheakulu shi kutuulu peniye piakeu lakhi ke.