Apostolmi 23:9 - Sümi Tiqhelimi Bible

⁹ Ikehu tilehi mtomushu keu kijè ipeghive, eno ayeza kükütsümi khunoqo no Phariseemiqo keno panongu no puthugho püzü akumto shi kütsalae. Panongu no pi, “Ningu ye timi hipau shou akipimí kiumu phumlae. Ishi ake aghawu momu kungumi no pa pütsa püaghiluvie.”

BAIBEL (BSI)

⁹ Ikehu mutomushukeu kije lakhi ipeghive, eno Farisimi mqo kudaumi gholono ayehtsa kukutsumi hamino puthugho ithu puzu hiye ighono kumo kepi pithu, “Ninguye timi hipau shou akipimi kiumu phumlae! Kutowomu aghahwu momu kungumi lakhino pa putsapuani keniae. “

Sumi Naga CL (Re-edited) Bible (BSI)

⁹ Tile shishe mqhumza ipeghive, eno Phariseemi mqo lo Ayezah shikükami khami no puthugho no aghoshi pi, “Ningu ye timi hipau shou akipimi kiumu phumlae. Aghungu momu kungumi no pa pütsa püaghi aye kiu pini kea?”

Apostolmi 23:9 Mawu Ofanana

Mark 2:16

Kughou ayeza kükütsümi Phariseemiqo no Jisü no achineye lo amlo tsüchemo kemi eno zame küqhamiqo gholo chu-sho akeu ithulu keno, panongu no Jisü khopemiqo vilo ishi iniju: “Kushiye pa ye zame küqhami eno axinemiqo gholo chu-sho ani kea?”

Luke 23:22

Ghuthu aküthüu ghí pa no panongu pütsa: “Kushiye kea? Timi hipau ye ayeza heküxá kümlà kiu shive kea? Ni ye pa pìthíve kepu kipimí kiumu phulu amoe. Tighenguno I no pa ghimeve no pa phepuwu venie.”

Luke 23:4

Tisheno Pilate no achinetomiqo eno aqokitikhi vilo pìthitsü, “Ni ye timi hipau ngukube kepu akipimí kiumu phulu amoe.”

Luke 5:30

Ikemu Phariseemi eno panongu mqo gholo ayeza kükütsümi akemiqo no Jisü khopemiqo lau nhenheshi pi, “Nongu ye kushiye zame küqhami eno axinemiqo gholo chu-sho ani kea?”

John 12:29

Tile aqokitikhi akeqo no ti chilu no hiye tsütsü-küsü ke ipi; kütamiqo no hiye kungumi no pa pütsa anie ipi.

Apostolmi 11:17

Ike Alhou no aghò pesü ningu tsü keu toi Ampeu Jisü Khristo pülüluve kemiqo ghí tsü aye, ni ye khuu keno I no Alhou lakha kulupu kea?”

Apostolmi 22:6

“I no Damascus kupunú ighi kelo, puchomghü ghuloki lo, paikhavi atsütsǘ lono vüqai keu küvü lakhi no I sümxa pe yeluve.

Apostolmi 22:7

Ni ye ayeghi lo ikiqive eno asütsa lakhi no I vilo ishi pikeu chilu, ‘Saul! Saul! no ye kushiye ni pishi-puju cheni kea?’

Apostolmi 23:29

I no phuphelu keu ye pano yeza lo ngukube keu vehu ke thono pa pìthíve küzüpu momu akughu shive kepu kipimí kiumu kühae.

Apostolmi 23:8

(Sadduceemi no xülethumo nani eno kungumi momu aghawu kühae ipi cheni, ikemu Phariseemi ye hipaqo kümtsü ani kepi pülü cheni.)

Apostolmi 25:25

Ikemu ni ye pa pìthíve moayesa kepu akiqi kiumu phulumoe, eno pa no Qhasükükau pelo pa tsa xatha tsü penike qhüiniju kehu I no Rome lo pa puwu nikeu shi.

Apostolmi 26:31

Panongu no achebo lono wuve kethiu, tilehi akemiqo no lakhi no lakhi vilo ishi pia, “Timi hipau ye shipimi keu kiumu kühae eno pìthíve kepu momu akughu shive kepu aküzüpu kumoe.”

Apostolmi 27:23

I no qe chekeu Lhou eno I Mpeu’w kungumi lakhi no ìji inaputhou no I phivilo puthugho

Apostolmi 5:39

Ikemu tsalá hino Alhou lau no shi aghí aye nongu ye timi hipaqo lakha müla nani; eno nongu ye Alhou mjochile akeu nongu likhi nongu no phulu nani.”

Apostolmi 9:4

Pa ye ayeghi lo ilu iqive eno asütsa lakhi no ishi pa vilo pikeu chilu, “Saul, Saul, no ye kushiye ni pishi-puju cheni kea?”

1 Kor. 10:22

Ningu ye Ampeu nhekushu xukutho niye pükapütsa ani keshea? Ningu ye pa nguno akumtou keshea?